2 Timoteu 4:3 - MUKANDA USANDU WA ZAMBI 1975

³ Mumu mwaka muukapwa muze kechi kulihumikiza ni longeso lingunu; alioze mapwa ni matwi a kuzwa, makalilunjikila alongeshi nikulita ni usolo wo ene.

Mukanda Wa Zambi 1970

³ Mumu tangwa mulikeza lize atu keechi kazanga kwivwa nichimwe longeso liamwenemwene, alioze maakakaula usolo wo ene. Maakakungulula mbunga ya alongeshi kuli ayo waze maakalongesa yize anazange kubanjika.

2 Timoteu 4:3 Iomraidhean Croise

1 Yitanga Ya Mianangana 18:22

Aho Eliya yamba kuli atu ngwenyi, Ami wika ukawami nasala profeta wa Yehova, alioze aprofeta ja Mbale o kulakaji awana a malunga ni makumi atano a malunga.

1 Yitanga Ya Mianangana 22:18

Mwanangana wa Izalele yamba kuli Yehosofate ngwenyi, Chambile ngwami, Yono maprofeteza chipi kuli yami, kechi kuprofeteza chipema nyi?

1 Yitanga Ya Mianangana 22:8

Mwanangana wa Izalele yamba kuli Yehosofate ngwenyi, Kwali mutu umuwika mutuhasa kumuhula liji lia Yehova, Mikaia mwana Imala alioze kole ngunamuvwila mumu kakuprofeteza chipi hali yami hi chipema ko. Yehosofate ngwenyi, Kanda wambamo mwanangana.

Kutuhuka 32:33

Yehova yamba kuli Mose ngwenyi, Mweswawo hanguvulumuna, mwe iye mungumujimuna ku mukanda wami.

Izaya 28:12

Hanambe kuli wano ngwenyi, Uno we uhwimino ngwami, Hanenu uhwimino kuli akwa yikatalo; che kutula chenacho. Hindu kapanjikile.

Izaya 30:10

Kuli akwa kumona kakwamba ngwo, Kanda numona! Ni kuli aprofeta kakwamba ngwo, Kanda nuprofeteza kuli yetu chize Chinapeme. Hanjikenu kuli yetu yuma ya kupepieka, profetezenu yuma ya kulitambila.

Jeremia 18:18

Henaho ambile ngwo, Tuyenu tukatwame punga Jeremia. Mumu shimbi kuyichi kutokela sasendote, hanji chiyulo kuli mukwa mana, hanji liji kuli profeta. Tuyenu tukamulambe ni limi. Kanda tupanjika ku maliji jenyi niamwe.

Jeremia 27:9

Kashika kanda nupanjika kuli aprofeta jenu, ni tahi jenu, ni akwa yilota jenu, hanji akwa munanyi jenu, hanji yimbanda jenu, waze anambe kuli yenu ngwo, Kunuchi kalingila mwanangana wa Babilonia.

Jeremia 29:8

Mumu Yehova-wa-Tujita, Zambi ya Izalele kanambe ngwenyi, Kanda nutayiza aprofeta ni tahi waze atwama hakachi kenu kunwonga. Kanda nupanjika ku yilota yize akulota,

Jeremia 5:31

Aprofeta kanaprofeteza mahuza, ni asasendote kanayulu nikulita ni liji lio. Atu jami kanazange chikolo chikapwe chocho, alioze chika munulinga muze songo mulikeza?

Mika 2:11

Nyi mutu mendangana nikwambulula fuji ni mahuza ngwenyi, Mungunulumbunwina yuma ya vinyu ni kunwa chisasu kachi mwenawo mapwa Chilumbununyi wa wano atu!

Luka 20:19

Asasendote akwa lutwe ni akwa kusonyeka afupile ha ola yize yene kumukwata; o evwile woma wa atu, mumu anyingikine ngwo, Watele chishima chino cha kutuhisa.

Luka 6:26

Lamba lienu, muze atu eswe manuchichimieka! mumu chizechene akako alingile kuli aprofeta a kwonga.

Yoano 8:45

Alioze mumu ngunahanjika umwenemwene kunushi kungufuliela.

Yilinga 17:21

(Achi, A-Atene eswe ni ngeji kalingile chuma cheka shina kwambujola ni kwivwavwa chuma chimwe chaha.)

1 Korintu 2:1

Yami, mandumbu, muze nejile kuli yenu, chejile ni kulenga cha maliji, hanji ni mana, nikwambujola kuli yenu Shindakenyo ya Zambi.

1 Korintu 2:4

Liji liami ni kwambujola chami kuyapwile ni maliji a kukununa ni mana ja atu, alioze ni kukumika cha Spiritu ni tachi:

Galashia 4:16

Mba hinalumuka mukwa kole yenu ha kunwambulwila umwenemwene, nyi?

1 Timoteu 1:10

ni yitanji, ni akwa utumwa, ni yikwachi, ni akwa mahuza, ni akwa kulishinga ni mahuza, nyi kachi muchipwa chuma chimwe chikwo cha kulimika ni longeso lingunu;

2 Timoteu 1:13

Lalaminya ku cheseko cha maliji angunu aze hiunevu kuli yami, ni Ufulielo ni zango, yize yili muli Kristu Yesu.

Yuda 1:18

ngwe ambile kuli yenu ngwo, Ha mwaka wa kusula kumukukapwa akwa kukekuna, waze akwenda nikulita ni usolo wo ene wa utanganyanyi.