2 Samuel 7:6 - MUKANDA USANDU WA ZAMBI 1975

⁶ Chize ku tangwa lize nachijile A-Izalele ku Engitu ndo musono kanda nguchitwama mu zuwo, alioze hinatutujoka mu mbalaka ni mu tabernakulu.

Mukanda Wa Zambi 1970

⁶ Chize kuze natuhwishile Aisraele mu chifuchi cha Egiptu ndoo ni musono, haanga kanda nguchitwama kama mu zuwo; nakwendangana lume ni kutwama mu zuwo lia makubu.

2 Samuel 7:6 Iomraidhean Croise

2 Samuel 11:11

Uriya yamba kuli David ngwenyi, We mushete, ni A-Izalele, ni A-Yunda, eswe mu yisakila anapombo. Ni mwene wami Joabe ni atu eswe a mwene wami hanase yilombo yo mu yambu, mba yami te munguya ku zuwo liami mukulia ni kunwa ni kupomba ni pwo liami nyi? Ni mwono wenu, ni mwono wa mbunge yenu, chichi kuchilinga.

1 Yitanga Ya Mianangana 8:16

Chize ku tangwa lize nachijile atu jami A-Izalele ku Engitu chatongwele chihunda nichimwe hakachi ka minyachi yeswe ya Izalele ngutungeko zuwo jina liami likatwameko. Alioze natongwele David akayule atu jami A-Izalele.

Yilinga 7:44

Tulamba twetu apwile ni mbalaka ya Shindakenyo mu puya, chizechene ngwe yoze wahanjikile kuli Mose, wahanyine shimbi, ngwo, Akachihinge nikulita ni cheseko chize hamona kulu.

2 Korintu 6:16

Kutayiza chika yikwete tembele ya Zambi ni mahamba? Mumu yetu tuli tembele ya Zambi ya mwono; nikulita ngwe Zambi wambile ngwenyi, Mungukatwama muli ayo, mungukenda hakachi ko, mungukapwa Zambi yo, o kumakapwa atu jami.

Shimbi 23:14

Mumu Yehova Zambi yenu kakwenda mukachi ka chilombo enenu, mukunupulula, mukukunjika kumeso jenu akwa kole jenu. Kashika chilombo chenu chikapwe chisandu, kanda amonamo chuma nichimwe cha sonyi kuchina manumba nyima.

Yoshua 18:1

Chikungulwila cheswe cha A-Izalele chakungulukile ku Shilo. Yamikako mbalaka ya chikungulwila. Chifuchi te chazeya kumeso jo.

Usolwelo 2:1

Kuli mungelo wa chikungulwila cha ku Efwesu Soneka ngwe, Yino yuma kanambe yoze wakukwata matongonoshi shimbiali mu kwoko lienyi lia chindume, yoze wakwenda mukachi ka yikwachilo shimbiali ya ndeya ya oru, ngwenyi,

Akwa Kuyula 20:27

A-Izalele yahula Yehova (mumu mushete wa usendo wa Zambi watwamineko ha matangwa aze,