Alevi 1:3 - MUKANDA USANDU WA ZAMBI 1975

³ Nyi mulambu wenyi muupwa ngombe wa kulumba, akamutambule kuji keshi chipa. Akamulambule ku chikolo cha mbalaka ya chikungulwila, akamutambule kumeso ja Yehova.

Mukanda Wa Zambi 1970

³ Nyi makalambula umwe wa ku ngombe jenyi mulambu wa kwocha, chatamba kwanda kuji yoze keshi kapalia. Chatamba kumutwala ku chikolo cha zuwo lia Zambi lia makubu, mba Mwene Zambi amutayize.

Alevi 1:3 Iomraidhean Croise

Ubutukilo 22:13

Apalahama yahetula meso jenyi, yatala, kumanyi kunyima yenyi kuji ya panga kanasakaminya ku mbinga jenyi mu lutandulwila. Mba Apalahama yanda mwe kuji ya panga yamulambula wa kulumba kusalakana mwanenyi.

Ubutukilo 22:2

Yamba ngwenyi, Twala mwané, mwané wa wika unamuzange, mwe Izake, ukaye ku chifuchi cha Moria, ukamulambuleko mulambu wa kulumba ha mulundu umwe mungukulwezawo.

Ubutukilo 22:8

Apalahama yamba ngwenyi, Mwanami, Zambi kumakaliwanyina mwana-panga wa mulambu wa kulumba. Chocho ayile eswe ni aali hamuwika.

Ubutukilo 8:20

Mba Noe yatunga chilumbilo kuli Yehova. Yanda a kuli tushitu eswe akulinanga, ni a kuli tujila eswe akulinanga, yalambula milambu ya kulumba ha chilumbilo.

2 Sango Ja Mianangana 29:32

Kwalula cha milambu ya kulumba chikungulwila chanehene chapwile makumi shimbiali a kuji a ngombe, ni kulakaji lia kuji a mapanga, ni kulakaji aali a ana-mapanga. Wano eswe apwile mulambu wa kulumba kuli Yehova.

2 Sango Ja Mianangana 35:12

Yachiza nawa milambu ya kulumba ayihane nikulita ni yihandunwiso ya minyachi ya atato ja ana ja e atu, alambwile kuli Yehova ngwe chasonewene mu mukanda wa Mose. Chocho yalinga nawa ni ngombe.

Miaso (Masamu) 110:3

Atu je malihana mulambu ni upale wo ene ha tangwa lia ngolo je, mu upeme wa usandu, ngwe mume wa ukweze we wa ku kuvumbuka cha tangwa.

Miaso (Masamu) 40:8

Ngunawahilila kulinga upale we, Zambi yami. Ewa, shimbi je jinasonewa muchima lia mbunge yami.

Kutuhuka 12:5

Mwana-panga wenu akapwe keshi chipa, musamba wa kuji, nukamuchize ku mapanga chipwe ku pembe.

Kutuhuka 24:5

Yatuma akweze a A-Izalele o alambwile milambu ya kulumba, yalambula kuli Yehova ngombe apwe milambu ya sambukila.

Kutuhuka 29:18

Ukalumbe kuji ya panga mweswe ha chilumbilo. Chapwa mulambu wa kulumba kuli Yehova. Lupembo mupema. Mulambu wa kwocha ni kahia kuli Yehova.

Kutuhuka 29:4

Arone ni ana jenyi a malunga ukaahetese ku chikolo cha mbalaka ya chikungulwila. Ukaasanyise meya.

Kutuhuka 29:42

Akapwe mulambu wa kulumba wa matangwa eswe ndusu yisemuko yenu, ku chikolo cha mbalaka ya chikungulwila, kumeso ja Yehova, kuze mungukatakana ni yenu mukuhanjikilako ni yenu.

Kutuhuka 32:6

Alimenekene ha kucha, yalambula milambu ya kulumba, yaneha milambu ya sambukila. E atu atwamine hashi mukulia, ni mukunwa, mba yakatuka akahehe.

Kutuhuka 35:21

Mba atu eswe, mutu mweswe mbunge yenyi yinazange, Spiritu ya kutá ali nayo yaya, yatwala mulambu wa Yehova, ukapwe wa milimo ya ku mbalaka ya chikungulwila, ni wa uvumbiko weswe wayo, ni wa mazalo asandu.

Kutuhuka 35:29

A-Izalele yatwalila Yehova mulambu wa vumbi, lunga mweswe, pwo mweswe mbunge jo jatayile mukutwala ha milimo yeswe yize ambile Yehova akayilinge ku kwoko lia Mose.

