Alevi 11:2 - MUKANDA USANDU WA ZAMBI 1975

² Ambenu kuli A-Izalele ngwenu, Wano e akwa mwono munuhasa kulia hakachi ka tushitu eswe ali hashi.

Mukanda Wa Zambi 1970

² mumu hali Aisraele. Munuhasa kulia tushitu eswe

Alevi 11:2 Iomraidhean Croise

Ezekiel 4:14

Yingwamba ngwami, Mwene Yehova! Kanda nguchilichisa. Chize ku ukweze wami ndo haliapwila kanda nguchilia kama yifwo ya kulifwila, hanji ya kupapulula kuli ngongo. Chipwe yifwo ya luchisa kanda yinjila kama mu kanwa liami.

Daniel 1:8

Alioze Daniel yasa mbunge yenyi ngwenyi, Chichi kulichisa ni kulia chino chipema cha mwanangana, chipwe ni vinyu yino akunwa. Kashika yeta kuli unuku wa lutwe amutayize kanda alichisa.

Alevi 11:1

Yehova yamba kuli Mose ni Arone ngwenyi,

Alevi 11:11

Kumakapwa a kuvwisa lwaji kuli yenu. Kanda nulia yifwo yo, mba mijimba yo ya kufwa muyipwa ya kuvwisa lwaji kuli yenu.

Alevi 11:13

Hakachi ka tujita wano makapwa a kuvwisa lwaji kuli yenu. Kanda nwalia, mumu akuvwisa lwaji; ni pupa, ni chihungu, ni chiselele;

Alevi 11:21

Ahoze hakachi ka akwa mapulwa akukalala ha molu awana munuhasa kulia waze ali ni malinja a kutumbuka no hashi helu lia yiliato nawa.

Alevi 11:29

Hakachi ka akwa kukalala hashi akapwe wa luchisa kuli yenu wano: ni mutondo, ni tumbi, ni chitombwe nikulita ni vungu lienyi,

Alevi 11:3

Waze eswe hakachi ka tushitu ali ni sende ja kupula, mba kakusekula, munuhasa kwalia.

Alevi 11:34

Ya kulia yeswe haze meya ano hanaholokela muyikapwa ya luchisa, mba ya kunwa yeswe muyikapwa mu chikwachilo cheswacho cha luchisa muyikapwa ya luchisa.

Alevi 11:39

Nyi umwe kashitu mafwa yoze te wa kulia kuli yenu, mweswe makwata ku mujimba wenyi wa kufwa mapwa wa luchisa ndo chingoloshi.

Alevi 11:4

Hindu hakachi ka waze akusekula hanji kali ni sende ja kupula kunuchi kulia wano: kamelu, mumu kakusekula alioze keshi sende ja kupula. Akapwe wa luchisa kuli yenu.

Alevi 11:9

Hakachi ka waze atwama mu meya munukalia waze ali ni yihehe ni mahalo wika. Wano wika munukaalia mu meya, hanji mu kalunga-lwiji hanji mu njiji.

Mateu 15:11

Hi chize ko muchinjila mu kanwa muchipihisa mutu; alioze chize muchituhuka mu kanwa, chino muchipihisa mutu.

Hebreu 13:9

Kanda nuhungumioka ni longeso lieka ni lieka, lize kulialumbunukine; mumu chinawaha mbunge yikakole mu vumbi; hi mu kulia ko, mumu kuchafumbukile kuli waze endelemo.

Hebreu 9:10

Se yatwala wika ku yuma ya kulia ni kunwa ni kusana cheka ni cheka, maliji a yiyulo ya musunya, aatwikile ndo mwaka wa kululika yuma yeswe.