2 Samuel 8:4 - MUKANDA USANDU WA ZAMBI 1975

⁴ David yatambula kuli iye kanunu ka akwa tuvwalu ni kulakaji shimbiali a akwa tuvwalu, ni makumi aali a tununu a maswalale a kwenda hashi. Tuvwalu eswe a matemba-a-jita David yaateta mijipa, yafunga tuvwalu kukoka kulakaji lia matemba-a-jita.

Mukanda Wa Zambi 1970

⁴ David yakwata tujita waze akwenda ha tuvwalu 1,700 ni waze te akwenda hashi 20,000. Yafunga ni mwono tuvwalu waze maahasa kwendesa matemba 100, alioze yateta mijiba ya waze asalile.

2 Samuel 8:4 Iomraidhean Croise

Ubutukilo 49:6

Mbunge yami kanda ukanjila mu punga yo; uhenya wami kanda ulifutula no muze makunguluka. Mumu mu utenu wo ashihile atu. Mu pami jo apatwile tujilolo twa ngombe.

1 Yitanga Ya Mianangana 10:26

Solomone yakungulula matemba-a-jita ni akwa tuvwalu. Wapwile ni kanunu ka matemba ni kulakaji awana a matemba, ni kumi lia tununu ni tununu aali a akwa tuvwalu. Wano waasele mu yihunda ya matemba ni amwe hamwe ni mwanangana ku Yerusaleme.

1 Sango Ja Mianangana 18:4

David yatambula kuli iye kanunu ka matemba-a-jita, ni tununu shimbiali a akwa tuvwalu, ni makumi aali a tununu a maswalale a kwenda hashi. Tuvwalu eswe a matemba-a-jita David yaateta mijipa, yafunga tuvwalu kukoka kulakaji lia matemba-a-jita.

Miaso (Masamu) 20:7

Amwe kakufuliela matemba, amwe tuvwalu, alioze yetu mutuvulwoka jina lia Yehova Zambi yetu.

Shimbi 17:16

Chino wika, kanda aliokesela tuvwalu, hanji kuhilwisa atu ku Engitu hanga okese tuvwalu, mumu te Yehova wambile kuli yenu ngwenyi, Kunuchi kuhilukila ku jila yize nilimwe tangwa.

Yoshua 11:6

Yehova yamba kuli Yoshua ngwenyi, Kanda nwavwila woma, mumu ha ola yino hamene mungwakunjika eswe, a kushiha, kuli A-Izalele. Munuteta mijipa ya tuvwalu two, munwocha matemba jo.

Yoshua 11:9

Yoshua yaalinga chize Yehova yamutuma. Yateta mijipa ya tuvwalu, yocha matemba ni kahia.