Alevi 1:1 - MUKANDA USANDU WA ZAMBI 1975

¹ Yehova yasanyika Mose, yamba kuli iye ku mbalaka ya chikungulwila ngwenyi,

Mukanda Wa Zambi 1970

¹ Mwene Zambi, mu zuwo lienyi lia makubu, yatambika Mose, yamwaha Shimbi

Alevi 1:1 Iomraidhean Croise

1 MIANANGANA 16:13

Ha chilumbilo yalumbila mulambu wenyi wa kulumba, ni mulambu wenyi wa wunga, yazujila mulambu wenyi wa kunwa, yasapwila manyinga ja milambu yenyi ya sambukila.

2 Sango Ja Mianangana 29:32

Kwalula cha milambu ya kulumba chikungulwila chanehene chapwile makumi shimbiali a kuji a ngombe, ni kulakaji lia kuji a mapanga, ni kulakaji aali a ana-mapanga. Wano eswe apwile mulambu wa kulumba kuli Yehova.

Kutuhuka 19:3

Mose wakandukile kuli Zambi mba Yehova watambikile kuli iye ni liji lia kutuhuka ku mulundu ngwenyi, Chocho ukambe kuli A-Yakomba, nikwambulwila A-Izalele ngwe,

Kutuhuka 24:12

Yehova yamba kuli Mose ngwenyi, Kanduka ha mulundu ndo kuli yami, utwameko. Mungukwaha mawe ni shimbi ni maliji a shimbi, yize hingunasoneka, ukayilongese.

Kutuhuka 25:22

Kokwene mungukatakana ni yena. Mungukalishimwinya ni yena ni liji lia kukatuka helu lia chitwamo cha keke, mukachi ka akerupimi aali atwama ha mushete wa shindakenyo ha kutwala ku yuma yeswe mungukwambayo hali A-Izalele.

Kutuhuka 29:42

Akapwe mulambu wa kulumba wa matangwa eswe ndusu yisemuko yenu, ku chikolo cha mbalaka ya chikungulwila, kumeso ja Yehova, kuze mungukatakana ni yenu mukuhanjikilako ni yenu.

Kutuhuka 3:4

Yehova yamona ngwe iye hajingako mukutala, mba Zambi yamutambika ni liji lia kutuhuka ku mungonga ngwenyi, Mose, Mose. Iye yatá ngwenyi, Yami uno.

Kutuhuka 33:7

Mose watwalile mbalaka nikuyijika haze lia chilombo, kusuku ni chilombo, yayiluka jina ngwenyi, Mbalaka ya chikungulwila. Mba mweswawo wafupile Yehova, yatuhuka nikuya ku mbalaka ya chikungulwila yapwile haze lia chilombo.

Kutuhuka 39:32

Chocho milimo yeswe yahwile ya tabernakulu ni ya mbalaka ya chikungulwila. A-Izalele yalinga nikulita ni yeswe Yehova ambile kuli Mose. Chocho o alingile.

Kutuhuka 40:29

Ya-tumbikila chilumbilo cha milambu ya kulumba ku chikolo cha ku tabernakulu ya ku mbalaka ya chikungulwila. Yalambwilaho mulambu wa kulumba ni mulambu wa wunga, chizechene ngwe Yehova ambile kuli Mose.

Alevi 7:38

yize Yehova yatuma Mose ha mulundu wa Sinai tangwa lize atumine A-Izalele akalambule milambu yo kuli Yehova mu puya ya Sinai.

Alevi 9:16

Yakunjika mulambu wa kulumba, yautambula nikulita ni shimbi.

Kwalula 1:1

Ha tangwa litangu lia kakweji wamuchiali wa mwaka wamuchiali, muze te o hakatuka ku chifuchi cha Engitu, Yehova yamba kuli Mose mu puya ya Sinai, mu mbalaka ya chikungulwila, ngwenyi,

Kwalula 7:15

Chimbembe wa kuji umuwika, ni kuji ya panga umuwika, ni kuji ya panga umuwika wa mwaka umuwika, akapwe mulambu wa kulumba.

Kwalula 7:89

Muze Mose anjilile mu mbalaka ya chikungulwila mukuhanjika nenyi, henaho iye wevwile liji nikuhanjika nenyi lia kukatuka helu lia chitwamo cha keke cha ha mushete wa Shindakenyo, lia kukatuka mukachi ka akerupimi aali. Yahanjika nenyi.

Yoano 1:17

Mumu ahanyine shimbi ku kwoko lia Mose; vumbi ni umwenemwene yejile kuli Yesu Kristu.

Shimbi 27:6

Nukatungile Yehova Zambi yenu chilumbilo cha mawe a muwundu, nukalambwileho milambu ya kulumba kuli Yehova Zambi yenu.