2 Samuel 9:1 - MUKANDA USANDU WA ZAMBI 1975

¹ David yamba ngwenyi, Hindu kwasala umwe a ku munyachi wa Saulu hanga ngumulinge vumbi mumu hali Jonatas nyi?

Mukanda Wa Zambi 1970

¹ Limwe tangwa mwanangana David yahula ngwenyi: “Mu jiko lia mwanangana Saulu munakasala kama umwe mutu, nyi? Nyi kwali, ngunazange kumulweza zango mumu hali Jonatane.”

2 Samuel 9:1 Iomraidhean Croise

2 Samuel 1:26

Yaya Jonatas, ngunalifwichi mu mbunge mumu hali yena. Wapwile mupema chikolo kuli yami. Zango lie liapwile lia kukomwesa; liahianyine zango lia mapwo.

2 Samuel 21:7

Alioze mwanangana walamwinyine Mefiposhete mwana Jonatas mwana Saulu mumu ha shingo lia Yehova lize liapwile hakachi ko, ngwami, hakachi ka David ni Jonatas mwana Saulu.

2 Samuel 9:7

David yamba kuli iye ngwenyi, Kanda wivwa woma, mumu pundu mungukulinga vumbi mumu hali tatenu Jonatas. Mungukwaha minda yeswe ya kakenu Saulu. Kumuolia ku mesa yami matangwa eswe.

1 Yitanga Ya Mianangana 2:7

Alioze lweza utu kuli ana ja Bazilai Ka-Ngiliate akapwe hakachi ka waze malia ku mesa ye, mumu chocho ejile kuli yami muze nachinyine yayenu Absalome.

Yishima 27:10

Kanda wehuka sepa lie hanji sepa lia tatenu; kanda ukaya ku zuwo lia yayenu hanji mwanakwenu ha tangwa lia lamba lie. Shinaho umwe mukwenu wa hakamwihi, hi yayenu ko yoze uli kusuku.

Mateu 10:42

Mweswawo manwisa umwe wa kuli wano akepe musenge wa meya a kekema wika, mumu iye kambaji, pundu ngunambe kuli yenu ngwami, Yoze kechi katokesa kwononona chenyi nichimwe.

Mateu 25:40

Mwanangana makaakumbulula ngwenyi, Pundu ngwami, Mumu te nwachilingile kuli umwe wa kuli akepe ahiana eswe a kuli wano mandumbu jami, nwachilingile kuli yami.

Marku 9:41

Mumu mweswawo manwaha musenge wa meya a kunwa, mumu nuli a Kristu, pundu ngunambe kuli yenu ngwami, Yoze kechi katokesa kwononona chenyi nichimwe.

1 Petulu 3:8

Ha kusula, pwenu eswe ni kunyonga chimuwika, nikulivwila vumbi umwe ni mukwo ni mukwo, akwa kulizanga ngwe mandumbu, akwa mbunge ja vumbi, akwa mbunge ja kulikehesa.

1 Samuel 20:42

Jonatas yamba kuli David ngwenyi, Uye kanawa, se etu eswe ni aali hitwalishinga ni jina lia Yehova ngwetu, Yehova mapwa hakachi ka yami ni yena ni hakachi ka chisemuko cha yami ni chisemuko cha yena ndo ku miaka ya mutolo. David yakatuka yaya. Jonatas wayile mu limbo.