2 Samuel 9:10 - MUKANDA USANDU WA ZAMBI 1975

¹⁰ Yena mukamulimina ye minda hamuwika ni ana je ni ngambaje. Munukakunga mbuto hanga mwana wa mwata we akapwe ni kulia. Alioze Mefiposhete mwana wa mwata we makalia ku mesa yami matangwa eswe. Ziba te kali ni kumi lia ana a malunga ni ana a malunga atano, ni makumi aali a ngamba.

Mukanda Wa Zambi 1970

¹⁰ Yena ni ana je a malunga, ni ngamba je, munukalimina akwa jiko lia mwene wenu Saulu, ni kukunga ye mihuko, ni kwanehena yakulia. Alioze Mefiboshete iye mwene matangwa eswe mabwa nikulia ku mesa yami.” (Ziba te kali ni ana a malunga kumi ni atano ni ngamba makumi aali.)

2 Samuel 9:10 Iomraidhean Croise

2 Samuel 16:3

Mwanangana ngwenyi, Mwana wa mwata we kulihi ali? Ziba yamba kuli mwanangana ngwenyi, Kanatwama mu Yerusaleme mumu kanambe ngwenyi, Musono munyachi wa Izalele mahilwisa kuli yami wanangana wa tata.

2 Samuel 19:18

Kwayile ulungu umwe kuzawisa akwa zuwo lia mwanangana nikulinga cheswacho mazanga iye. Shimei mwana Ngera yafulamana kumeso ja mwanangana muze hanazauka Yordau.

2 Samuel 19:28

Mumu akwa munyachi wa tata eswe twapwile afu kumeso ja mwene wami mwanangana, hindu nwasele yami kavumbi kenu hakachi ka waze akulia ku mesa ya yenu mwene. Kashika te poko nguli nayo kuteta nawa kuli mwanangana?

2 Samuel 21:7

Alioze mwanangana walamwinyine Mefiposhete mwana Jonatas mwana Saulu mumu ha shingo lia Yehova lize liapwile hakachi ko, ngwami, hakachi ka David ni Jonatas mwana Saulu.

2 Samuel 9:7

David yamba kuli iye ngwenyi, Kanda wivwa woma, mumu pundu mungukulinga vumbi mumu hali tatenu Jonatas. Mungukwaha minda yeswe ya kakenu Saulu. Kumuolia ku mesa yami matangwa eswe.

1 Yitanga Ya Mianangana 2:7

Alioze lweza utu kuli ana ja Bazilai Ka-Ngiliate akapwe hakachi ka waze malia ku mesa ye, mumu chocho ejile kuli yami muze nachinyine yayenu Absalome.

1 MIANANGANA 25:29

Yazula mazalo jenyi ja zuwo lia ususu. Matangwa eswe a mwono wenyi walile ku mesa ya mwanangana.

Jeremia 52:34

Ni mbongo, amuhele kuli mwanangana mbongo ja kulita ni kuhona chenyi cha tangwa ha tangwa ndo ku tangwa lia kufwa chenyi, matangwa eswe a mwono wenyi.

Luka 14:15

Mba umwe wa kuli waze atwamine ku mesa hamwe nenyi ha kwivwa yino yuma, wambile kuli iye ngwenyi, Kawaha yoze makalia mbolo mu wanangana wa Zambi.