2 Samuel 7:12 - MUKANDA USANDU WA ZAMBI 1975

¹² Muze matangwa je hamanunuka hiwaya tulo, hiwaya kuli tulamba twe, kulutwe mungukakolesa mukwa munyachi we yoze wamusema, mungukakolesa wanangana wenyi.

Mukanda Wa Zambi 1970

¹² Muze hiwafwa, hiwaya kuli tushakulu twe, umwe wa kuli ana je mungukamupwisa mwanangana, mungukakolesa wanangana wenyi.

2 Samuel 7:12 Iomraidhean Croise

Ubutukilo 15:4

Kumanyi liji lia Yehova yiliza kuli iye ngwo, Yono kechi kupwa swana ye alioze umwe wa kusemuka ku jimo lia yena mwene iye mapwa swana ye.

2 Samuel 22:51

Iye kakuhana ulamwino unene kuli mwanangana wenyi; kakusolola utu wa zango lienyi kuli yoze hamuwayisa, kuli David ni ku munyachi wenyi ku miaka ya mutolo.

1 Yitanga Ya Mianangana 1:21

Nyi ka, muchipwa muze mwene wami mwanangana hiwaya tulo, hiwaya kuli tulamba twenu, yami ni mwanami Solomone matumona ngwe tuli yitanguke.

1 Yitanga Ya Mianangana 1:48

Mwanangana yamba ngwenyi, Yehova Zambi ya Izalele akafumane mumu hatwaha musono umwe kutwama ha ngunja yami ni meso jami kanachimono.

1 Yitanga Ya Mianangana 2:1

Matangwa a kufwa cha David yakundama. Yashika mwanenyi Solomone ngwenyi,

1 Yitanga Ya Mianangana 2:10

David yaya tulo, yaya kuli tulamba twenyi. Yamufunda mu limbo lia David.

1 Yitanga Ya Mianangana 2:4

hanga Yehova akakolese liji lienyi ahanjikile ha kutwala kuli yami ngwenyi, Nyi ana je matala kanawa ku jila yo akende kumeso jami mu umwenemwene ni mbunge jo jeswe ni mwono wo weswe kukuchi kahona, ngwenyi, lunga ha ngunja ya Izalele.

1 Yitanga Ya Mianangana 5:5

Kashika ngunazange kutunga zuwo ha jina lia Yehova Zambi yami chizechene ngwe Yehova yamba kuli tata David ngwenyi, Mwané yoze mungusa ha ngunja ye kukusalakana, iye makatunga zuwo ha jina liami.

1 Yitanga Ya Mianangana 8:15

Yamba ngwenyi, Yehova afumane, mwe Zambi ya Izalele yoze wahanjikile ni kanwa lienyi kuli tata David, mwenawo hachimanuna ni kwoko lienyi musono ngwenyi,

1 Yitanga Ya Mianangana 8:19

Hindu hi yena ko mutunga lie zuwo, alioze mwane yoze makatuka ku mujimba we iye matunga zuwo ha jina liami.

1 Yitanga Ya Mianangana 8:20

Yehova hanakolesa liji lize wahanjikile. Mumu Unasalakana mu chitwamo cha tata David nikutwama ha ngunja ya Izalele ngwe Yehova walakenyene, mba hinatunga zuwo ha jina lia Yehova mwe Zambi ya Izalele.

1 Yitanga Ya Mianangana 9:5

mba mungukolesa ngunja ya wanangana we hali A-Izalele ya mutolo, nikulita ni chize nalilakenyene ni David ngwami, Kukuchi kakuhona lunga ha ngunja ya Izalele.

1 MIANANGANA 8:19

Hindu Yehova kazangile kwonwona Yunda ha mukunda wa kavumbi kenyi David, se walilakenyene nenyi kumwaha ndeya hali ana jenyi matangwa eswe.

1 Sango Ja Mianangana 17:11

Muze matangwa je hamanunuka hiwaya kuli tulamba twe, kulutwe mungukakolesa mukwa munyachi we yoze wamusema, mungukakolesa wanangana wenyi.

2 Sango Ja Mianangana 1:9

Kashika, Yehova Zambi, kolesa chilakenyo che kuli tata David; mumu hiwangupwisa mwanangana wa vungu limwe liapwa ngwe fufuta ha kwoka.

