Alevi 10:19 - MUKANDA USANDU WA ZAMBI 1975

¹⁹ Mba Arone yamba kuli Mose ngwenyi, Musono hatambula mulambu wo ha shili ni mulambu wo wa kulumba kumeso ja Yehova, hindu yuma yipwa haha yanguwananga. Nyi kachi nalianga musono mulambu ha shili kachi chapemenanga kumeso ja Yehova, nyi?

Mukanda Wa Zambi 1970

¹⁹ Mba Arone yakumbulula ngwenyi: “Nyi ngwe musono halianga mulambu wa milonga, kachi ngunawaha ku meso ja Mwene Zambi, nyi? Atu kaalambulanga mulambu wo wa kwocha, hindu yuma yibwa haha hiyanguwana.”

Alevi 10:19 Iomraidhean Croise

Izaya 1:11

Yehova kanambe ngwenyi, Kulumbama cha yitapo yenu kuchi chapwa kuli yami? Janguhwa ni milambu ya kuji a mapanga a kulumba ni maji a yimuna a kutohesa; chevwile kuwaha ni manyinga a ngombe, hanji a ana-mapanga, hanji a kuji a pembe.

Izaya 1:15

Muze munuzoza moko jenu, mungunuswekela meso jami; chipwe munulemba lembie-e-e, chichi kunwivwa. Moko jenu hazala ni manyinga.

Jeremia 14:12

Chipwe malitwamina kulia chichi kwivwa muteto wo. Chipwe malambula milambu ya kulumba ni milambu ya wunga chichi kwatambula alioze mungwanongesa ni katana, ni kapunga, ni chilungo.

Jeremia 6:20

Libano yize yineza kuli yami ya ku Shipa, yaka? Hanji mushachi uze uyema wa ku chifuchi chisuku? Chahashile kutambula milambu yenu ya kulumba. Yitapo yenu kuyangupemenene.

Hosea 9:4

Kechi kuzuza milambu ya vinyu kuli Yehova: kechi kuhasa kumuwahisa ni yitapo yo. Mbolo yo muyipwa ngwe mbolo ya waze hafwisa; mweswe mayilia malichisa, mumu mbolo yo muyipwa ya zala yo wika, kuyichi kuheta mu zuwo lia Yehova.

Alevi 10:20

Muze Mose yevwa chino chamuwahila.

Alevi 9:12

Yashiha mulambu wa kulumba. Ana ja Arone a malunga yamukunjika e manyinga, iye yaasapwila kwa kujingilika ha chilumbilo.

Alevi 9:8

Chocho Arone yakundama ku chilumbilo, yashiha chimbembe cha mulambu ha shili ya iye mwene.

Malaki 1:10

Nyi kachi kwali umwe yoze májila mapito, nulitwamine kuwika kahia mokomoko ha chilumbilo chami! Yehova-wa-Tujita kanambe ngwenyi, Chevwile kuwaha ni yenu; chichi kutambula mulambu ku moko-jenu.

Malaki 1:13

Nwakwamba ngwenu, Ayi yikatalo yipwa haha. Mba nwakunyekununa. Chocho kanambe Yehova-wa-Tujita. Nwakuneha waze akwachika hanji yitonji, hanji akwa misongo; chenacho nwakuneha mulambu! Te munguchitambula ku kwoko lie? Chocho kanambe Yehova.

Malaki 2:13

Ni chikwo nawa nwakulinga. Nwakufuka chilumbilo cha Yehova ni masoji, ni kulila, ni mikuma mumu katalile nawa mulambu chipwe kuutambula ni vumbi ku moko jenu.

Shimbi 12:7

Munukalilako kulia kumeso ja Yehova Zambi yenu, nukawahilile ni yeswe munukalinga ni moko jenu; ni yenu, ni akwa mazuwo jenu, ni yuma yeswe hananuwahishilamo Yehova Zambi yenu.

Shimbi 26:14

Kutwayilile ha kulila afu, chipwe kutwachijile niyimwe shimbu tuchili a luchisa, chipwe kulambula yimwe kuli afu. Hitwapanjika ku liji lia Yehova Zambi yetu, hitwalinga nikulita ni yeswe nwatwambile.

Filipu 4:4

Wahililenu muli Mwene matangwa eswe: cheka nawa mungwamba ngwami, Wahililenu.

Hebreu 7:27

Yoze kuchamutambile tangwa ha tangwa, chizechene ngwe asasendote akwa lutwe waze, kulambula yitapo, hatangu ha milonga yenyi mwene, ni kulutwe ha milonga ya atu: mumu chino wachilingile kamuwika kunahu, muze alilambwile mwene.

Hebreu 9:8

Spiritu Musandu kanalweze chino ngwenyi, Kanda achisolola jila ya muma musandu mwahiana shimbu te mbalaka yitangu yinamana.