2 Samuel 7:21 - MUKANDA USANDU WA ZAMBI 1975

²¹ Hiwalinga unene uno weswe mumu ha liji lie, ni kulita ni mbunge ya yena mwene hanga yami kavumbi ke ngukachinyingike.

Mukanda Wa Zambi 1970

²¹ Mumu wangulakenyene ni wanguzangile, kashika walingile yuma yino yeswe yinene ni kungusolwela yo.

2 Samuel 7:21 Iomraidhean Croise

1 Sango Ja Mianangana 17:19

Yehova hiwalinga unene uno weswe nikusolola yino yuma yeswe yinene mumu hali kavumbi ke nikulita ni mbunge ya yena mwene.

Miaso (Masamu) 115:1

Yehova, hi yetu ko, hi yetu ko machichimieka, alioze jina lie linene, mumu ha utu wa zango lie ni umwenemwene we.

Miaso (Masamu) 138:2

Munguwayila nikutalikisa ku tembele ye yisandu. Mungusakwilila jina lie mumu ha utu wa zango lie ni umwenemwene we, mumu hiwatohesa liji lie helu lia jina lie lieswe.

Kwalula 23:19

Zambi hi mutu ko ahanjike mahuza, ka; chipwe mwana wa mutu, alikonyeke, ka. Hamba chimwe chuma, kechi kuchilinga? Hanji hachihanjika chimwe chuma, mba kechi kuchimanununa?

Mateu 11:26

Ewa, Tata, mumu chocho chakupemenene.

Mateu 24:35

Lilu ni hashi kumuyikahwa, alioze maliji jami kechi kahwa nichimwe.

Luka 1:72

Mukulweza keke kuli tulamba twetu, mukwiwuluka usendo wenyi usandu;

Luka 10:21

Ha ola yize yene Yesu walikwijile mu Spiritu, ngwenyi, Ngunakuchichimieka Tata, Mwenya lilu ni hashi, wahengekele yino yuma kuli akwa mana ni akwa malinjekela, wayisolwele kuli ana-akemba; ewa, Tata; mumu chocho chakupemenene.

Luka 12:32

Kanda nwivwa woma, mbunga yikepe; mumu chinawahila Tatenu kunwaha wanangana.

1 Korintu 1:1

Yetu, Paulu amutambikile postolo wa Yesu Kristu ku upale wa Zambi, ni ndumbu Sosetene,

Efesu 1:9

Nikutunyingikisa chijimbikilo cha upale wenyi, nikulita ni chize chamupemena, chize waliselele kulinga muli iye mwene;

Efesu 3:11

Nikulita ni kupala chize cha ku miaka ya mutolo, chize apalile kulinga muli Kristu Yesu Mwene wetu;

Efesu 4:32

Pwenu ni utu umwe kuli mukwo, akwa mbunge ja kwivwa keke, nikulikonekcna umwe ni mukwo, chizechene ngwe Zambi nawa hananukonekena muli Kristu.

Shimbi 9:5

Hi ha ululi wenu ko, ka, hanji ha kululama cha mbunge jenu, nunahetemo, ni kuzuka chifuchi cho; alioze mumu ha ungulungulu wa mavungu ano, Yehova Zambi yenu anaahumu kumeso jenu, hanga akakolese liji lize alishingililelio Yehova kuli tulamba twenu, te kuli Apalahama, ni kuli Izake, ni kuli Yakomba.