2 Samuel 6:21 - MUKANDA USANDU WA ZAMBI 1975

²¹ David yamba kuli Mikale ngwenyi, Chapwanga kumeso ja Yehova, yoze wangutongwele helu lia tatenu ni helu lia munyachi wenyi weswe akangupwise mwanangana wa Izalele, e atu ja Yehova. Mba munguwahilila kumeso ja Yehova.

Mukanda Wa Zambi 1970

²¹ Neye yamukumbulula ngwenyi: “Nahangananga ni kuchichimieka Mwene Zambi, yoze wangutongwele ni kusalakana tatenu ni akwa jiko lienyi ni kungupwisa mwanangana wa atu jenyi Aisraele. Mungunyongonona ni kuhangana nguchichimieke Mwene Zambi,

2 Samuel 6:21 Iomraidhean Croise

2 Samuel 5:2

Kunyima muze Saulu wapwile mwanangana wetu hindu yenu nwasongwelele A-Izalele ha kutuhuka ni ha kunjila, mba Yehova wanwambile ngwenyi, Yena muopwa kafunga ka atu jami A-Izalele. Yena muopwa mwanangana wa Izalele.

2 Samuel 6:14

David wahanganyine kumeso ja Yehova ni mbunge yenyi yeswe. David te kanazala efode ya hina lipema litoma.

2 Samuel 6:16

Ha kuheta mushete wa Yehova kwimbo lia David Mikale mwana Saulu yatalila ku njanela, yamona mwanangana David kanatumbwoka ni kuhangana kumeso ja Yehova, kashika yamulelesa mu mbunge yenyi.

2 Samuel 6:22

Mungulilelesa nawa kuhiana chino; mungupwa wamokomoko kumeso jami, alioze kumeso ja ana-mapwo hiwaavuluka mungupwa mulemu.

2 Samuel 6:5

David ni akwa vungu lia Izalele eswe awahililile kumeso ja Yehova ni yisaji ya mutondo wa kupresu; tulialia, ni yisaji ya kusa, ni tumikupiela, ni njalamina, ni sembalu.

2 Samuel 7:8

Kashika amba kuli kavumbi kami David ngwe, Yehova-wa-Tujita kanambe ngwenyi, Nakuchijile mu yambu kuze wakawile mapanga ukapwe mwanangana wa atu jami A-Izalele.

1 Sango Ja Mianangana 15:29

Ha kuheta mushete wa usendo wa Yehova kwimbo lia David, Mikale mwana Saulu yatalila ku njanela, yamona mwanangana David nikuhangana ni kulikwiza; kashika yamulelesa mu mbunge yenyi.

Yilinga 13:22

Muze te hamuchiza, wasolwele David kuli ayo kupwa mwanangana wo; kuli iye nawa washindakenyene, ngwenyi, Hingunawane David mwana Yese, lunga wa kulita ni mbunge yami, iye kumakalinga upale wami weswe.

1 Korintu 10:31

Chipwe kashika munulia, hanji mununwa, hanji cheswacho munulinga, lingenu yuma yeswe ha uhenya wa Zambi.

1 Samuel 13:14

Alioze haliapwila wanangana we kuuchi kulinduluka. Yehova halifupila mutu umwe malita ni mbunge yenyi. Yehova hamutongola akayule atu jenyi, mumu yena kwalingile chize Yehova wakwambile.

1 Samuel 15:28

Samuel yamba ngwenyi, Yehova hasonya wanangana wa Izalele kuli yena musono, hauhana kuli umwe mukwenu mupema kuhiana yena.

1 Samuel 16:1

Yehova yamba kuli Samuel ngwenyi, Ndo mwiji muka mukalishimwoka hali Saulu, se hinalitunaye, kechi kupwa mwanangana wa Izalele? Zalisa mbinga ye ni maji, yako, mungukutuma kuli Yese wa ku Mbeteleme, mumu hinalisela mwanangana hakachi ka anenyi a malunga.

1 Samuel 16:12

Yatuma yamusaka. Iye te muchila chikolo, meso jenyi apema, kanawaha chikolo kumutala. Yehova yamba ngwenyi, Mwenawo, katuka umuwayise.