2 Samuel 7:22 - MUKANDA USANDU WA ZAMBI 1975

²² Kashika Yehova Zambi, uli munene. Kukushi umwe walita ni yena. Kukushi umwe Zambi mukwo shina yena wika, nikulita ni yuma yize yeswe hitunevu ni matwi jetu.

Mukanda Wa Zambi 1970

²² Mwene Zambi, yena uli munene! Kukushi niumwe walifwa ni yena. Matangwa eswe twachinyingika ngwetu, yena uli mwe Zambi wika.

2 Samuel 7:22 Iomraidhean Croise

2 Samuel 22:32

Mumu Zambi iya? Shina Yehova wika. Lie liwe iya? Shina Zambi yetu.

1 Yitanga Ya Mianangana 8:23

ngwenyi, Yehova, Zambi ya Izalele kukushi niumwe Zambi ngwe yena chipwe mwilu chipwe hashi. Kuwakufunga usendo ni utu wa zango ni tuvumbi twe waze akwenda kumeso je ni mbunge jo jeswe.

1 Sango Ja Mianangana 16:25

Mumu Yehova munene, chatamba kumuhalisa chikolo. Chatamba kumuvwila woma kuhiana mazambi akwo eswe.

2 Sango Ja Mianangana 2:5

Zuwo mungutunga linene, mumu Zambi yetu iye munene helu lia mazambi akwo eswe.

Miaso (Masamu) 135:5

Mumu ngunanyingika ngwami, Yehova iye munene. Mwene wetu watwama helu lia mazambi eswe.

Miaso (Masamu) 145:3

Yehova iye munene; chatamba kumuhalisa chinji. Unene wenyi keshi kuhasa kuunyingikisa.

Miaso (Masamu) 44:1

Zambi, hitunevu ni matwi jetu, akaka hanatwambulwila yitanga yize walingile ha matangwa jo, ha matangwa a shakulu.

Miaso (Masamu) 48:1

Yehova iye munene, amuhalise mwimbo lia Zambi yetu, ha mulundu wenyi usandu.

Miaso (Masamu) 86:10

Mumu yena uli munene; kuwakulinga yikomokeso. Yena wika uli Zambi.

Miaso (Masamu) 86:8

Hakachi ka mazambi niumwe wapwa ngwe yena mwe Mwene. Niyimwe yitanga yinalifu ni yitanga ye.

Miaso (Masamu) 89:6

Helu lia malelwa iya malitesa ni Yehova? Iya hakachi ka akwa ndundo malifwa ni Yehova?

Miaso (Masamu) 89:8

Yehova Zambi-wa-Tujita, iya mapwa mukwa ndundo wa kulifwa ni yena Yehova? Umwenemwene we unakujingilika.

Miaso (Masamu) 96:4

Mumu Yehova munene, chatamba kumuhalisa chikolo. Chatamba kumuvwila woma kuhiana mazambi akwo eswe.

Kutuhuka 10:2

Hanga ukambulwile mu matwi ja mwané, ni ja mujikulu we, yuma yize nalingile mu Engitu, ni yilayi yami yize nalingile hakachi ko, nukanyingike ngwenu, Mwe Yehova.

Kutuhuka 15:11

Yehova—hakachi ka tuzambi walita ni yena iya? Walita ni yena iya? Mulemu ni musandu—yena. Ha kukuhalisa, kole ni woma yena. Kuwakulinga yikomokeso.

Kutuhuka 8:10

Yamba ngwenyi, Hamene. Mose yamba ngwenyi, Chocho chilite ni liji lie hanga ukanyingike ngwe, Wakuhi niumwe wa kulifwa ni Yehova Zambi yetu, ka.

Kutuhuka 8:6

Arone yolola kwoko lienyi ha meya eswe a mu Engitu mba yula-ya-mbwota yakanduka, yalianyiza kweswe ku chifuchi cha Engitu.

Kutuhuka 9:14

Chisuho chino kumungutuma misongo yami yeswe ku mbunge ye, ni kuli ngamba je, ni kuli atu je, ukanyingike ngwe, Hashi heswe wakuhi niumwe walifwa ni yami, ka.

Izaya 40:18

Nyi chocho neka munutesa Zambi? Kulifwa chenyi kuchi munuchipwisa?

Izaya 40:25

Mba yoze munungutesa nenyi iya hanga ngulifwe nenyi? Chocho kanahula mwe Musandu.

Izaya 45:18

Mumu Yehova, Tangi ya malilu (iye Zambi), yoze wawumbile hashi nikuhalinga, (wahakolesele, kahatangile ha hululu, wahatangile hanga atu akatwameho); yono Yehova kanambe ngwenyi, Yami nguli Yehova, kukushi mukwo.

Izaya 45:22

Tewulukilenu kuli yami akanulamwine, enu eswe mu masongo a hashi! Mumu yami nguli Zambi, kukushi mukwo.

Izaya 45:5

Yami nguli Yehova, mba kukushi mukwo, kukushi Zambi mukwo shina yami mwene. Chipwe kwangunyingikine ngunakuse muya,

Ezekiel 36:22

Kashika amba kuli akwa munyachi wa Izalele ngwe, Mwene Yehova kanambe ngwenyi, Enu akwa munyachi wa Izalele, chambile kulinga yuma yino haliapwila mumu hali yenu, alioze ha mukunda wa jina liami lisandu yenu hinwalijilula hakachi ka mavungu kuze nwayile.

Ezekiel 36:32

Mwene Yehova kanambe ngwenyi, Nyingikenu kanawa, chalingile yino yuma ha mukunda wa yenu. Ivwenu sonyi nukalitupieke mumu ha ndako jenu, enu akwa munyachi wa Izalele.

Daniel 2:45

chizechene ngwe nwamwene liwe lia kupula ku mulundu, hi ni kwoko lia mutu ko, mba Mapalwola utale, ni unengu, ni uma, ni prata, ni oru. Mwe Zambi munene halweza kuli mwanangana chize muchikapwa kulutwe. Chilota cha pundu, ni ulumbunwiso wacho wamwenemwene.

Mika 7:18

Iya mapwa Zambi ngwe yena, mukwa kukonekena uhenge, ni kuzomboka milonga ya masalia ja chihinga chenyi? Kechi kufunga utenu wenyi wa mutolo mumu kakuwahilila ni utu wa zango.

Shimbi 3:24

Mwene Yehova, hinwaputuka kulweza unene wenu, ni kwoko lienu lia tachi kuli yami kavumbi kenu; mumu kazambi kaka, hanji mwilu, hanji hashi kanahase kulinga nikulita ni yitanga yenu, nikulita ni yilinga yenu ya ngolo?

Shimbi 32:39

Haliapwila talenu. Ngwami, Yami, yami mwene nguliko. Kukushi niumwe zambi hamwe ni yami. Nakushiha mba nakuhana mwono, nakulemeka mba nakuwuka. Kukushi niumwe mahasa kupulula mutu ku kwoko liami.

Shimbi 4:35

Anulwezelecho yenu, hanga nunyingike ngwenu, Yehova iye Zambi. Wakuhi weka shina iye wika.

Shimbi 4:39

Kashika, nyingikenu musono, nuchipachikile mu mbunge jenu, ngwami, Yehova iye Zambi mwilu ni hashi. Wakuhi weka niumwe.

1 Samuel 2:2

Niumwe wapwa musandu ngwe Yehova, mumu mukwo wakuhi ndo yena wika. Liwe likwo liakuhi ngwe Zambi yetu.