Alevi 11:39 - MUKANDA USANDU WA ZAMBI 1975

³⁹ Nyi umwe kashitu mafwa yoze te wa kulia kuli yenu, mweswe makwata ku mujimba wenyi wa kufwa mapwa wa luchisa ndo chingoloshi.

Mukanda Wa Zambi 1970

³⁹ Nyi ngwe kashitu yoze munuhasa kulia walifwila, yoze makwata ku mujimba wenyi kumabwa wa luchisa ndoo ku chingoloshi.

Alevi 11:39 Iomraidhean Croise

Ezekiel 4:14

Yingwamba ngwami, Mwene Yehova! Kanda nguchilichisa. Chize ku ukweze wami ndo haliapwila kanda nguchilia kama yifwo ya kulifwila, hanji ya kupapulula kuli ngongo. Chipwe yifwo ya luchisa kanda yinjila kama mu kanwa liami.

Alevi 11:24

Yuma yino muyikanuchisa, ngwami, Mweswawo makakwata ku mijimba yo ya kufwa makapwa wa luchisa ndo chingoloshi.

Alevi 11:28

Yoze makambata mijimba yo ya kufwa makosa mazalo jenyi mba iye makapwa wa luchisa ndo chingoloshi, mumu o akwa luchisa kuli yenu.

Alevi 11:31

Wano te makapwa a luchisa kuli yenu hakachi ka akwa kukalala. Mweswe makaakwata muze te hafwa makapwa a luchisa ndo chingoloshi.

Alevi 11:38

Alioze nyi hasa meya ha mbuto mba chimwe cha ku mijimba yo ya kulwa muyikaholokelaho, muyikapwa ya luchisa kuli yenu.

Alevi 11:40

Ni yoze makalia mujimba wenyi wa kufwa makakosa mazalo jenyi mba makapwa wa luchisa ndo chingoloshi. Mweswe makambata mujimba wenyi wa kufwa makakosa mazalo jenyi mba makapwa wa luchisa ndo chingoloshi.

Alevi 14:46

Chikwo nawa mweswe manjila mu zuwo shimbu lichili lia kwájila mapwa wa luchisa ndo chingoloshi.

Alevi 15:15

Sasendote maalambula, umwe akapwe mulambu ha shili, mukwo akapwe mulambu wa kulumba. Chocho sasendote mamufukila ha kuhita chenyi kumeso ja Yehova.

Alevi 15:5

Mweswawo makwata ku muhela wenyi, akakose mazalo jenyi, akasane meya, mba mapwa wa luchisa ndo chingoloshi.

Alevi 15:7

Mweswawo makwata ku mujimba wa mukwa kuhita akakose mazalo jenyi, akasane meya, mba mapwa wa luchisa ndo chingoloshi.

Alevi 16:26

Ni yoze matwala pembe ha Zazele makosa mazalo jenyi, masana meya mba mahasa kunjila mu chilombo.

Alevi 17:15

Mutu mweswe malia yoze walifwila, hanji wa kupapulula kuli tushitu, apwe mwenyembo, apwe njize, akakose mazalo jenyi, akasane meya; akapwe wa luchisa ndo chingoloshi mba mapema.

Alevi 22:4

Niumwe wa ku munyachi wa Arone yoze uli ni mbumba, hanji musongo wa kuhita, makalia ku yuma yisandu ndo hapema. Mweswawo makwata chuma cha luchisa chize chakatuka kuli mufu, hanji lunga yoze hamwanga mbuto yenyi ya ana,

Alevi 22:6

mweswawo makwata umwe hakachi ka wano akapwe wa luchisa ndo chingoloshi. Mba kanda alia yuma yisandu ndo hasanyisa mujimba wenyi mu meya.

Alevi 22:8

Kashitu yoze walifwila, hanji hanamupapulula kuli tushitu, kanda amulia kulichisa nenyi. Yami Yehova.

Kwalula 19:11

Mweswawo makwata ku mujimba wa mufu, akapwe wa luchisa matangwa shimbiali.

Kwalula 19:16

Mweswawo mapwa mu yambu, mba makwata kuli umwe wa kushiha ni katana, hanji ku mujimba wa mufu, hanji ku chifwaha cha mutu, hanji ku fuka limwe, iye akapwe wa luchisa matangwa shimbiali.

Kwalula 19:7

Mba sasendote akakose mazalo jenyi, akasane meya ku mujimba wenyi, mba manjila mu chilombo, mapwa wa luchisa ndo ha chingoloshi.