2 Samuel 5:9 - MUKANDA USANDU WA ZAMBI 1975

⁹ David watwamine mu chihunda chize cha kukolesa. Yachiluka ngwenyi, Limbo lia David. David yatungisa limbo chize ku Milo kweswe kwa kujingilika, ni muchima.

Mukanda Wa Zambi 1970

⁹ Muze haakumba lie limbo liakukoleka, David yatwama mo, ni yaliluka jina ngwenyi: “Limbo lia David.” Mba yalitohwesa sali ni sali kubutuka haze alumbikile mavu ku sali lia mulundu ku chivumbuko.

2 Samuel 5:9 Iomraidhean Croise

2 Samuel 5:7

Hindu David yatambula chihunda cha kukolesa cha Zaione, che chihunda cha David.

2 Samuel 5:8

Ha tangwa lize David yamba ngwenyi, Mweswe malamba A-Yepushe akakandukile ku kapila wa meya akalambe yitonji ni afwameso waze David kaazangile ni mbunge yenyi. Kashika kakwamba ngwo, Afwameso ni yitonji kechi kunjila mu zuwo.

2 Samuel 6:10

Chocho David kazangile kuneha mushete wa Yehova kwimbo lia David. Alioze David yautwala ku lumbu ku zuwo lia Obede-Endome Ka-Ngata.

1 Yitanga Ya Mianangana 11:27

Chikuma cha kukatukila mwanangana, chino: Solomone watungile Milo nikululika kupuzuka cha limbo lia tato David.

1 Yitanga Ya Mianangana 2:10

David yaya tulo, yaya kuli tulamba twenyi. Yamufunda mu limbo lia David.

1 Yitanga Ya Mianangana 9:15

Mwanangana Solomone waselele ungamba mumu ha kutunga zuwo lia Yehova, ni zuwo lienyi mwene, ni Milo, ni chipanga-cha-mawe cha Yerusaleme, ni Hazore, ni Megidu, ni Ngezere.

1 Yitanga Ya Mianangana 9:24

Mba mwana wa Falau pwo lia Solomone yakatuka ku limbo lia David, yeza ku zuwo lienyi lize Solomone hanautungila. Henaho yatunga Milo.

1 MIANANGANA 12:20

Alioze tuvumbi twenyi yamukatukila, yamutwama punga, yalamba Njoashe ku zuwo lia Milo mu jila ya kupalumukina ku Sila.

1 MIANANGANA 12:21

Mumu Yozakari mwana Shimeate, ni Yehozabade mwana Shomere, tuvumbi twenyi te, yamulamba, yamushiha. Yamufunda ni tulamba twenyi mu chihunda cha David, mba mwanenyi Amazia yamuswana mu wanangana.

1 Sango Ja Mianangana 11:8

Yatungisa limbo kweswe kwa kujingilika chize ku Milo kweswe kwa kujingilika. Joabe yatunga chize chasalile cha chihunda.

2 Sango Ja Mianangana 32:5

Mba yahamuka, yatunga nawa chipanga-cha-mawe chize chinapuzuka. Yachisuhisa nawa ndo ku tuposhi, ni chipanga-cha-mawe chikwo cha haze. Yakolesa Milo mu chihunda cha David ni kufula yitwa ni kepwe ya kulumbama.

Nehemia 3:15

Chikolo cha fuji lia meya yachilulika kuli Shalume mwana Kole-hoze, mukwa kuyula chifuchi cha Mizepa. Yachitunga ni kuchifuka ni kumika mapito jako, ni yikungo yako, ni njalo jako, ni chipanga-cha-mawe cha ku Chitende cha Shiloa hakamwihi ni munda wa mwanangana ndo ku ukandukilo uze wa kupalumukina ku chihunda cha David.

Miaso (Masamu) 122:3

Yerusaleme watungiwa ngwe limbo lia kununga hamuwika.

Izaya 29:1

Ariele! Ariele! Lamba lie! Chihunda kuze David Watwamine. Weza mwaka ha mwaka; yiwanyino yikapwe ha miaka yayo.

Akwa Kuyula 9:20

Alioze nyi kuchapwile chocho kahia kakatuhuke muli Apimeleke kakalalise A-Shekeme ni A-Mbete-Milo, ni kahia kakatuhuke kuli A-Shekeme ni A-Mbete-Milo nikulalisa Apimeleke.

Akwa Kuyula 9:6

Mba akwa Shekeme eswe akungulukile hamwe ni A-Mbete-Milo, yaya, yapwisa Apimeleke mwanangana kwe ku mutondo wa carvalho ku luliwe lwa Shekeme.