2 Samuel 9:11 - MUKANDA USANDU WA ZAMBI 1975

¹¹ Ziba yamba kuli mwanangana ngwenyi, Yami kavumbi kenu mungulinga nikulita ni maliji eswe a mwene wami mwanangana. Alioze ha kutwala kuli Mefiposhete, mwanangana ngwenyi, Iye kumakalia ku mesa yami ngwe umwe mwana wa mwanangana.

Mukanda Wa Zambi 1970

¹¹ Ziba yakumbulula ngwenyi: “Vulie mwanangana! Mungulinga yuma yeswe yize hinwangwamba.” Chenacho Mefiboshete abwile nikulia ku mesa ya mwanangana ngwe ana ja mwanangana a malunga.

2 Samuel 9:11 Iomraidhean Croise

2 Samuel 15:15

Tuvumbi twa mwanangana yamba kuli mwanangana ngwo, Etu tuvumbi twenu mutulinga cheswacho mwene wetu mwanangana matongola.

2 Samuel 19:17

Kwejile hamwe nenyi kanunu ka malunga A-Mbenjamine ni Ziba kavumbi wa zuwo lia Saulu, ni anenyi a malunga kumi ni atano ni ngamba jenyi makumi aali. O azaukile Yordau kumeso ja mwanangana.

2 Samuel 19:24

Mefiposhete mwana Saulu Yapalumuka mukupatwiza mwanangana. Chize ku tangwa lize mwanangana wakatukile ndo tangwa lize ahilukile ni sambukila ku zuwo lienyi Mefiposhete kasanyine ku molu, chipwe wevu kaululikile, chipwe mazalo jenyi kaakosele.

2 Samuel 19:26

Iye yakumbulula ngwenyi, Mwene wami mwanangana, ngamba yami wangwongele. Mumu yami kavumbi kenu nambile ngwami, Mungululika chimbulu ngukendeleho ngukaye ni mwanangana se yami kavumbi kenu nguli chilema.

2 Samuel 9:10

Yena mukamulimina ye minda hamuwika ni ana je ni ngambaje. Munukakunga mbuto hanga mwana wa mwata we akapwe ni kulia. Alioze Mefiposhete mwana wa mwata we makalia ku mesa yami matangwa eswe. Ziba te kali ni kumi lia ana a malunga ni ana a malunga atano, ni makumi aali a ngamba.

2 Samuel 9:12

Mefiposhete te kali ni mwana wa lunga jina lienyi Mika. Akwa zuwo lia Ziba eswe apwile ngamba ja Mefiposhete.

2 Samuel 9:13

Chocho Mefiposhete Watwamine mu Yerusaleme mumu walile ku mesa ya mwanangana. Iye te chitonji ha molu jenyi eswe ni aali.