Alevi 1:9 - MUKANDA USANDU WA ZAMBI 1975

⁹ Alioze yingambiangambia yenyi ni molu jenyi akayikose ni meya. Mba sasendote malumba ye yeswe ha chilumbilo, mulambu wa kulumba, mulambu wa kahia wa lupembo mupema kuli Yehova.

Mukanda Wa Zambi 1970

⁹ Mutu yoze maneha mulambu akakosa yifwo ya mu jimo ni molu ni meya, mwe hako akocha mulambu weswe ha chilumbilo akaweme. Lupembo wa mulambu uno wa yakulia kakuwahila kuli Mwene Zambi.

Alevi 1:9 Iomraidhean Croise

Ubutukilo 8:21

Yehova yevwa lupembo mupema; Yehova yamba mu mbunge yenyi ngwenyi, Chichi kashinga nawa mavu mumu hali atu, mumu kunyonga cha mbunge jo chapiha chize ku wanuke wo. Chichi kulamba nawa akwa mwono eswe ngwe hinalinga.

1 Sango Ja Mianangana 6:34

mwana Elekana, mwana Jerohame, mwana Eliele, mwana Toa,

2 Sango Ja Mianangana 4:6

Yalinga nawa kumi lia yimbasia. Yasa yitano ku chindume ni yitano ku chimeso akakoselemo. Yuma yeswe ya milambu ya kulumba ayikoselelemo ahoze asasendote asanyinyine mu lutanke.

Miaso (Masamu) 51:6

Pundu yena wakuzanga umwenemwene mu michima. Mukangulongesa mana muze mwahengama.

Miaso (Masamu) 66:15

Mungukutambula milambu ya kulumba ya misamba a maji, hamwe ni insensu ya kuji a mapanga. Mungutambula ana a ngombe hamwe ni pembe.(Litulike.)

Kutuhuka 12:9

Kanda nuyilia ya wisu, chipwe ya kuteleka mu meya, ka, shina ya kwocha ni kahia, ni mutwe wenyi ni yilio yenyi ni yingambiangambia yenyi ya muchima.

Kutuhuka 29:18

Ukalumbe kuji ya panga mweswe ha chilumbilo. Chapwa mulambu wa kulumba kuli Yehova. Lupembo mupema. Mulambu wa kwocha ni kahia kuli Yehova.

Kutuhuka 29:25

Ukayichize ku moko jo hikuyilumba ha chilumbilo ya kunangika ha mulambu wa kulumba, yikapwe lupembo mupema kumeso ja Yehova. Kuwapwa mulambu wa kwocha ni kahia kuli Yehova.

Jeremia 4:14

Yerusaleme, sanenu ku mbunge ungulungulu ukatuke, akanulamwine. Ndo mwiji muka manyonga jenu api matwama muli yenu?

Ezekiel 20:28

Mumu muze hinaaneha mu chifuchi chize nalishingile kwaaha, mba heswaho amwene mulundu umwe usuku hanji mutondo umwe wa mafwo, kwenako alambwile yitapo yo ni kukunjika milambu yo ya kwihia; kwenako afwinjishile lupembo wo wa kutulisa mbunge, ni kuzujila milambu yo ya kunwa.

Ezekiel 20:41

Mungukanutambula ngwe lupembo mupema muze mungukanuchiza hakachi ka mavungu ni kunukonga ku yifuchi kuze nwamwanganyinyine. Mungukasolola usandu wami hakachi kenu kumeso ja akwa mavungu.

Ezekiel 40:38

Kwapwile chipatulo ni chikolo chacho mu senge Ka chikolo muze te makosela mulambu wa kulumba.

Alevi 1:13

Alioze yingambiangambia ni molu, akayikose ni meya. Mba sasendote mayilambula ye yeswe, akayilumbe ha chilumbilo. Ukapwe mulambu wa kulumba, mulambu wa kahia, wa lupembo mupema kuli Yehova.

Alevi 1:17

Akamupule ku mapulwa jenyi alioze kanda amuhandununa. Sasendote akamulumbe ha chilumbilo, ha kunyi jize jili ha kahia. Ukapwe mulambu wa kulumba, mulambu wa kahia, wa lupembo mupema kuli Yehova.

Alevi 2:16

Sasendote makalumba Chiwulwiso chawo; chihanda cha mbuto ya kundonda, ni chihanda cha maji jawo, ni libano yeswe. Wapwa mulambu wa kahia kuli Yehova.