Kutuhuka 35:5

Anjilenu Yehova mulambu hakachi kenu. Mweswawo uli ni mbunge ya kutá, akanehe we mulambu kuli Yehova wa oru, ni prata, ni unengu;

Kutuhuka 36:3

O yatambula kuli Mose milambu yeswe A-Izalele haneha ya milimo yeswe ya uvumbiko wa muma musandu, akamutunge. Apwile nikumutwalila milambu ya vumbi chimene ha chimene.

Kutuhuka 38:1

Iye yalinga chilumbilo cha milambu ya kulumba, cha mutondo wa mukesha. Usuhe wacho wa mbandu jitano. Utohe wacho wa mbandu jitano. Malumbu eswe a kulita ndwa lume. Chizundamo chacho cha mbandu jitatu.

Izaya 1:11

Yehova kanambe ngwenyi, Kulumbama cha yitapo yenu kuchi chapwa kuli yami? Janguhwa ni milambu ya kuji a mapanga a kulumba ni maji a yimuna a kutohesa; chevwile kuwaha ni manyinga a ngombe, hanji a ana-mapanga, hanji a kuji a pembe.

Ezekiel 20:40

Mumu Mwene Yehova kanambe ngwenyi, Ha mulundu wami, we mulundu usuku wa Izalele, akwa munyachi wa Izalele e eswe makangulingila mu chifuchi. Kwenako mungukaatambula; kwenako mungwita milambu yenu ni ye yipema hakachi ka yawana yenu, hamwe ni yitapo yenu yisandu.

Ezekiel 40:39

Mu senge Ka chikolo mwapwile mesa jiali sali, mesa jiali sali, haze mashihila mulambu wa kulumba, ni mulambu ha shili, ni mulambu ha uhie.

Alevi 1:10

Nyi mulambu wenyi muupwa wa ku limba, hanji panga hanji pembe, akapwe mulambu wa kulumba, akatambule kuji keshi chipa.

Alevi 14:10

Ha tangwa liamuchinake akande ana-mapanga aali a kuji keshi chipa, ni chihwo cha panga umuwika wa mwaka umuwika, keshi chipa, ni mulambu wa wunga wa yihanda yitatu ya ku kumi ha yihanda ya wunga wafufunuka wa kuchinga ni maji, ni njongo ya maji.

Alevi 16:7

Mba akatwale e pembe aali akaatumbike kumeso ja Yehova ku chikolo cha mbalaka ya chikungulwila.

Alevi 17:4

alioze kamunehene ku chikolo cha mbalaka ya chikungulwila akamutambule mulambu kuli Yehova kumeso ja tabernakulu ya Yehova, mapwa ni uhie wa manyinga. Hamwanga manyinga, kashika mamuteta hakachi ka atu jenyi,

Alevi 17:8

Amba kuli ayo nawa ngwe, Mutu mweswawo wa ku vungu lia Izalele, hanji wa njize waze atwama hakachi ko, matambula mulambu wa kulumba, hanji chitapo,

Alevi 17:9

nyi kaunehene ku chikolo cha mbalaka ya chikungulwila akaulambule kuli Yehova, akamutete kuli atu jenyi.

Alevi 23:12

Ha tangwa lize munuhungisa chichita nukalambule kuji ya panga wa mwaka umuwika, keshi chipa, akapwe mulambu wa kulumba kuli Yehova.

Alevi 23:18

Hamuwika ni mbolo munukunjika ana-mapanga shimbiali a mwaka umuwika keshi chipa, ni chimbembe wa kuji umuwika, ni kuji a mapanga aali. Akapwe mulambu wa kulumba kuli Yehova hamuwika ni mulambu wawo wa wunga, ni milambu yawo ya kunwa, te mulambu wa kahia wa lupembo mupema kuli Yehova.

Alevi 3:1

Nyi kachi mulambu wenyi muukapwa chitapo cha sambukila, kachi matambula wa ngombe, chipwe kuji, chipwe chihwo, akamutambule keshi chipa kumeso ja Yehova.

Alevi 4:15

Makulwana a chikungulwila akase moko jo ha mutwe wa mwe kuji kumeso ja Yehova, akashihe mwe kuji kumeso ja Yehova.

Alevi 4:23

nyi mutonga uze havulumuna hamulwezawo, akanehe pembe ha mulambu wenyi, kuji keshi chipa.

