2 Samuel 7:15 - MUKANDA USANDU WA ZAMBI 1975

¹⁵ Hindu chichi kumuchiza utu wa zango liami ngwe nauchijile kuli Saulu yoze nahumine kumeso je.

Mukanda Wa Zambi 1970

¹⁵ Alioze chichi kumwehuka ngwe chize nehukile Saulu, yoze nachijile hanga yena ubwe mwanangana.

2 Samuel 7:15 Iomraidhean Croise

2 Samuel 7:14

Ami kumungukapwa tato; iye kumakapwa mwanami. Nyi malinga uhenge mungumufumba ni mbwechi ya atu ni mijiji ya ana ja atu.

2 Samuel 7:16

Zuwo lie ni wanangana we muyikakola kumeso je ku miaka yeswe. Ngunja ye kumuyikakola ya mutolo.

1 Yitanga Ya Mianangana 11:13

Hindu chichi kuchangumuna wanangana weswe; munguhana munyachi umuwika kuli mwané ha mukunda wa kavumbi kami David ni ha mukunda wa Yerusaleme binatongola kulu.

Miaso (Masamu) 89:28

Mungumutungila utu wa zango liami ku miaka ya mutolo. Usendo wami muukakola nenyi.

Miaso (Masamu) 89:31

nyi matangula yiyulo yami, hanji kechi kufunga shimbi jami.

Miaso (Masamu) 89:33

Hindu chichi kumuchiza liakulu utu wa zango liami. Umwenemwene wami chichi kuutayiza kuhona.

Miaso (Masamu) 89:34

Chichi kutangula usendo wami. Chichi kwalumuna chuma chize hichinapalika ku mivumbo yami.

Miaso (Masamu) 89:49

Mwene, utu wa zango lie ukulu ulihiwo? Uze walakenyene ni shingo kuli David mu umwenemwene we.

Izaya 37:35

Mumu yami kumungukafunga chihunda chino nguchilamwine ha mukunda wa yami mwene, ni wa kavumbi kami David.

Izaya 55:3

Neha twitwi lie, wize kuli yami. Panjika, mbunge ye yikatwame ni mwono. Mungukolesa ni yena usendo wa mutolo, utu wami wa zango ukolo kuli David.

Izaya 9:7

Kutanda cha chiyulo chenyi ni cha sambukila kuchichi kusula, ha ngunja ya David ni ha wanangana wenyi kuukolesa ni kuujikijisa ni upatwilo ni ululi chize ku tangwa lize ni ndo ku miaka yeswe. Tachi ja Yehova-wa-Tujita mujilinga chino chuma.

1 Samuel 15:23

Mumu kukolema kuchapwa ngwe mulonga wa umbanda, ni upama kuwapwa ngwe uhenge ni kukombelela. Ena hiunalitunu liji lia Yehova; kashika aye hanalitunu yena. Kuchi kupwa mwanangana.

1 Samuel 15:26

Samuel yamba kuli Saulu ngwenyi, Chichi kuya ni yena se hiunalitunu liji lia Yehova, ni Yehova hanalitunu yena. Kuchi kupwa mwanangana wa Izalele.

1 Samuel 15:28

Samuel yamba ngwenyi, Yehova hasonya wanangana wa Izalele kuli yena musono, hauhana kuli umwe mukwenu mupema kuhiana yena.

1 Samuel 16:14

Spiritu ya Yehova te hakatuka kuli Saulu; Spiritu umwe mupi wa kuli Yehova yamupinjisa.

1 Samuel 19:24

Iye nawa yazula mazalo jenyi, iye nawa yaprofeteza kumeso ja Samuel. Yapomba uselesele tangwa lize lieswe ni ufuku uze weswe. Kashika kakwamba ngwo, Saulu nawa hakachi ka aprofeta ali, nyi?