Alevi 11:25 - MUKANDA USANDU WA ZAMBI 1975

²⁵ Mweswawo makambata chimwe cha ku mijimba yo ya kufwa makakosa mazalo jenyi, mba makapwa wa luchisa ndo chingoloshi.

Alevi 11:25 Iomraidhean Croise

Miaso (Masamu) 51:2

Ngusanyise kama liakulu ku uhenge wami; ngupemese ku shili yami.

Miaso (Masamu) 51:7

Ngupemese ni hisope mba mungupema. Ngusanyise mba mungutoma kuhiana neve.

Kutuhuka 19:10

Yehova yamba kuli Mose ngwenyi, Yako kuli atu, wasele ku usandu ni musono ni hamene. Akakose mazalo jo.

Kutuhuka 19:14

Mba Mose yapalumuka ku mulundu; yaheta kuli e atu. Yasela atu ku usandu. O yakosa mazalo jo.

Alevi 11:24

Yuma yino muyikanuchisa, ngwami, Mweswawo makakwata ku mijimba yo ya kufwa makapwa wa luchisa ndo chingoloshi.

Alevi 11:26

Kashitu mweswe kali ni chiliato cha kupula ahoze keshi sende, chikwo nawa keshi kusekula, akapwe wa luchisa kuli yenu. Mweswawo maakwata malichisa.

Alevi 11:28

Yoze makambata mijimba yo ya kufwa makosa mazalo jenyi mba iye makapwa wa luchisa ndo chingoloshi, mumu o akwa luchisa kuli yenu.

Alevi 11:40

Ni yoze makalia mujimba wenyi wa kufwa makakosa mazalo jenyi mba makapwa wa luchisa ndo chingoloshi. Mweswe makambata mujimba wenyi wa kufwa makakosa mazalo jenyi mba makapwa wa luchisa ndo chingoloshi.

Alevi 13:6

Sasendote mamutala nawa ha tangwa liamuchishimbiali. Nyi musongo hiwafwilila kuwatanjile nawa mu kowa, mba mwe sasendote mamuvuluka ngwenyi, Kanapeme, musongo wapwa chilonda chamokomoko. Makosa mazalo jenyi mba hapema.

Alevi 14:46

Chikwo nawa mweswe manjila mu zuwo shimbu lichili lia kwájila mapwa wa luchisa ndo chingoloshi.

Alevi 14:47

Mweswe mapombamo makosa mazalo jenyi. Mweswe malilamo makosa mazalo jenyi.

Alevi 14:8

Mba yoze anambe kumupemesa akakose mazalo jenyi, akatewule kambu jenyi jeswe, akasane meya, mba mapema. Muze halinga chino manjila mu chilombo ahoze kechi kunjila mu mbalaka yenyi ndo matangwa shimbiali hahwa.

Alevi 15:13

Muze hawuka mukwa kuhita ku kuhita chenyi, malialwila matangwa shimbiali ha kulipemesa. Makosa mazalo jenyi, masana mu meya aze anende, mba mapema.

Alevi 15:15

Sasendote maalambula, umwe akapwe mulambu ha shili, mukwo akapwe mulambu wa kulumba. Chocho sasendote mamufukila ha kuhita chenyi kumeso ja Yehova.

Alevi 15:5

Mweswawo makwata ku muhela wenyi, akakose mazalo jenyi, akasane meya, mba mapwa wa luchisa ndo chingoloshi.

Alevi 16:26

Ni yoze matwala pembe ha Zazele makosa mazalo jenyi, masana meya mba mahasa kunjila mu chilombo.

Alevi 16:28

Yoze mayocha makosa mazalo jenyi, masana meya mba mahasa kunjila mu chilombo.

Alevi 17:15

Mutu mweswe malia yoze walifwila, hanji wa kupapulula kuli tushitu, apwe mwenyembo, apwe njize, akakose mazalo jenyi, akasane meya; akapwe wa luchisa ndo chingoloshi mba mapema.

Alevi 22:6

mweswawo makwata umwe hakachi ka wano akapwe wa luchisa ndo chingoloshi. Mba kanda alia yuma yisandu ndo hasanyisa mujimba wenyi mu meya.

Zakaria 13:1

Ha tangwa lize makajikula fuji lia meya ha munyachi wa David ni hali akwa Yerusaleme lia kwapemesa ku shili ni luchisa.

Kwalula 19:10

Mukwa kukunga we uto wa chimbembe akakose mazalo jenyi, iye akapwe wa luchisa ndo ha chingoloshi. Chikapwe chiyulo cha mutolo ni kuli A-Izalele ni kuli njize watwama hakachi ko.

Kwalula 19:19

Mukwa kupema akasapwile mukwa luchisa ha tangwa liamuchitatu ni ha tangwa liamuchishimbiali. Mba ha tangwa liamuchishimbiali akamupemese. Akakose mazalo jenyi. Akasane meya mba ha chingoloshi kumakapema.

Kwalula 19:7

Mba sasendote akakose mazalo jenyi, akasane meya ku mujimba wenyi, mba manjila mu chilombo, mapwa wa luchisa ndo ha chingoloshi.

Kwalula 19:8

Mukwa kumwocha akakose mazalo jenyi ni meya, akasane meya ku mujimba wenyi, iye akapwe wa luchisa ndo ha chingoloshi.

Kwalula 31:24

Ha tangwa liamuchishimbiali nukose mazalo jenu, mba munukapema; kulutwe munukanjila mu chilombo.

Yoano 13:8

Petulu yamba kuli iye ngwenyi, Kuchi kasanyisa yihato yami nilimwe tangwa. Yesu wamukumbulwile ngwenyi, Nyi chakusanyishine, kachi yena kushi chihanda ni yami.

Yilinga 22:16

Haliapwila, kuchi te unashimbula? Katuka, akupapachise, ukasane milonga ye shimbu muchitambika ha jina lia Mwene.

Hebreu 10:22

tukundamenu ni mbunge yamwenemwene, ni kusela chinyingi liakulu cha Ufulielo: se hasapwila mbunge jetu jipema ku shimbi jipi: se hasanyisa mijimba yetu ni meya apema.

Hebreu 9:10

Se yatwala wika ku yuma ya kulia ni kunwa ni kusana cheka ni cheka, maliji a yiyulo ya musunya, aatwikile ndo mwaka wa kululika yuma yeswe.

1 Petulu 3:21

Chenacho nawa ni Chizulie cha kulita haliapwila chinanulamwina, te upapachiso, hi kusano ko majilo a musunya akatuke, aiioze kutá cha mbunge yipema kuli Zambi, ku Uhindukilo wa Yesu Kristu;

1 Yoano 1:7

Alioze kachi mutwenda mu pangu ngwe iye uli mu pangu, kachi mutulikunda umwe ni mukwo ni mukwo, ni manyinga a Yesu Mwanenyi kakutupemesa ku shili yeswe.

Usolwelo 7:14

Nambile kuli iye ngwami, Mwene wami, yena unanyingika. Iye wambile kuli yami ngwenyi, Waze anatuhuka mu luyinda munene, hanakoso mahina jo ja ngungu, hanaatomesa mu manyinga ja mwe Mwanapanga.