Alevi 4:3

nyi sasendote wa kuwayisa ni maji makavulumuna nikukoka uhie hali atu, akatambule kuli Yehova ha mutonga wenyi uze havulumuna chimbembe wa kuji keshi chipa, akapwe mulambu ha shili.

Alevi 4:32

Nyi makaneha mwana-panga akapwe mulambu ha shili akamunehe chihwo keshi chipa.

Alevi 5:15

Nyi umwe makavulumuna mutonga wa susumuku mu chuma chisandu cha Yehova, akanehe kuli Yehova mulambu wa uhie, kuji ya panga keshi chipa, wa kuchiza ku chendo nikulita ni ndando yize musela mu shekele ja prata, te shekele ya muma musandu, akapwe mulambu wa uhie.

Alevi 5:18

Akanehe kuli sasendote kuji ya panga keshi chipa, wa kuchiza mu chendo, nikulita ni ndando musela ha mulambu wa uhie. Mba sasendote akamufukile mutonga wenyi wa susumuku, te kachinyingikine, amukonekenewo.

Alevi 6:2

Nyi umwe mavulumuna akapwe ni mutonga kuli Yehova, hanji ha kwonga mukwo ha kutwala ku chifungo, hanji kapopo, hanji kuhupa, hanji hapinjisa mukwo;

Alevi 6:8

Yehova yamba kuli Mose ngwenyi,

Alevi 7:16

Nyi chitapo cha mulambu wenyi muchikapwa cha chilakenyo, hanji cha vumbi, akachilie tangwa lize liene hachilambula, mu kucha nawa makalia chize chasala.

Alevi 8:18

Mba yakunjika kuji ya panga ha mulambu wa kulumba. Arone ni anenyi a malunga yasa moko jo ha mutwe wa kuji.

Alevi 8:21

Muze hakosa yingambiangambia ni molu mu meya, mba Mose yalumba mwe kuji ya panga mweswe ha chilumbilo akapwe mulambu wa kulumba wa lupembo mupema, mulambu wa kahia kuli Yehova, chizechene ngwe Yehova watumine Mose.

Alevi 9:2

Yamba kuli Arone ngwenyi, Anda chimbembe cha kuji akapwe mulambu ha shili, ni kuji ya panga akapwe mulambu wa kulumba, eswe ni aali keshi chipa, ukaalambule kumeso ja Yehova.

Zakaria 13:7

Yehova-wa-Tujita kanambe ngwenyi, Yena katana, laula kulimika ni kafunga kami, kulimika ni yoze walikunda ni yami. Lamba kafunga, mapanga amwangane; mungutalikisa kwoko liami kulimika ni ana akepe.

Malaki 1:14

Akashingiwe mukwa kwonga auze kali ni kuji mu limba lienyi, mba mamulakenya ni shingo alioze malambula kuli Mwene chize Chinapiha. Mumu Yehova-wa-Tujita kanambe ngwenyi, Nguli mwanangana munene, ni jina liami kakulivwila woma hakachi ka mavungu.

Kwalula 15:3

nyi munukazanga kulambula kuli Yehova mulambu wa kahia, hanji mulambu wa kulumba, hanji chitapo, mukumanununa chilakenyo chimwe, hanji mulambu wa mbunge, hanji ha matangwa a yiwanyino yenu ya kutongola mukulambula kuli Yehova wa lupembo mupema, wa ku ngombe, hanji wa ku mapanga:

Kwalula 15:8

Muze mululika kuji ya ngombe akapwe mulambu wa kulumba, hanji chitapo, mukumanununa chilakenyo chimwe, hanji milambu ya sambukila kuli Yehova,

Kwalula 19:2

Achi chiyulo cha shimbi Yehova hanambe, chino, ngwenyi, Ambulwila A-Izalele anunehene chimbembe wa chihwo muchila mungunu, keshi chipa, kanda achimulemena kanga nilimwe tangwa.

Kwalula 23:19

Zambi hi mutu ko ahanjike mahuza, ka; chipwe mwana wa mutu, alikonyeke, ka. Hamba chimwe chuma, kechi kuchilinga? Hanji hachihanjika chimwe chuma, mba kechi kuchimanununa?

Kwalula 23:27

Mbalake yamba kuli Mbalau ngwenyi, Tweya haliapwila, mungukutwala kweka; hanji muchipemena Zambi ukangushingilo kuze.

Kwalula 23:3

Mbalau yamba kuli Mbalake ngwenyi, Umanyine yena ku mulambu we wa kulumba, yami munguya; hanji Yehova meza mukutakana ni yami; cheswacho mangulweza, yami mungukwambulwilacho. Mba iye yaya ku mulundu umwe.

