2 Samuel 7:3 - MUKANDA USANDU WA ZAMBI 1975

³ Natane yamba kuli mwanangana ngwenyi, Yénu nulinge yeswe yili mu mbunge yenu, mumu Yehova hwali hamuwika ni yenu.

Mukanda Wa Zambi 1970

³ Natane ngwenyi: “Lingenu cheswacho chinanubemena, mumu Mwene Zambi kali hamwe ni yenu.”

2 Samuel 7:3 Iomraidhean Croise

2 Samuel 7:4

Alioze ufuku uze wene liji lia Yehova yiliza kuli Natane ngwo,

1 Yitanga Ya Mianangana 1:8

Alioze sasendote Zadoke, ni Benaia mwana Jehoiada, ni profeta Natane, ni Shimei, ni Rei, ni malunga a ndundo a David kapwile hamwe ni Adonija.

1 MIANANGANA 4:27

Ha kuheta kuli mutu wa Zambi ku mulundu, yamukwata ku molu. Mba Ngehaze yakundama amukatwiseko. Alioze mutu wa Zambi yamba ngwenyi, Mweche! mumu kupiha anevu mu mbunge, mba Yehova hanguswekelacho, kangulwezele.

1 Sango Ja Mianangana 22:7

David yamba kuli mwanenyi Solomone ngwenyi, Ha kutwala kuli yami, chapwile mu mbunge yami kutunga zuwo ha jina lia Yehova Zambi yami.

1 Sango Ja Mianangana 28:2

Mba mwanangana David yamana ha molu jenyi ngwenyi, Ngwivwenu akwetu ni atu jami. Nyi yami mwene, chapwile mu mbunge yami kutunga zuwo lia uhwimino ha mushete wa usendo wa Yehova ni ha chitwamo cha yiliato ya Zambi yetu, kashika nalulikile yuma ya kutunga nayo.

1 Sango Ja Mianangana 29:29

Yitanga ya mwanangana David yitangu ni yasula hanayisoneka mu mukanda wa mukwa kumona Samuel, ni mu mukanda wa profeta Natane, ni mu mukanda wa mukwa kumona Ngate,

2 Sango Ja Mianangana 29:25

Yasa A-Levi mu zuwo lia Yehova ni sembalu, ni yisaji ya kusa, ni tulialia nikulita ni shimbi ja David ni ja Ngate mukwa kumona wa mwanangana, ni profeta Natane; mumu shimbi yapwile ya Yehova kuli aprofeta jenyi.

Miaso (Masamu) 20:4

Akwehe chize unazange mu mbunge ye; akamanunune yiyulo ye yeswe.

Miaso (Masamu) 37:4

Wahilila nawa muli Yehova, iye kumakwaha cheswe unazange mu mbunge ye.

1 Yoano 2:27

Ha kutwala kuli yenu, kuwayisa chize hinunatambula kuli iye kuchakutwama muli yenu, mba kunushi kufupa umwe anulongese; aiioze ngwe kuwayisa chenyi kuchakunulongesa ha kutwala ku yuma yeswe, chinapu chamwenemwene, hi mahuza ko, chizechene ngwe hichinanulongesa, nwakutwama muliiye.

1 Samuel 10:7

Mba muze yilayi muyipwa kuli yena hilinga chize unamono kulinga mumu Zambi kwali hamwe ni yena.

1 Samuel 14:7

Mukwa kumumbachila yitwa yenyi yamba ngwenyi, Linga cheswacho chili mu mbunge ye. Kunguli hamwe ni yena. Mbunge yami chimuwika yapwa ni ya yena.

1 Samuel 16:7

Alioze Yehova yamba kuli Samuel ngwenyi, Kanda utala ku meso jenyi, hanji ku Chizundamo chenyi, mumu hinalitunaye. Yehova kamwene ngwe atu akumona. Mumu atu kakutala ku kusoloka cha haze, alioze Yehova kakutala ku mbunge.