2 Samuel 8:16 - MUKANDA USANDU WA ZAMBI 1975

¹⁶ Joabe mwana Zeluia wapwile kapitau ka tujita eswe. Yehosofate mwana Ahilude wapwile mukwa kusoneka yuma ya wanangana.

Mukanda Wa Zambi 1970

¹⁶ Joabe, naye te Zeruya, yabwa mwata wa tujita. Yehosafate, mwana wa Ahilude, mwenawo te wakusoneka sango ja wanangana.

2 Samuel 8:16 Iomraidhean Croise

2 Samuel 18:2

David yatuma e atu mu yihanda yitatu: chihanda chimuwika mu chiyulo cha Joabe, chihanda chikwo mu chiyulo cha Abishai mwana Zeluia, mwanakwo wa Joabe, ni chihanda chikwo mu chiyulo cha Itaia Ka-Ngata. Mwanangana yamba kuli atu ngwenyi, Ni yami nawa kumunguya ni yenu.

2 Samuel 19:13

Ambenu kuli Amasa nawa ngwenu, Ngwami, uli wa yifwaha yami ni musunya wami. Zambi alinge chocho kuli yami nikuwezaho nawa kachi chakusele kapitau wa tujita matangwa eswe kusalakana Joabe.

2 Samuel 2:13

Ni Joabe mwana Zeluia yaya ni atu ja David, yatakana ku Chitende cha Ngibeone. Yatwama, wano muno mu sali, akwo muze mu sali lia Chitende.

2 Samuel 8:15

David wapwile mwanangana wa A-Izalele eswe. David wayulile ni wapatwilile atu jenyi eswe.

1 Yitanga Ya Mianangana 4:3

Elihorepe ni Ahija ana ja Shisha o akwa kusoneka mikanda. Yehosofate mwana Ahilude aye mukwa kusoneka yuma ya wanangana.

1 MIANANGANA 18:18

Yasanyika mwanangana, mba kwatuhukile kuli ayo Eliakimi mwana Hilekia, mukwa kuyula zuwo, ni Shepena mukwa kusonyeka, ni Joa mwana Asafwe mukwa kusoneka sango.

1 MIANANGANA 18:37

Henaho Eliakimi mwana Hilekia mukwa kuyula zuwo, ni Shepena mukwa kusonyeka, ni Joa mwana Asafwe mukwa kusoneka sango, yeza kuli Hezekia ni mazalo jo a kusonya. Yamwambulwila maliji a Rabeshaka.

1 Sango Ja Mianangana 11:6

David yamba ngwenyi, Mweswe mahanga kulamba A-Yepushe mapwa mukwa lutwe ni kapitau. Kashika hapwisa Joabe mwana Zeluia mukwa lutwe se hahanga kukanduka.