Alevi 1:2 - MUKANDA USANDU WA ZAMBI 1975

² Amba kuli A-Izalele ngwe, Muze umwe mutu hakachi kenu matambula mulambu kuli Yehova, akatambule mulambu wenyi wa yimuna; hanji ngombe, hanji panga, hanji pembe.

Mukanda Wa Zambi 1970

² hanga Aisraele ajifunge muze maalambula milambu yo. Muze umwe makalambula chimwe chimuna, akalambula ngombe hanji panga hanji pembe.

Alevi 1:2 Iomraidhean Croise

Ubutukilo 4:3

Muze miaka hiyacha, Kene yatwala mulambu kuli Yehova wa mihuko ya ha mavu.

Ubutukilo 4:5

Alioze Kene ni mulambu wenyi kamulemeseneko. Kashika Kene yevwa ufwatulo, yanyakana ku meso.

1 Sango Ja Mianangana 16:29

Hanenu kuli Yehova ulemu wa jina lienyi. Nehenu mulambu nukanjile kumeso jenyi. Wayilenu Yehova mu upeme wa usandu.

Ezra 3:5

Mba kulutwe milambu ya kulumba ya matangwa eswe, ni milambu ya kakweji mwaha, ni ya yiwanyino yeswe ya Yehova, ya kufunjika, yize aaselele, ni ya mweswe wahanyine ni mbunge yenyi mulambu wa mbunge kuli Yehova.

Kutuhuka 20:24

Ukangutungile chilumbilo cha mavu. Ukalambwileho milambu ye ya kulumba ni milambu ye ya sambukila, ni mapanga je ni ngombe je. Mu yihela yeswe kuze mungukaewulwisa jina liami kumungukakundama kuli yena. Kumungukakuwahisa.

Kwalula 15:3

nyi munukazanga kulambula kuli Yehova mulambu wa kahia, hanji mulambu wa kulumba, hanji chitapo, mukumanununa chilakenyo chimwe, hanji mulambu wa mbunge, hanji ha matangwa a yiwanyino yenu ya kutongola mukulambula kuli Yehova wa lupembo mupema, wa ku ngombe, hanji wa ku mapanga:

Kwalula 5:15

henaho mwe lunga akahetese mukwo-pwo kuli sasendote, akatwale hali iye mulambu wenyi wa chihanda chimuwika cha ku yihanda kumi ya efa ya wunga wa sevada. Kanda akazujilaho maji niamwe, chipwe kusaho libano, ka. Mumu kuwapwa mulambu wa wunga wa ukwa, mulambu wa wunga wa Chiwulwiso, kuwakwiwulwisa uhenge.

Kwalula 7:15

Chimbembe wa kuji umuwika, ni kuji ya panga umuwika, ni kuji ya panga umuwika wa mwaka umuwika, akapwe mulambu wa kulumba.

Marku 7:11

alioze yenu nwakwamba ngwenu, Kachi mutu mamba kuli tato hanji kuli naye ngwenyi, Chize wahasa kutambula kuli yami, chapwa Korpane, chinalumbunuka, Chawana kuli Zambi.

A-ROMA 12:1

Kashika, ngunaliumbu kuli yenu mandumbu, ku keke ya Zambi, nutumbikile mijimba yenu chitapo cha mwono, chisandu, chakupemena chikolo kuli Zambi, uno we uvumbiko wenu wakulita ni kunyonga cha mana.

A-ROMA 12:6

Mba se tuli ni yawana ya vumbi yeka ni yeka nikulita ni vumbi lize hanatwehe, chipwe uprofetezo, tuprofetezenu nikulita ni njongo ya Ufulielo wetu;

Efesu 5:2

Endenu mu zango, chizechene ngwe Kristu watuzangile; walikunjikile mwene hali yetu, mulambu ni chitapo kuli Zambi akapwe wa lupembo mupema.