Alevi 10:6 - MUKANDA USANDU WA ZAMBI 1975

⁶ Mba Mose yamba kuli Arone, ni kuli Eleazare, ni kuli Itama, anenyi a malunga ngwenyi, Kanda nukasulula kambu jenu, chipwe mazalo jenu kanda nwasonya, kuchina munufwa, kuchina ufwatulo ukapwile ha chikungulwila cheswe. Alioze akwenu, vungu lieswe Ha Izalele mahasa kulilila kahia kano Yehova hawika.

Mukanda Wa Zambi 1970

⁶ Mba Mose yambila Arone ni ana jenyi a malunga Eleazare ni Itamare ngwenyi: “Kanda nuvundula kambu jenu hanji kuchanuna mahina jenu ha kusoloka ngwe hinwafwisa. Nyi nwachilinga kumunufwa, ni Mwene Zambi kumevwila Chikungulwila cheswe ufwatulo. Alioze usoko wenu Aisraele eswe maahasa kulila kufwa chino cha kahia ka Mwene Zambi.

Alevi 10:6 Iomraidhean Croise

2 Samuel 24:1

Kulutwe nawa utenu wa Yehova wakasumukine hali A-Izalele mba wasa ngumwine David kwalinga chipi ngwenyi, Yako Ualule A-Izalele ni A-Yunda.

Ezra 7:5

mwana Abishua, mwana Finehase, mwana Eleazare, mwana Arone sasendote mukwa lutwe:

Kutuhuka 33:5

Yehova yamba kuli Mose ngwenyi, Ambulwila A-Izalele ngwe, Nuli akwa pami, kachi mungukanduka hakachi kenu ha shimbu likepe kachi mungukanwonwona lume. Kashika haliapwila Chizenu yuma yenu ya uhenya hanga ngunyingike chize mungulinga ni yenu.

Kutuhuka 6:23

Mba Arone wambachile Eleshipa, mwana wa pwo wa Aminandambe, pangi ya Nashone. Iye yasema nenyi Nandambe, ni Ambihu, ni Eleazare, ni Itama.

Jeremia 7:29

Tewula kambu je ujimbile; imba lungungu ha milundu ya hululu, mumu Yehova hambila chisemuko cha utenu wenyi; halitunacho.

Alevi 13:45

Mba mukwa mbumba mweswe mapwa ni we musongo, masonya mazalo jenyi, mafukula mutwe wenyi, mafuka muvumbo wenyi wa helu, makololoka ngwenyi, Luchisa! Luchisa!

Mika 1:16

Lipwisenu ni lwole; litewulenu kambu jenu ha mukunda wa ana ja uwahililo wenu. Litewulenu ngwe makuyu, mumu manukatuka nikuya ku unjize.

Kwalula 1:53

A-Levi akajikile mbalaka jo kwa kujingilika ye tabernakulu ya Shindakenyo, hanga kukuchi kapwa ufwatulo ha chikungulwila cha A-Izalele. A-Levi akalayile ye tabernakulu ya Shindakenyo.

Kwalula 14:6

Yoshua, mwana wa Nune, ni Kalemba, mwana wa Yefune, a kuli waze asembwile chifuchi, yasonya mazalo jo.

Kwalula 16:22

O yafulamana hashi, yamba ngwo, Zambi, mwe Zambi ya maspiritu a atu eswe, mutu umuwika mavulumuna mba mutenuka ni chikungulwila cheswe nyi?

Kwalula 18:5

Yenu nukalayile muma musandu, nukalayile chilumbilo; kuchina utenu muukapwa nawa hali A-Izalele.

Kwalula 20:25

Utwale Arone ni mwanenyi wa lunga Eleazare, wakandwise mulundu wa Hore.

Kwalula 5:18

Sasendote akatumbikile mwe pwo kumeso ja Yehova. Akavungulule kambu ja ha mutwe wa pwo. Akase we mulambu wa wunga wa Chiwulwiso mu moko ja pwo, wenawo we mulambu wa wunga wa ukwa. Sasendote akapwe ni meya asasu a kuneha shingo mu kwoko lienyi.

Shimbi 33:9

Yoze te wambile ha kutwala kuli tato ni naye ngwenyi, Chaasele mbunge. Katayijile usoko wenyi. Katalile kuli ana jenyi. Mumu wafungile liji lie, katangwile usendo we.

Yoshua 22:18

Kashika hinwahambuluka mu jila ya Yehova musono nyi? Alioze nyi munukolema Yehova musono iye hamene matenukina chikungulwila cheswe cha Izalele.

Yoshua 22:20

Akane mwana wa Zera te kalingile ni mafwefwe mu chikuma cha yuma yajila, mba ufwatulo kuwaholokelele ha chikungulwila cheswe cha Izalele nyi? Kafwile ukawenyi ha uhenge wenyi.

Yoshua 7:1

Alioze A-Izalele avulumwine ha kutwala ku yuma yajila. Mumu Akane mwana wa Kame, mwana wa Zapati, mwana wa Zera wa ku munyachi wa Yunda wanjile yimwe ya yuma yajila. Kashika utenu wa Yehova walekwokele kuli A-Izalele.

Yoshua 7:11

A-Izalele hanavulumuna. Hanatangula usendo wami uze naatumine. Hanande yimwe ya yuma yajila. Haneyi, hahanjika mahuza, hayisweka hakachi ka yuma yo.