2 Timoteu 1:14 - MUKANDA USANDU WA ZAMBI 1975

¹⁴ Chize chuma chipema akukunjikilecho, funga ku tachi ja Spiritu Musandu, yoze wakutwama muli yetu.

Mukanda Wa Zambi 1970

¹⁴ Funga longeso lize nakuhele, ni tachi ja Mwiku wa Linanga uze uli muli yetu.

2 Timoteu 1:14 Iomraidhean Croise

Luka 16:11

Kashika kachi kunwapwile amwenemwene ni upite wa uhenge, iya makunjika kuli yenu upite wamwenemwene?

Yoano 14:17

Iye Spiritu ya umwenemwene: mwenawo akwa hashi kahashile kumutambula; mumu keshi kumumona, chipwe keshi kumunyingika; alioze yenu nwakumunyingika; mumu katwama hamwe ni yenu, iye kumakapwa muli yenu.

A-ROMA 3:2

Chinji ha yuma yeswe: hatangu, mumu chamwenemwene aakunjikile maliji a Zambi.

A-ROMA 8:11

Alioze kachi Spiritu ya yoze wahindwishile Yesu hakachi ka afu watwama muli yenu, kachi yoze wahindwishile Kristu Yesu hakachi ka afu, makapwisa ni mwono nawa mijimba yenu ya kufwa mumu hali Spiritu yenyi yoze watwama muli yenu.

A-ROMA 8:13

mumu kachi munukenda nikulita ni musunya, kachi munukafwa; alioze kachi ku Spiritu munushiha tachi ja yilinga ya mujimba, kachi munukapwa ni mwono.

A-ROMA 8:9

Alioze yenu hi nuli mu musunya ko, alioze muli Spiritu, kachi chamwenemwene Spiritu ya Zambi watwama muli yenu. Alioze kachi umwe keshi ni Spiritu ya Kristu, auze hi niwenyi ko.

1 Korintu 3:16

Te kunwanyingikine, yenu nuli tembele ya Zambi, ni Spiritu ya Zambi katwama muli yenu.

1 Korintu 6:19

Kuma, kunwanyingikine nyi, mujimba wenu unapu tembele ya Spiritu Musandu, yoze uli muli yenu, yoze nuli nenyi wa kuli Zambi? Hi nuli a yenwene ko;

1 Korintu 9:17

Mumu kachi mungulinga chino ku upale wa yami mwene, kachi mungupwa ni fweto: alioze kachi hi ku upale wa yami mwene ko, kanangukunjika uselo.

2 Korintu 5:16

Kashika, chize ku haliapwila ndo ku miaka, kutushi kunyingika niumwe nikulita ni musunya: chipwe kachi twanyingikine Kristu nikulita ni musunya, hindu haliapwila kutwamunyingikine chocho nawa.

Galashia 2:7

Alioze Shinaho, muze amwene ngwe angukunjikile sango lipema lia akwa ulima, chizechene ngwe kuli Petulu lize lia akwa ungalami;

Efesu 2:22

Muli iye yenu nawa kunwatungiwa hamuwika kupwa zuwo lia Zambi muli Spiritu.

Efesu 5:18

Kanda nuzengewa ni vinyu, mu yenayo muchili chimbangwinya, alioze zalenu ni Spiritu.

Kolosu 4:11

ni Yesu, yoze anamuvuluka ngwo, Justo, wano a ku ungalami; wano wika akwa milimo-ni-akwetu ha wanangana wa Zambi, hanapu akwa kungulembejeka.

1 Tesalonika 5:19

Kanda nujima Spiritu.

1 Timoteu 1:11

lize linate ni sango lipema lize hanangukunjika, lia uhenya wa Zambi wa kuwaha.

1 Timoteu 6:20

Timoteu, funga chize akukunjikile, ukalikondolole ku kumbambula chamokomoko cha ujiluke, ni kulimika cha yinyingi yize anayivuluka chocho ni mahuza;

2 Timoteu 1:12

Ha chikuma chino nawa, nakwivwa lamba lia yino yuma; alioze chishi kwivwa sonyi; mumu ngunanyingika yoze hingunamufuliela; ngunakunuka ngwami, Kanahase kufunga chize hingunamukunjika ndo tangwa lize.

2 Timoteu 2:2

Ni yuma yize hiunevu kuli yami kumeso ja yela anji, yino kulijika kuli malunga amwenemwene, waze makahasa kufumba akwo nawa.

1 Petulu 1:22

Se hinunatomesa mbunge jenu ha kwononoka chenu ku umwenemwene, hanga nukafwile mandumbu ni kufwila chize kuchishi ulembekese, lizangenu umwe mukwo ni mukwo ku mbunge yipema ni mbunge yeswe.