Alevi 11:44 - MUKANDA USANDU WA ZAMBI 1975

⁴⁴ Mumu yami Yehova Zambi yenu, kashika munukalihandununa nukalisele ku usandu, se ni yami nguli musandu. Kanda nukalichisa ni kashitu niumwe mukwa kulikoka ha mavu.

Mukanda Wa Zambi 1970

⁴⁴ Yami nguli Mwene Zambi, Zambi yenu, ni yenu chanutamba kubwa minangi, mumu yami nguli munangi.

Alevi 11:44 Iomraidhean Croise

Miaso (Masamu) 99:5

Nangamisenu Yehova Zambi yetu. Wayilenu ku chitwamo cha yiliato yenyi, mumu iye musandu.

Miaso (Masamu) 99:9

Nangamisenu Yehova Zambi yetu, nukawayile ku mulundu wenyi usandu, mumu Yehova Zambi yetu iye musandu.

Kutuhuka 16:12

Kunevwa kulinyenyeta cha A-Izalele, hanjika no ngwe, Ha chingoloshi munukalia yifwo mba muze mu kucha, kumunukakuta ni mbolo. Munukanyingika ngwenu, Mwe Yehova, Zambi yetu.

Kutuhuka 19:10

Yehova yamba kuli Mose ngwenyi, Yako kuli atu, wasele ku usandu ni musono ni hamene. Akakose mazalo jo.

Kutuhuka 19:6

Kumunukapwa kuli yami munyachi wa asasendote, vungu lisandu. Wano maliji muwambulula kuli A-Izalele.

Kutuhuka 20:2

Nakuchijile ku chifuchi cha Engitu, ku zuwo lia upinji, Yami Yehova Zambi ye.

Kutuhuka 22:30

Chizechene ukalinge ni ngombe je ni mapanga je. Mwana atwame ni naye matangwa shimbiali. Ha tangwa liamuchinake ukamuhane kuli yami.

Kutuhuka 22:31

Nukapwe atu asandu kuli yami. Kashika kanda nukalia yifwo niyimwe yize vinapapuluka kuli tushitu a mu yambu. Nukayimbile ku tuwa.

Kutuhuka 23:25

Nukavumbike Yehova Zambi yenu. Iye kumakawahisa kulia chenu ni meya jenu. Kumungukachiza kuyiza hakachi kenu.

Kutuhuka 6:7

Makanutambula nukapwe atu jenyi. Kumakapwa Zambi yenu. Enu kumunukanyingika ngwenu, Yehova Zambi yetu, iye mukwa kutuchiza kushi lia yiteli ya A-Engitu.

Izaya 43:3

Mumu nguli Yehova Zambi ye, mwe Musandu wa Izalele, Chilamwina che. Nahanyine Engitu kupwa ndando ya ukule we. Nakulanjile ni Etiopia ni Sepa.

Izaya 51:15

Mumu yami nguli Yehova Zambi yenu, mukwa kuvundula kalunga-lwiji ndo mikanya yenyi muyikachungula— jina lienyi Yehova-wa-Tujita.

Alevi 10:3

Henaho Mose yamba kuli Arone ngwenyi, Chino che chuma Yehova hamba ngwenyi, Mungupwa wajila kuli waze eswe makakundama kuli yami. Kumeso ja e atu eswe mungukalema. Arone yaliholela lume.

Alevi 11:43

Kanda nukalipwisa yenwene a lwaji kuli kashitu mweswawo wa kulikoka, chipwe kulichisa no hanga nukalipihise no, ka.

Alevi 18:2

Amba kuli A-Izalele ngwe, Yami Yehova Zambi yenu.

Alevi 19:10

Kanda nuhela uva yenu hululu, chipwe uva yize yaholokela hashi kanda nukayanda. Munuyihichikila chiswale ni njize. Yami Yehova Zambi yenu.

Alevi 19:2

Amba ku chikungulwila cheswe cha A-Izalele ngwe, Pwenu asandu mumu yami Yehova Zambi yenu nguli musandu.

Alevi 19:3

Enu eswe mutu ni mutu nukalemese noko ni tatenu. Nukafunge Sambata jami. Yami Yehova Zambi yenu.

Alevi 19:4

Kanda nutewulukila ku tuponya, hanji ku tuzambi twa kuzuzulula. Yami Yehova Zambi yenu.

Alevi 20:26

Enu munupwa asandu kuli yami, mumu yami Yehova nguli musandu. Hinanuhandununa hakachi ka mavungu nukapwe a mbala a yami.

Alevi 20:7

Liselenu kuli yami kashika. Pwenu asandu mumu yami Yehova Zambi yenu.

Alevi 21:8

Nukamusele ku usasendote mumu kakulambula kulia cha Zambi yenu. Akapwe musandu kuli yenu mumu yami Yehova mukwa kunusela ku usandu nguli musandu.

Amose 3:3

Atu aali kakuliendela nyi kalitesele?

Kwalula 15:40

Chocho nukewuluke kulinga maliji eswe a shimbi jami, nukapwe asandu kuli Zambi yenu.

Mateu 5:48

Kashika pwenu angunu, ngwe Tatenu wa mwilu kapwa mungunu.

Shimbi 14:2

Kunwapwa atu asandu kuli Yehova Zambi yenu, Yehova yanutongola nukapwe atu a mbala a iye, a hakachi ka mavungu eswe ali hashi.

1 Tesalonika 4:7

Mumu Zambi hanatutambika hi mukulinga luchisa ko, alioze ku usandu.

Yoshua 24:19

Alioze Yoshua yamba kuli atu ngwenyi, Kunwahashile kulingila Yehova mumu iye Zambi musandu, Zambi ya ukwa. Kechi kukonekena Utanguko wenu ni milonga yenu.

1 Petulu 2:9

Alioze yenu nuli akwa munyachi wa kutongola, asasendote a ku wanangana, enya chifuchi chisandu, amwe atu a kwapita Zambi mwene, hanga nukambujole che kuhiana cha yoze hananutambika nukakatuke ku milima ndo ku pangu lienyi lia kukomwesa:

Usolwelo 22:11

Ngwami, Yoze wakulinga uhenge, akalinge uhenge nawa; ni mukwa majilo, akalipwise mukwa majilo nawa; ni mukwa ululi, akalinge ululi nawa; ni musandu, akapwe musandu nawa.

1 Samuel 2:2

Niumwe wapwa musandu ngwe Yehova, mumu mukwo wakuhi ndo yena wika. Liwe likwo liakuhi ngwe Zambi yetu.

1 Samuel 6:20

Mba A-Mbete-Shemeshe ambile ngwo, Iya mahasa kumana kumeso ja Yehova, yono Zambi musandu? Kuli iya makanduka atweche yetu?