2 Samuel 7:1 - MUKANDA USANDU WA ZAMBI 1975

¹ Muze mwanangana hatwama mu zuwo lienyi, ni Yehova hanamuhwimisa kuli akwa kole jenyi eswe a kumujingilika,

Mukanda Wa Zambi 1970

¹ Mwanangana David yatwama mu zuwo lienyi lia wanangana. Mwene Zambi yamufunga kanawa kuli akwa kole jenyi.

2 Samuel 7:1 Iomraidhean Croise

2 Samuel 5:11

Hirame mwanangana wa Teru yatuma tunganda kuli David, ni mitondo ya sedru, ni akarpinteru, ni apedreru. O yatungila David zuwo.

2 Samuel 6:23

Mba Mikale mwana Saulu kasemene mwana ndo tangwa lia kufwa chenyi.

2 Samuel 7:11

chize ku miaka yize naselele akwa kuyula helu lia atu jami A-Izalele. Mungukuhwimisa kuli akwa kole je eswe. Chikwo nawa Yehova kanambe kuli yena ngwenyi, Yami Yehova mungukakupwisa munyachi.

1 Yitanga Ya Mianangana 5:4

Alioze haliapwila Yehova Zambi yami hangwaha kuhwima kweswe kwa kungujingilika. Kukushi mukwa kulimika, chipwe chuma chipi kuchishiko.

1 Sango Ja Mianangana 22:6

Yasanyika mwanenyi Solomone, yamushika afunge zuwo hali Yehova, mwe Zambi ya Izalele.

1 Sango Ja Mianangana 22:7

David yamba kuli mwanenyi Solomone ngwenyi, Ha kutwala kuli yami, chapwile mu mbunge yami kutunga zuwo ha jina lia Yehova Zambi yami.

1 Sango Ja Mianangana 28:2

Mba mwanangana David yamana ha molu jenyi ngwenyi, Ngwivwenu akwetu ni atu jami. Nyi yami mwene, chapwile mu mbunge yami kutunga zuwo lia uhwimino ha mushete wa usendo wa Yehova ni ha chitwamo cha yiliato ya Zambi yetu, kashika nalulikile yuma ya kutunga nayo.

2 Sango Ja Mianangana 14:6

Yatunga yihunda ya kukolesa mu Yunda, mumu chifuchi chahwimine. Kapwile ni jita ha miaka yize se Yehova hamwaha uhwimino.

2 Sango Ja Mianangana 20:30

Chocho chifuchi cheswe cha Yehosofate chahwimine, mumu Zambi yenyi yamwaha kuhwima kweswe kwa kujingilika.

Miaso (Masamu) 132:5

ndo hinawana muma mwa Yehova; tabernakulu ja Mukwa-Ndundo wa Yakomba.

Miaso (Masamu) 18:1

Nakuzanga Yehova, yena tachi jami.

Yishima 16:7

Muze ndako ja mutu jakuwahila Yehova, kakupwisa ni sambukila chipwe akwa kole jenyi.

Mateu 25:16

Haze hene yoze watambwile mbongo jitano wayile nikusepa najo, mba wafumbwile mbongo jikwo jitano.

Yilinga 7:46

Iye wawanyine vumbi kumeso ja Zambi, wechile akawane mbalaka hali Zambi ya Yakomba.

Yoshua 21:44

Yehova waahele kuhwima kweswe kwa kujingilika chizechene ngwe walishingile kuli tulamba two. Niumwe hakachi ka akwa kole jo hahasa kulimika no, mumu Yehova hakunjika akwa kole jo eswe ku moko jo.

Yoshua 23:1

Kulutwe lia miaka yinji muze Yehova hahwimisa A-Izalele kuli akwa kole jo eswe a kujingilika, mba Yoshua hapwa mukulwana, miaka yenyi hiyoka,