Kwalula 23:30

Mbalake yalinga ngwe Mbalau hamba. Yalambula kuji ya ngombe umuwika ni kuji ya panga umuwika ha chilumbilo ni chilumbilo.

Kwalula 28:11

Ha kuputuka cha tukweji twenu, nukalambule kuli Yehova mulambu wa kulumba: yimbembe aali a kuji, ni kuji ya panga umuwika, ni kuji a mapanga shimbiali a mwaka umuwika, keshi chipa;

Kwalula 28:19

Nukalambule mulambu wa kahia, mulambu wa kulumba kuli Yehova: yimbembe aali a kuji, ni kuji ya panga umuwika, ni kuji a mapanga shimbiali a mwaka umuwika; o akapwe kuli yenu keshi chipa.

Kwalula 28:31

Kuweza ku mulambu wa kulumba wa matangwa eswe, ni mulambu wawo wa wunga, nukaalambule, ni milambu yo ya kunwa, o akapwe kuli yenu keshi chipa.

Kwalula 29:13

Nukalambule mulambu wa kulumba, mulambu wa kahia, wa lupembo mupema kuli Yehova, te, yimbembe a kuji kumi ni atatu, ni kuji a mapanga aali, ni kuji a mapanga a mwaka umuwika kumi ni awana. Akapwe keshi chipa.

Kwalula 29:2

Nukalambule mulambu wa kulumba, wa lupembo mupema kuli Yehova, te chimbembe wa kuji umuwika, ni kuji ya panga umuwika, ni kuji a mapanga shimbiali a mwaka umuwika, keshi chipa;

Luka 1:35

Mungelo wamukumbulwile ngwenyi, Spiritu Musandu kumeza hali yena, ni tachi ja mwe Chitunda kumujikuzulamina Chizulie; kashika nawa chuma chisandu chize muchikasemuka, kumakamuvuluka ngwo, Mwe Mwana Zambi.

Yoano 1:36

iye watalile kuli Yesu shimbu anende, yamba ngwenyi, Talenu mwe Mwana-panga wa Zambi!

Yoano 10:7

Yesu kashika wambile kuli ayo cheka nawa ngwenyi, Pundu, pundu, ngunambe kuli yenu ngwami, Chikolo cha mapanga yami.

Yoano 10:9

Chikolo yami; kachi umwe manjilila kuli yami, kumakamulamwina, makanjilanjila, makatuhwoka, makawana kelo.

2 Korintu 8:12

Mumu kachi mbunge kuyili, muchipemena chikolo nikulita ngwe mutu mapwa nacho, hi nikulita ko ni chize keshi nacho.

2 Korintu 9:7

Mutu ni mutu akahane nikulita ngwe hanalisela mu mbunge yenyi: hi ni chinyengo ko, hanji ha kukapwola: mumu Zambi kakuzanga chihanyi wa kusehejela.

Efesu 2:18

mumu muli iye yetu, eswe aali, unjililo tuli nawo muli Spiritu umuwika kuli mwe Tata.

Efesu 5:27

hanga akatumbikile chikungulwila kuli iye mwene, cha uhenya, kuchishi chipeka, hanji mukanya, hanji chuma chimwe ngwe chino; alioze hanga chikapwe chisandu, kuchishi kapalia.

Shimbi 12:27

nulambule milambu yenu ya kulumba, ni yifwo, ni manyinga ha chilumbilo cha Yehova Zambi yenu. Manyinga a yitapo yenu nukaazujile ku chilumbilo cha Yehova Zambi yenu, nulie ye yifwo.

Shimbi 15:21

Nyi chipa akwete, ngwe chitonji, hanji kapuputa, te chipa cheswacho chipi kanda numulambula chitapo kuli Yehova Zambi yenu.

Shimbi 17:1

Kanda nutambula chitapo kuli Yehova Zambi yenu, ngombe hanji panga ukwete chipa, hanji chilonda chimwe, mumu acho kuchapwa chizelwokeso kuli Yehova Zambi yenu.

Hebreu 7:26

Mumu sasendote mukwa lutwe ngwe yono watutelele, musandu, mukwa kusamba, kalichishile, kahandunuka kuli yivulumunyi, hamusa helu lia malilu.

Hebreu 9:14

Shinaho chikolo manyinga a Kristu, yoze kuli Spiritu wa mutolo walilambwile keshi kapalia kuli Zambi, mapemesa mbunge jenu ku yitanga ya kufwa hanga nukavumbike Zambi ya mwono?