Alevi 2:2

Akaunehe kuli asasendote, ana ja Arone. Akazomoneko kwoko lienyi lia wunga wafufunuka, ni chihanda cha maji, ni ye libano yeswe. Mwe sasendote akalumbe ha chilumbilo Chiwulwiso chayo chikapwe mulambu wa kahia, wa lupembo mupema kuli Yehova.

Alevi 2:9

Sasendote makachiza ku mulambu Chiwulwiso chawo akachilumbe ha chilumbilo. Wapwa mulambu wa kahia, wa lupembo mupema kuli Yehova.

Alevi 3:11

Sasendote akayilumbe ha chilumbilo, che kulia cha ku mulambu wa kahia kuli Yehova.

Alevi 3:5

Ana ja Arone, akayilumbe ha chilumbilo ha mulambu wa kulumba uze uli ha kunyi ha kahia, ukapwe mulambu wa kahia, wa lupembo mupema kuli Yehova.

Alevi 4:31

Maji jawo eswe akaachizeho ngwe akuchiza maji eswe a yitapo ya milambu ya sambukila. Mwe sasendote akaalumbe ha chilumbilo akapwe lupembo mupema kuli Yehova, mba sasendote akamufukile shili yenyi hanga amukonekeneyo.

Alevi 6:14

Shimbi ya mulambu wa wunga yino. Ana ja Arone akaulambule kumeso ja Yehova kulutwe lia chilumbilo.

Alevi 8:21

Muze hakosa yingambiangambia ni molu mu meya, mba Mose yalumba mwe kuji ya panga mweswe ha chilumbilo akapwe mulambu wa kulumba wa lupembo mupema, mulambu wa kahia kuli Yehova, chizechene ngwe Yehova watumine Mose.

Alevi 8:28

Mba Mose yayichiza ha moko jo, yayilumba ha chilumbilo hamuwika ni mulambu wa kulumba yikapwe mulambu wa kutumbikila ku usasendote, lupembo mupema, mulambu wa kahia kuli Yehova.

Alevi 9:14

Yakosa yingambiangambia ni molu mba yayilumba hamuwika ni mulambu wa kulumba ha chilumbilo.

Zakaria 13:7

Yehova-wa-Tujita kanambe ngwenyi, Yena katana, laula kulimika ni kafunga kami, kulimika ni yoze walikunda ni yami. Lamba kafunga, mapanga amwangane; mungutalikisa kwoko liami kulimika ni ana akepe.

Kwalula 15:3

nyi munukazanga kulambula kuli Yehova mulambu wa kahia, hanji mulambu wa kulumba, hanji chitapo, mukumanununa chilakenyo chimwe, hanji mulambu wa mbunge, hanji ha matangwa a yiwanyino yenu ya kutongola mukulambula kuli Yehova wa lupembo mupema, wa ku ngombe, hanji wa ku mapanga:

Kwalula 28:11

Ha kuputuka cha tukweji twenu, nukalambule kuli Yehova mulambu wa kulumba: yimbembe aali a kuji, ni kuji ya panga umuwika, ni kuji a mapanga shimbiali a mwaka umuwika, keshi chipa;

Kwalula 28:7

Ni mulambu wawo wa kunwa ukapwe wa chihanda chimuwika cha ku yihanda yiwana ya hine, hali mwanapanga umuwika. Muma musandu Ukazujile Yehova mulambu wa kunwa chisasu.

Kwalula 28:8

Mwanapanga mukwo, ukamulambule ha chingoloshi, chizechene ngwe wakulambula mulambu wa wunga ni mulambu wawo wa kunwa ha chimene, mulambu wa kahia, wa lupembo mupema kuli Yehova.

2 Korintu 2:15

Mumu tuli lupembo mupema wa Kristu kuli Zambi muli waze anaalamwina, ni muli waze anatoko;

Efesu 5:2

Endenu mu zango, chizechene ngwe Kristu watuzangile; walikunjikile mwene hali yetu, mulambu ni chitapo kuli Zambi akapwe wa lupembo mupema.

Shimbi 12:27

nulambule milambu yenu ya kulumba, ni yifwo, ni manyinga ha chilumbilo cha Yehova Zambi yenu. Manyinga a yitapo yenu nukaazujile ku chilumbilo cha Yehova Zambi yenu, nulie ye yifwo.

Filipu 4:18

Alioze yuma yeswe nguli nayo; nguli nayo ya kulumbama: ngunazala tò, se natambwile kuli Epafwonditu yuma yize nwatumine, lupembo mupema, chitapo cha kupemena chikolo kuli Zambi.