Alevi 10:11 - MUKANDA USANDU WA ZAMBI 1975

¹¹ Nukalongese A-Izalele yiyulo yeswe yize Yehova haakunjika kuli Mose.

Mukanda Wa Zambi 1970

¹¹ Chanutamba kulongesa Aisraele Shimbi jeswe jize nahanyine kuli Mose.”

Alevi 10:11 Iomraidhean Croise

2 Sango Ja Mianangana 15:3

Ha shimbu linene A-Izalele hahona mwe Zambi wamwenemwene, chipwe sasendote mukwa kulongesa, chipwe shimbi.

2 Sango Ja Mianangana 17:9

Wano alongesele mu Yunda, no ambachile mukanda wa shimbi ya Yehova hamwe no. Yajingajinga mu yihunda yeswe ya Yunda nikulongesa hakachi ka atu.

2 Sango Ja Mianangana 30:22

Ni Hezekia yahanjika ni kulembejeka A-Levi eswe waze alongolokele ni uvumbiko wa Yehova. Chocho alile ndusu chiwanyino cha matangwa shimbiali, nikulambula yitapo ya milambu ya sambukila, nikushikisa kuli Yehova, Zambi ya tulamba two.

Nehemia 8:2

Sasendote Ezera yaneha shimbi kumeso ja chikungulwila, ni malunga ni mapwo, hanga eswe akevwe ni kusa chinyingi he ha tangwa litangu lia kakweji wamuchishimbiali.

Nehemia 8:8

Yatanga mu mukanda, mu shimbi ja Zambi zwa, nikulumbununa hanga kutanga chikaalumbunuke.

Jeremia 18:18

Henaho ambile ngwo, Tuyenu tukatwame punga Jeremia. Mumu shimbi kuyichi kutokela sasendote, hanji chiyulo kuli mukwa mana, hanji liji kuli profeta. Tuyenu tukamulambe ni limi. Kanda tupanjika ku maliji jenyi niamwe.

Jeremia 2:8

Asasendote kambile ngwo, Yehova kuli ali? Akwa kukwata ku shimbi kangunyingikine; akwa kuyula anguvulumwine; aprofeta aprofetezele ni jina lia Mbale, ni kukaula yuma kuyafumbwile.

Malaki 2:7

Mumu mivumbo ya sasendote chatamba kufunga yinyingi. Chatamba atu akafupe shimbi ku kanwa lienyi, mumu iye kanganda ka Yehova-wa-Tujita.

Mateu 28:20

nikwalongesa kufunga yuma yize yeswe nanuhele shimbi: nyingikenu, yami kunguli hamuwika ni yenu matangwa eswe ndo kumanunuka cha mwaka. Amene.

Yilinga 20:27

Mumu chalitwaminyine kwambujola kuli yenu mana eswe a Zambi.

Shimbi 17:10

Nukalinge nikulita ni liji lia upatwilo o manulwezalio kuma kuze Yehova matongola. Nukanyame kulinga nikulita ni yeswe o manulongesa.

Shimbi 17:11

Nukalinge nikulita ni liji lia shimbi o manulongesalio, nikulita ni upatwilo o manwambulwilawo; kanda nukondoloka ku upatwilo manulwezawo, chipwe ku chindume, hanji ku chimeso.

Shimbi 24:8

Nukanyame ni musongo wa mbumba, nutale kanawa, nulinge nikulita ni yeswe manulongesa kuli asasendote, A-Levi, ngwe hinaamba, chocho nukanyame kulinga.

Shimbi 33:10

Makalongesa Yakomba upatwilo we. Makalongesa Izalele shimbi je. Makasa insensu kumeso je. Makasa milambu ya kulumba ya muwundu ha chilumbilo che.

1 Tesalonika 4:2

Mumu nunanyingika shimbi jize twanuhele ja kuli Mwene Yesu.