2 Samuel 8:6 - MUKANDA USANDU WA ZAMBI 1975

⁶ David yasa maswalale mu Seria ya Ndamaseku. A-Seria yalumuka ngamba kuli David. Yamunehena milambu. Kweswako David yatalikisa, Yehova yamwaha kukumba.

Mukanda Wa Zambi 1970

⁶ Mba yasa misumba ya tujita mu chifuchi cho; no yaalumuka yilolo jenyi, yaamulambwola milambu. Mwene Zambi yakwasa David kukumba kweswako ayile.

2 Samuel 8:6 Iomraidhean Croise

2 Samuel 10:19

Muze mianangana waze eswe azeyele kuli Hadarezere hamona ngwo, Hatukumba kuli A-Izalele o yatá kuli A-Izalele, yaalingila. Chocho A-Seria evwile woma kukwasa A-Amone nawa.

2 Samuel 23:14

David wapwile mu chivwenge, ni maswalale ja A-Filistea achili te mu Mbeteleme ha matangwa aze.

2 Samuel 3:18

Hichilingenu haliapwila. Mumu Yehova hanalakenya ni David ngwenyi, Ku kwoko lia kavumbi kami David mungulamwina atu jami A-Izalele kuli A-Filistea ni kuli akwa kole jo eswe.

2 Samuel 5:10

David wayile nikulema mumu Yehova Zambi-ya-Tujita wapwile hamwe nenyi.

2 Samuel 7:9

Nendele hamwe ni yena kweswe wayile. Hinasutula akwa kole je eswe kumeso je, mba mungukwaha jina lilemu ngwe majina ja e alemu a hashi.

2 Samuel 8:14

Yasa maswalale mu Endome. Ndusu mu Endome mweswe yasa maswalale, mba A-Endome eswe yalumuka ngamba kuli David. Kweswako David yatalikisa Yehova yamwaha kukumba.

2 Samuel 8:2

Yalamba A-Moape. Yaapombesa hashi nikwafunjikila mufunda. Yafunjika mifunda yiali ya kushiha, ni mufunda wa muwundu wa kufunga ni mwono. A-Moape yalumuka ngamba kuli David. Yamunehena milambu.

2 Samuel 8:7

David yatambula kepwe ja oru ja atu a Hadadezere, yajineha ku Yerusaleme.

1 Yitanga Ya Mianangana 4:21

Solomone wayulile yifuchi yeswe chize ku mwe Lwiji ndo ku chifuchi cha A-Filistea ni ndo ku njiza ya Engitu. Yaneha milambu nikulingila Solomone matangwa eswe a mwono wenyi.

1 MIANANGANA 1:1

Ha Kufwa Ahabe A-Moape akatukilile A-Izalele.

1 MIANANGANA 14:28

Yitanga yikwo ya Jeroboame ni yize yeswe alingile, ni ndundo jenyi, ni chize ashile jita, ni chize wahilwishile kuli Izalele Ndamaseku ni Hamate wa Yunda hanayisoneka mu mukanda wa sango ja mianangana ja Izalele.

1 MIANANGANA 18:7

Kashika Yehova wapwile hamwe nenyi. Kweswako atalikishile wayile kulutwe. Aye wakatukilile mwanangana wa Asuria; kamulingilile.

1 MIANANGANA 3:4

Mesha mwanangana wa Moape aye te mukwa mapanga. Walambwile kuli mwanangana wa Izalele wona wa kulakaji lia tununu twa ana-mapanga, ni wa kulakaji lia tununu twa kuji a mapanga.

1 Sango Ja Mianangana 18:13

Yasa maswalale mu Endome. A-Endome eswe yalumuka ngamba kuli David. Kweswako David yatalikisa, Yehova yamwaha kukumba.

2 Sango Ja Mianangana 17:2

Yasa maswalale mu yihunda yeswe ya yipanga mu Yunda, ni mbonge ja tujita mu chifuchi cha Yunda ni mu yihunda ya Eframe yize tato Asa watambwile.

Miaso (Masamu) 140:7

Zambi Yehova, yena tachi ja ulamwino wami, hiunangufuku mutwe wami ha tangwa lia jita.

Miaso (Masamu) 60:10

Yena Zambi kwatumbilile? Zambi kushi kutuhuka ni tujita twetu?

Yishima 21:31

Kakululika kavwalu ha tangwa lia jita, alioze kuwaha chinakatuka kuli Yehova.

1 Samuel 13:3

Jonatas yapupa maswalale ja A-Filistea waze apwile mu Ngeba, mba A-Filistea yachivwa. Kashika Saulu yembisa yitavwi ndusu chifuchi cheswe ngwenyi, A-Hepreu eswe apanjike.

1 Samuel 14:1

Limwe tangwa Jonatas, mwana wa Saulu yamba kuli kambaji kenyi yoze wamumbachilile yitwa yenyi ngwenyi, Tuye ku chilombo cha A-Filistea chili mu sali. Alioze kalwezele tato.

1 Samuel 14:15

Kwejile mwongo mu chilombo, ni mu chifuchi ni hakachi ka atu eswe. Chipwe maswalale ni akwa kupupa, eswe achikimine. Kwejile minyiko nawa, ni kuchikima cha kuli Zambi.

1 Samuel 14:6

Jonatas yamba kuli kambaji kenyi yoze wambachile yitwa yenyi ngwenyi, Tuye ku chilombo cha wano yilima. Hanji Yehova matukwasa mumu hi chikalu ko kuli Yehova kulamwina atu chipwe ni anji chipwe ni akehe.