Alevi 11:40 - MUKANDA USANDU WA ZAMBI 1975

⁴⁰ Ni yoze makalia mujimba wenyi wa kufwa makakosa mazalo jenyi mba makapwa wa luchisa ndo chingoloshi. Mweswe makambata mujimba wenyi wa kufwa makakosa mazalo jenyi mba makapwa wa luchisa ndo chingoloshi.

Mukanda Wa Zambi 1970

⁴⁰ Nyi umwe walia yifwo ya mwe kashitu yoze walifwila, chamutamba kukosa mahina jenyi, hindu kumabwa wa luchisa ndoo ku chingoloshi. Yoze mambata kashitu yoze walifwila, chatamba kukosa mahina jenyi, hindu kumabwa wa luchisa ndoo ku chingoloshi.

Alevi 11:40 Iomraidhean Croise

Kutuhuka 22:31

Nukapwe atu asandu kuli yami. Kashika kanda nukalia yifwo niyimwe yize vinapapuluka kuli tushitu a mu yambu. Nukayimbile ku tuwa.

Izaya 1:16

Sanenu, lipemesenu, Chizenu che chipi cha yitanga yenu kumeso jami, litwaminenu kulinga chipi;

Ezekiel 36:25

Mungukanusapwila meya apema mba munukapema ku luchisa wenu mweswe. Mungukanupemesa ku mahamba jenu eswe.

Ezekiel 4:14

Yingwamba ngwami, Mwene Yehova! Kanda nguchilichisa. Chize ku ukweze wami ndo haliapwila kanda nguchilia kama yifwo ya kulifwila, hanji ya kupapulula kuli ngongo. Chipwe yifwo ya luchisa kanda yinjila kama mu kanwa liami.

Ezekiel 44:31

Asasendote kechi kalia nichimwe chize cha kulifwita, chipwe yoze wa kupapulula, apwe kajila apwe kashitu.

Alevi 11:25

Mweswawo makambata chimwe cha ku mijimba yo ya kufwa makakosa mazalo jenyi, mba makapwa wa luchisa ndo chingoloshi.

Alevi 11:28

Yoze makambata mijimba yo ya kufwa makosa mazalo jenyi mba iye makapwa wa luchisa ndo chingoloshi, mumu o akwa luchisa kuli yenu.

Alevi 11:39

Nyi umwe kashitu mafwa yoze te wa kulia kuli yenu, mweswe makwata ku mujimba wenyi wa kufwa mapwa wa luchisa ndo chingoloshi.

Alevi 14:46

Chikwo nawa mweswe manjila mu zuwo shimbu lichili lia kwájila mapwa wa luchisa ndo chingoloshi.

Alevi 15:15

Sasendote maalambula, umwe akapwe mulambu ha shili, mukwo akapwe mulambu wa kulumba. Chocho sasendote mamufukila ha kuhita chenyi kumeso ja Yehova.

Alevi 15:27

Mweswe makwata ku yino yuma mapwa wa luchisa. Akakose mazalo jenyi, akasane meya, akapwe wa luchisa ndo chingoloshi.

Alevi 16:26

Ni yoze matwala pembe ha Zazele makosa mazalo jenyi, masana meya mba mahasa kunjila mu chilombo.

Alevi 16:28

Yoze mayocha makosa mazalo jenyi, masana meya mba mahasa kunjila mu chilombo.

Alevi 22:6

mweswawo makwata umwe hakachi ka wano akapwe wa luchisa ndo chingoloshi. Mba kanda alia yuma yisandu ndo hasanyisa mujimba wenyi mu meya.

Alevi 22:8

Kashitu yoze walifwila, hanji hanamupapulula kuli tushitu, kanda amulia kulichisa nenyi. Yami Yehova.

Zakaria 13:1

Ha tangwa lize makajikula fuji lia meya ha munyachi wa David ni hali akwa Yerusaleme lia kwapemesa ku shili ni luchisa.

Kwalula 19:19

Mukwa kupema akasapwile mukwa luchisa ha tangwa liamuchitatu ni ha tangwa liamuchishimbiali. Mba ha tangwa liamuchishimbiali akamupemese. Akakose mazalo jenyi. Akasane meya mba ha chingoloshi kumakapema.

1 Korintu 10:21

Kunwahashile kunwa musenge wa Mwene, ni musenge wa andemoniu. Kunwahashile kutambula chihanda cha ku mesa ya Mwene ni cha ku mesa ya andemoniu.

1 Korintu 6:11

Ngwe wano amwe a kuli yenu nwapwile: alioze hananusanyisa, alioze hananusela ku usandu, alioze hananusambisa mu jina lia Mwene Yesu Kristu, muli Spiritu ya Zambi yetu.

Shimbi 14:21

Kashitu malifwila mwene kanda munulia, nuchimuhane kuli njize ali mu yihunda yenu, hanga amulie, hanji kumulanjisa kuli kandaka; mumu yenu kunwapwa atu asandu kuli Yehova Zambi yenu. Kanda nuteleka mwana-pembe mu yamwa ya naye.

1 Yoano 1:7

Alioze kachi mutwenda mu pangu ngwe iye uli mu pangu, kachi mutulikunda umwe ni mukwo ni mukwo, ni manyinga a Yesu Mwanenyi kakutupemesa ku shili yeswe.