2 Samuel 9:6 - MUKANDA USANDU WA ZAMBI 1975

⁶ Mefiposhete, mwana Jonatas, mwana Saulu, yeza kuli David, yafulamana hashi, yamuwayila. David yamba ngwenyi, Mefiposhete. Iye yakumbulula ngwenyi, Yami kavumbi kenu.

Mukanda Wa Zambi 1970

⁶ Muze Mefiboshete, mwana wa Jonatane, mujikulu wa mwanangana Saulu, haheta, yaliumba hashi ku meso ja mwanangana David ni vumbi. Mwanangana ngwenyi: “Mefiboshete.” Neye yataa ngwenyi: “Vulie mwanangana! Yami kavumbi kenu.”

2 Samuel 9:6 Iomraidhean Croise

Ubutukilo 18:2

Yahetula meso jenyi ni kutala, kumanyi malunga atatu kanamana chichili kumeso jenyi. Muze haamona yazomboka mukwapatwiza ku chikolo cha mbalaka. Yahetamina hashi.

Ubutukilo 33:3

Iye mwene wayile kulutwe, yahetama hashi yisuho shimbiali, ndo yaheta kuli yayo.

2 Samuel 1:7

Ha kutala kunyima yangumona, yangusanyika. Mba nakumbulula ngwami, Yami uno.

2 Samuel 16:4

Henaho mwanangana yamba kuli Ziba ngwenyi, Yuma yeswe yapwile ya Mefiposhete hiyalumuka ya yena. Ziba ngwenyi, Ngunafulamana kuli yenu. Ngukawane vumbi kumeso ja mwene wami mwanangana.

2 Samuel 21:7

Alioze mwanangana walamwinyine Mefiposhete mwana Jonatas mwana Saulu mumu ha shingo lia Yehova lize liapwile hakachi ko, ngwami, hakachi ka David ni Jonatas mwana Saulu.

2 Samuel 4:4

Jonatas mwana Saulu wapwile ni mwana wa lunga, chitonji ku molu jenyi. Muze lusango wa Saulu ni Jonatas ku Yezerele wejile, iye te kali ni miaka yitano, mba ndeji yenyi yamwanda, yachina. Ha kuchina kapupushi yamuholola, iye yalumuka chitonji. Jina lienyi Mefiposhete.

2 Samuel 9:5

Mba mwanangana David yatuma, yamusaka ku zuwo lia Makire mwana Amiele ku Lo-Devale.

1 Sango Ja Mianangana 8:34

Mwana wa Jonatas wa lunga Meribale. Meribale yasema Mika.

1 Sango Ja Mianangana 9:40

Mwana Jonatas Meribale; Meribale yasema Mika.

1 Samuel 20:41

Muze mukweze haya David yakatuka ku liwe sali lia ku Sule, yafulamana hashi nikuhetama katatu. Yalimbeja, nikulila umwe ni mukwo alioze David wahianyine.

1 Samuel 25:23

Ha kumona David Abigale yalipupwisa kusunuka ha chimbulu. Yafulamana kumeso ja David nikuhetamina hashi.