2 Samuel 6:20 - MUKANDA USANDU WA ZAMBI 1975

²⁰ David yeza kuwahisa zuwo lienyi, alioze Mikale mwana Saulu yatuhuka kupatwiza David ngwenyi, Mba mwanangana wa Izalele walilemesanga kanawa musono nikulifukula kumeso ja ana-mapwo ja ngamba jenyi ngwe umwe mutu wamokomoko malifukula ni sonyi jakuhi.

Mukanda Wa Zambi 1970

²⁰ Muze David heza ni kuwahisa abi jiko lienyi, Mikale yamubatwiza, yamwamba ngwenyi: “Musono mwanangana wa Aisraele hafumanyisa jina lienyi. Halipwisa iye mwene ngwe chihepuke ha mwalwakachi ni kulifukula ku meso ja ana mapwo, tuvumbi twa akwa kuyula jenyi!”

2 Samuel 6:20 Iomraidhean Croise

Ubutukilo 18:19

Mumu hingunamunyingika hanga akayule ana jenyi ni munyachi wenyi kulutwe, akafunge jila ya Yehova akalinge ni ululi ni upatwilo, hanga Yehova akalinge kuli Apalahama yuma yize hamushindakenya.

2 Samuel 6:14

David wahanganyine kumeso ja Yehova ni mbunge yenyi yeswe. David te kanazala efode ya hina lipema litoma.

2 Samuel 6:16

Ha kuheta mushete wa Yehova kwimbo lia David Mikale mwana Saulu yatalila ku njanela, yamona mwanangana David kanatumbwoka ni kuhangana kumeso ja Yehova, kashika yamulelesa mu mbunge yenyi.

2 Samuel 6:18

Muze te David hamana kulambula milambu ya kulumba ni milambu ya sambukila yawahisa atu mu jina lia Yehova-wa-Tujita.

2 Samuel 6:19

Yapangila hakachi ka atu eswe, ye mbunga yeswe ya A-Izalele, ni malunga ni mapwo, kuli mweswe mbolo yimuwika, ni chihanda cha yifwo, ni chandanda cha uva jomu. Mba atu eswe yaya, mutu ku zuwo lienyi, mutu ku zuwo lienyi.

1 Sango Ja Mianangana 16:43

Atu eswe yaya mutu mweswe ku zuwo lienyi, ni David yaya akawahise akwa zuwo lienyi.

Jobe 30:8

Hanaawapula nikwahuma mu chifuchi, keshi mana, keshi lufuma.

Miaso (Masamu) 101:2

Kumungulinga ni mana mu jila yingunu. Mwiji muka muwiza kuli yami? Kumungwenda mu zuwo liami ni mbunge yingunu.

Miaso (Masamu) 30:1

Mungukwalakana, yena Yehova, mumu hiwanguzundula; kwatayijile akwa kole jami kunguseha.

Longeshi 7:17

Kanda upwa chingulungulu naye; kanda upwa chihepuke. Kuchi te muofwa shimbu mwaka we kanda wiza?

Marku 14:66

Shimbu Petulu apwile mushi mu yize, umwe wa kuli ana-mapwo akwa milimo ya sasendote mukwa lutwe yeza;

Marku 3:21

Muze usoko wenyi achivwile, atuhukile mukumukwata: mumu ambile ngwo, Kanazaluka.

Yoano 13:6

Yaheta kashika kuli Semone Petulu. Yamba kuli iye ngwenyi, Mwene, musanyisa yiliato yami, nyi?

Yoshua 24:15

Nyi kunushi ni mbunge ya kulingila Yehova, hitongolenu musono waze munwalingila, shina mazambi aze tulamba twenu alingilile mu chifuchi cha mu sali lia Lwiji, nyi shina mazambi a A-Amore akwa chifuchi chino nwatwama. Alioze lia kutwala kuli yami ni akwa zuwo liami etu mutulingila Yehova.

Akwa Kuyula 9:4

Yamwaha makumi shimbiali a mbongo ja prata ja mu zuwo lia Mbale-Mberete mba iye yafweta najo amwe malunga amokomoko a kumukaula.

1 Samuel 14:49

Ana ja Saulu a malunga wano, mukwo Jonatas, mukwo Ishivi, mukwo Malakishua. Majina ja anenyi a mapwo wano, lia mukulwana Merabe, lia kanuke Mikale.

1 Samuel 18:20

Alioze Mikale mwana wa Saulu wazangile David. Yambulwila Saulu mba chamuwahila.