2 Samuel 7:2 - MUKANDA USANDU WA ZAMBI 1975

² mwanangana yamba kuli profeta Natane ngwenyi. Tala yami natwama mu zuwo lia sedru alioze mushete wa Zambi watwama mu mbalaka.

Mukanda Wa Zambi 1970

² Mba mwanangana yambili mukwa munanyi Natane ngwenyi: “Tala yami ngunatwama mu zuwo lia kutunga ni mitondo sedru, alioze mushete wa usendo wa Zambi ni atu uli mu zuwo lia makubu!”

2 Samuel 7:2 Iomraidhean Croise

2 Samuel 11:11

Uriya yamba kuli David ngwenyi, We mushete, ni A-Izalele, ni A-Yunda, eswe mu yisakila anapombo. Ni mwene wami Joabe ni atu eswe a mwene wami hanase yilombo yo mu yambu, mba yami te munguya ku zuwo liami mukulia ni kunwa ni kupomba ni pwo liami nyi? Ni mwono wenu, ni mwono wa mbunge yenu, chichi kuchilinga.

2 Samuel 12:1

Yehova watumine Natane kuli David. Iye yaheta, yamba ngwenyi, Kwapwile malunga aali mu chihunda chimuwika; mukwo pichi, mukwo chiswale.

2 Samuel 5:11

Hirame mwanangana wa Teru yatuma tunganda kuli David, ni mitondo ya sedru, ni akarpinteru, ni apedreru. O yatungila David zuwo.

2 Samuel 6:17

O yaneha mushete wa Yehova; yausa muma mwawo muchima lia mbalaka yize David hanautungila. David yalambula milambu ya kulumba ni milambu ya sambukila kumeso ja Yehova.

2 Samuel 7:17

Natane yahanjika maliji wano eswe kuli David nikulita ni usolwelo uno weswe.

1 Yitanga Ya Mianangana 1:22

Shimbu machihanjika ni mwanangana profeta Natane yanjila.

1 Yitanga Ya Mianangana 1:8

Alioze sasendote Zadoke, ni Benaia mwana Jehoiada, ni profeta Natane, ni Shimei, ni Rei, ni malunga a ndundo a David kapwile hamwe ni Adonija.

1 Yitanga Ya Mianangana 4:5

Azaria mwana Natane aye helu lia tupita. Zabude mwana Natane aye sasendote ni chikwo nawa sepa lia mwanangana.

1 Yitanga Ya Mianangana 8:17

Chapwile mu mbunge ya tata David kutunga zuwo ha jina lia Yehova mwe Zambi ya Izalele.

1 Sango Ja Mianangana 14:1

Hirame mwanangana wa Teru yatuma tunganda kuli David, ni mitondo ya sedru, ni apedreru, ni akarpinteru amutungilile zuwo.

1 Sango Ja Mianangana 16:1

O yaneha mushete wa Zambi; yausa muma mwawo muchima lia mbalaka yize David hanautungila. Yalambula milambu ya kulumba ni milambu ya sambukila kumeso ja Zambi.

1 Sango Ja Mianangana 22:7

David yamba kuli mwanenyi Solomone ngwenyi, Ha kutwala kuli yami, chapwile mu mbunge yami kutunga zuwo ha jina lia Yehova Zambi yami.

1 Sango Ja Mianangana 29:29

Yitanga ya mwanangana David yitangu ni yasula hanayisoneka mu mukanda wa mukwa kumona Samuel, ni mu mukanda wa profeta Natane, ni mu mukanda wa mukwa kumona Ngate,

2 Sango Ja Mianangana 1:4

Alioze mushete wa Zambi, David te wauchijile ku Kiriate-Yerimi nikuuneha kuma kuze iye haululikila, te hautungila mbalaka mu Yerusaleme.

2 Sango Ja Mianangana 29:25

Yasa A-Levi mu zuwo lia Yehova ni sembalu, ni yisaji ya kusa, ni tulialia nikulita ni shimbi ja David ni ja Ngate mukwa kumona wa mwanangana, ni profeta Natane; mumu shimbi yapwile ya Yehova kuli aprofeta jenyi.

2 Sango Ja Mianangana 9:29

Mba yitanga yikwo ya Solomone, yitangu ni yasula, hanayisoneka mu sango ja profeta Natane, ni mu mukanda wa uprofeto wa Ahija Ka-Shilone, ni mu usolwelo wa mukwa kumona Ido, uze wakutwala kuli Jeroboame mwana Nebate.

Miaso (Masamu) 132:2

Chize alishingile kuli Yehova nikulilakenya ni Mukwa-Ndundo wa Yakomba ngwenyi,

Miaso (Masamu) 132:5

ndo hinawana muma mwa Yehova; tabernakulu ja Mukwa-Ndundo wa Yakomba.

Kutuhuka 40:21

Yanjisa mushete mu tabernakulu. Yazezeleka chikalakala cha hina, yasweka we mushete wa Shindakenyo chizechene ngwe Yehova ambile kuli Mose.

Hagai 1:4

Kumanyi matangwa hanahete a kutwama mu mazuwo jenu a kululika kanawa ni mitondo shimbu zuwo lino Unatwama lia kupuzula?

Yoano 2:17

Tumbaji twenyi ewulukile ngwe chinasonewa ngwo, Kulinga ni mbunge yeswe ha zuwo lie hichinanguli.

Yilinga 7:46

Iye wawanyine vumbi kumeso ja Zambi, wechile akawane mbalaka hali Zambi ya Yakomba.