2 Samuel 9:13 - MUKANDA USANDU WA ZAMBI 1975

¹³ Chocho Mefiposhete Watwamine mu Yerusaleme mumu walile ku mesa ya mwanangana. Iye te chitonji ha molu jenyi eswe ni aali.

Mukanda Wa Zambi 1970

¹³ Chenacho Mefiboshete, yoze wabwile chitonji wa molu eswe aali, yatwama mu Yerusaleme, yalialia yakulia yenyi yeswe ku mesa ya mwanangana.

2 Samuel 9:13 Iomraidhean Croise

2 Samuel 19:27

Iye hanangulamikiza yami kavumbi kenu kuli mwene wami mwanangana. Alioze mwene wami mwanangana kapwa ngwe mungelo wa Zambi. Kashika cheswacho Chinapeme kumeso jenu hilingenu.

2 Samuel 4:4

Jonatas mwana Saulu wapwile ni mwana wa lunga, chitonji ku molu jenyi. Muze lusango wa Saulu ni Jonatas ku Yezerele wejile, iye te kali ni miaka yitano, mba ndeji yenyi yamwanda, yachina. Ha kuchina kapupushi yamuholola, iye yalumuka chitonji. Jina lienyi Mefiposhete.

2 Samuel 9:12

Mefiposhete te kali ni mwana wa lunga jina lienyi Mika. Akwa zuwo lia Ziba eswe apwile ngamba ja Mefiposhete.

2 Samuel 9:3

Mwanangana yamba ngwenyi, Kukwasalile chipwe umuwika wa kuli A-Saulu ngumulweze vumbi lia Zambi nyi? Ziba yamba kuli mwanangana ngwenyi, Kwali hindu umwe mwana wa Jonatas, chitonji ku molu jenyi.

2 Samuel 9:7

David yamba kuli iye ngwenyi, Kanda wivwa woma, mumu pundu mungukulinga vumbi mumu hali tatenu Jonatas. Mungukwaha minda yeswe ya kakenu Saulu. Kumuolia ku mesa yami matangwa eswe.

Jeremia 52:33

Chocho Jehoachine yazula mazalo jenyi ja zuwo lia ususu. Matangwa eswe a mwono wenyi walile ku mesa ya mwanangana ni kuhona ka.