2 Samuel 9:7 - MUKANDA USANDU WA ZAMBI 1975

⁷ David yamba kuli iye ngwenyi, Kanda wivwa woma, mumu pundu mungukulinga vumbi mumu hali tatenu Jonatas. Mungukwaha minda yeswe ya kakenu Saulu. Kumuolia ku mesa yami matangwa eswe.

Mukanda Wa Zambi 1970

⁷ Mwanangana ngwenyi: “Kanda wivwa woma. Ngunazange kukulweza utu mumu hali tatenu Jonatane. Mungukuhilwishila minda yeswe ya kakenu Saulu, matangwa eswe yena muubwa nikwiza ku mesa yami ni kulia.”

2 Samuel 9:7 Iomraidhean Croise

Ubutukilo 43:18

O yevwa woma mumu haatwala mu zuwo lia José. Yamba ngwo, Hatuneha muno mumu ha mbongo jize ahilwishile mu njeke jetu jila yitangu. Kashika anatutambila mulonga hanga atukwate hamwe ni yimbulu jetu, tukapwe tupinji.

Ubutukilo 43:23

Iye yamba ngwenyi, Hwimenu mbunge, kanda nwivwa woma, Zambi yenu, Zambi ya tatenu hananwehe upite mu njeke jenu. Mbongo jenu nguli najo. Mba yaneha Simeone kuli ayo.

2 Samuel 12:8

Nakuhele zuwo lia mwata we, ni mapwo ja mwata we nakuhelo mu kondo. Nakuhele munyachi wa Izalele ni munyachi wa Yunda. Nyi kachi chakukehelele kachi nakuwezele nawa chichi ni chichi.

2 Samuel 19:28

Mumu akwa munyachi wa tata eswe twapwile afu kumeso ja mwene wami mwanangana, hindu nwasele yami kavumbi kenu hakachi ka waze akulia ku mesa ya yenu mwene. Kashika te poko nguli nayo kuteta nawa kuli mwanangana?

2 Samuel 19:29

Mwanangana yamba kuli iye ngwenyi, Kanda uhanjika nawa ya yikuma ye. Ngwami, Yena ni Ziba tetenu chifuchi hakachi kenu.

2 Samuel 19:33

Mwanangana yamba kuli Bazilai ngwenyi, Zauka hamwe ni yami mba mungukakuhoka hamwe ni yami mu Yerusaleme.

2 Samuel 21:7

Alioze mwanangana walamwinyine Mefiposhete mwana Jonatas mwana Saulu mumu ha shingo lia Yehova lize liapwile hakachi ko, ngwami, hakachi ka David ni Jonatas mwana Saulu.

2 Samuel 9:1

David yamba ngwenyi, Hindu kwasala umwe a ku munyachi wa Saulu hanga ngumulinge vumbi mumu hali Jonatas nyi?

2 Samuel 9:10

Yena mukamulimina ye minda hamuwika ni ana je ni ngambaje. Munukakunga mbuto hanga mwana wa mwata we akapwe ni kulia. Alioze Mefiposhete mwana wa mwata we makalia ku mesa yami matangwa eswe. Ziba te kali ni kumi lia ana a malunga ni ana a malunga atano, ni makumi aali a ngamba.

2 Samuel 9:11

Ziba yamba kuli mwanangana ngwenyi, Yami kavumbi kenu mungulinga nikulita ni maliji eswe a mwene wami mwanangana. Alioze ha kutwala kuli Mefiposhete, mwanangana ngwenyi, Iye kumakalia ku mesa yami ngwe umwe mwana wa mwanangana.

2 Samuel 9:13

Chocho Mefiposhete Watwamine mu Yerusaleme mumu walile ku mesa ya mwanangana. Iye te chitonji ha molu jenyi eswe ni aali.

2 Samuel 9:3

Mwanangana yamba ngwenyi, Kukwasalile chipwe umuwika wa kuli A-Saulu ngumulweze vumbi lia Zambi nyi? Ziba yamba kuli mwanangana ngwenyi, Kwali hindu umwe mwana wa Jonatas, chitonji ku molu jenyi.

1 Yitanga Ya Mianangana 2:7

Alioze lweza utu kuli ana ja Bazilai Ka-Ngiliate akapwe hakachi ka waze malia ku mesa ye, mumu chocho ejile kuli yami muze nachinyine yayenu Absalome.

1 MIANANGANA 25:29

Yazula mazalo jenyi ja zuwo lia ususu. Matangwa eswe a mwono wenyi walile ku mesa ya mwanangana.

Miaso (Masamu) 41:9

Chipwe sepa liami yoze nalikata nenyi, yoze nafulielele, yoze walile kulia chami, hananguzundwila kashijino kenyi.

Jeremia 52:33

Chocho Jehoachine yazula mazalo jenyi ja zuwo lia ususu. Matangwa eswe a mwono wenyi walile ku mesa ya mwanangana ni kuhona ka.

Zakaria 7:9

Yehova-wa-Tujita kanambe ngwenyi, Patulenu ni ululi; lingenu ni utu ni keke mutu mweswe kuli mukwo.

Mateu 6:11

Twehe kama musono mbolo yetu yize twakufupafupa.

Luka 22:30

Hanga nukalile, nukanwine ku mesa yami mu wanangana wami. Kumunukatwama ha ngunja nikupatwila kumi lia mavungu ni mavungu aali a Izalele.

Usolwelo 3:20

Tala, ngunamana ku pito, ngunangongwela: kachi umwe mevwa liji liami, mázulula pito, mungunjila kuli iye, mungulia hamwe nenyi, neye hamwe ni yami.

1 Samuel 12:24

Chino wika ngwami, Vwilenu woma Yehova nukamulingile mu umwenemwene ni mbunge jenu jeswe, nukazewule yuma yinene yipwa haha hananulingila.

1 Samuel 20:15

Alioze kanda uteta utu we kuli akwa zuwo liami ndo ku miaka ya mutolo. Muze Yehova matetaho akwa kole eswe a David hano hashi

1 Samuel 22:23

Twama ni yami. Kanda wivwa woma, mumu yoze unafupu kukushiha kanafupu kungushiha yami nawa. Hamwe ni yami makakufunga kawape.