2 Sango Ja Mianangana 13:5

Chanutamba kunyingika, Yehova Zambi ya Izalele wahanyine wanangana wa Izalele kuli David ku miaka yeswe; kuli iye, ngwami, ni kuli anenyi a malunga ni usendo wa mungwa.

2 Sango Ja Mianangana 21:7

Hindu Yehova kazangile kwonwona munyachi wa David mumu ha usendo uze wakolesele ni David nikulakenya kumwaha ndeya, ni kuli ana jenyi matangwa eswe.

2 Sango Ja Mianangana 23:3

Akwa chikungulwila eswe akolesele usendo ni mwanangana mu zuwo lia Zambi. Jehoiada yamba kuli ayo ngwenyi, Talenu, mwana wa mwanangana kumayula nikulita ni chize Yehova wambile ha kutwala kuli ana ja David.

2 Sango Ja Mianangana 6:15

Hiwalinga ni tata David kavumbi ke chize hiwalakenya nenyi. Ewa, wahanjikile ni kanwa lie; hiwachilinga ni kwoko lie ngwe hichapwa musono.

2 Sango Ja Mianangana 6:9

Hindu hi yena ko mutunga lie zuwo, alioze mwané, yoze makatuka ku mujimba we, iye matunga zuwo ha jina liami.

Miaso (Masamu) 89:29

Munyachi wenyi munguupwisa wa mutolo. Ngunja yenyi muyilinduluka matangwa eswe a mwilu.

Izaya 11:10

Ha tangwa lize mutombo wa Yese muumana ngwe mbandeira kuli mavungu. Akwa mavungu mamufupa, ni zuwo lienyi mulipwa lia uhenya.

Izaya 9:7

Kutanda cha chiyulo chenyi ni cha sambukila kuchichi kusula, ha ngunja ya David ni ha wanangana wenyi kuukolesa ni kuujikijisa ni upatwilo ni ululi chize ku tangwa lize ni ndo ku miaka yeswe. Tachi ja Yehova-wa-Tujita mujilinga chino chuma.

Jeremia 33:17

Mumu Yehova kanambe ngwenyi, David kechi kahona lunga kutwama ha ngunja ya munyachi wa Izalele,

Daniel 12:2

Anji a waze akupomba tulo mu mavu a hashi kumakahinduka, amwe ku mwono wa mutolo, amwe ku sonyi ni sau lia mutolo.

Mateu 1:1

Mukanda wa munyachi wa Yesu Kristu, Mwana David, mwana Apalahama.

Luka 1:32

Iye kumakapwa munene, makamuvuluka ngwo, Mwe Mwana wa Chitunda; Mwene Zambi kumakamwaha ngunja ya tato David;

Luka 24:27

Iye nikuputuka ku mikanda ya Mose ni ya aprofeta eswe, walumbunwine kuli ayo mu yisoneko yeswe yuma ya kutwala kuli iye mwene.

Yilinga 13:36

Mumu David, muze te halingila chisemuko chenyi mwene ku upale wa Zambi, wayile tulo, amufunjile hamwe ni akako, wamwene kupola:

Yilinga 2:30

Kashika, se iye wapwile profeta, kananyingika ngwe Zambi walishingile kulu kuli iye ni shingo ngwo, Wa kuli ana jenya makatwamisa umwe ha ngunja yenyi;

1 Korintu 15:51

Talenu, ngunanwambulwila chijimbikilo; yetu eswe kutuchi kaya tulo, alioze makatwalumuna eswe.

Shimbi 31:16

Yehova yamba kuli Mose ngwenyi, Kutala! Yena kumuoya tulo ukalifutule ni tulamba twenu. Atu ano makakatuka, makalinga ukoi nikukaula tuzambi twa tundaka a chifuchi, kuze anayi kutwama. Makangwehuka, makatangula usendo wami nakolesele no.

1 Tesalonika 4:14

Mumu nyi hinafuliela ngwetu, Yesu yafwa, yahinduka, chocho waze nawa hanayi tulo, Zambi, kuli Yesu, kumakaaneha hamwe nenyi.