2 Samuel 6:12 - MUKANDA USANDU WA ZAMBI 1975

¹² Yambulwila mwanangana David ngwo, Yehova hanawahisa zuwo lia Obede-Endome ni yuma yenyi yeswe mumu ha mushete wa Zambi. Kashika David yaya yachiza mushete wa Zambi mu zuwo lia Obede-Endome yauneha kwimbo lia David ni kulikwiza chinji.

Mukanda Wa Zambi 1970

¹² Mwanangana David yevwa ngwo, Mwene Zambi hawahisa Obede Edome ni akwa jiko lienyi ni yimuna yenyi yeswe mumu ha mushete wa Usendo, mba yaya ni kuuchiza ku zuwo lia Obede Edome ni kuuneha mu limbo lia David ni uwahililo.

2 Samuel 6:12 Iomraidhean Croise

2 Samuel 5:7

Hindu David yatambula chihunda cha kukolesa cha Zaione, che chihunda cha David.

1 Yitanga Ya Mianangana 8:1

Mba Solomone yakungulula makulwana eswe a Izalele, ni akwa lutwe a minyachi, ni alemu a mazuwo ja atato A-Izalele kuli mwanangana Solomone mu Yerusaleme akasake mushete wa usendo wa Yehova ku limbo lia David ngwami, Zaione.

1 Yitanga Ya Mianangana 8:3

Makulwana a Izalele yeza eswe, mba asasendote yazundula mushete.

1 Yitanga Ya Mianangana 8:4

Yaneha mushete wa Yehova, ni mbalaka ya chikungulwila, ni yikwata yeswe yisandu ya mu mbalaka, ayo yeswe asasendote ni A-Levi yayineha.

1 Sango Ja Mianangana 15:15

A-Levi ambachile mushete wa Zambi ni mikambo ha yipaya yo chizechene ngwe Mose watumine nikulita ni liji lia Yehova.

1 Sango Ja Mianangana 15:25

Kashika David ni makulwana a Izalele ni tupitau twa tununu ayile ni uwahililo kuchiza mushete wa usendo wa Yehova ku zuwo lia Obede-Endome.

1 Sango Ja Mianangana 16:16

Usendo uze akolesele ni Apalahama, ni liji lienyi lia kulishinga kuli Izake.

1 Sango Ja Mianangana 26:4

Obede-Endome yasema ana a malunga, mutangu Shemaia, wamuchiali Yehozabade, wamuchitatu Joa, wamuchiwana Sakare, wamuchitano Netanele,

1 Sango Ja Mianangana 26:5

wamuchisambano Amiele, wamuchishimbiali Isaka, wamuchinake Puletai, mumu Zambi Wamuwahishile.

2 Sango Ja Mianangana 5:2

Mba Solomone yakungulula makulwana a Izalele, ni akwa lutwe eswe a minyachi, ni alemu a mazuwo ja atato a A-Izalele ku Yerusaleme, akasake mushete wa usendo wa Yehova ku limbo lia David, ngwami, Zaione.

Mateu 10:42

Mweswawo manwisa umwe wa kuli wano akepe musenge wa meya a kekema wika, mumu iye kambaji, pundu ngunambe kuli yenu ngwami, Yoze kechi katokesa kwononona chenyi nichimwe.