2 Samuel 5:7 - MUKANDA USANDU WA ZAMBI 1975

⁷ Hindu David yatambula chihunda cha kukolesa cha Zaione, che chihunda cha David.

Mukanda Wa Zambi 1970

⁷ (Alioze mwanangana David yakumba limbo lio lia kukoleka Zione Haliabwila kaakulivuluka ngwo: “Limbo lia David.”)

2 Samuel 5:7 Iomraidhean Croise

2 Samuel 5:8

Ha tangwa lize David yamba ngwenyi, Mweswe malamba A-Yepushe akakandukile ku kapila wa meya akalambe yitonji ni afwameso waze David kaazangile ni mbunge yenyi. Kashika kakwamba ngwo, Afwameso ni yitonji kechi kunjila mu zuwo.

2 Samuel 5:9

David watwamine mu chihunda chize cha kukolesa. Yachiluka ngwenyi, Limbo lia David. David yatungisa limbo chize ku Milo kweswe kwa kujingilika, ni muchima.

2 Samuel 6:10

Chocho David kazangile kuneha mushete wa Yehova kwimbo lia David. Alioze David yautwala ku lumbu ku zuwo lia Obede-Endome Ka-Ngata.

2 Samuel 6:12

Yambulwila mwanangana David ngwo, Yehova hanawahisa zuwo lia Obede-Endome ni yuma yenyi yeswe mumu ha mushete wa Zambi. Kashika David yaya yachiza mushete wa Zambi mu zuwo lia Obede-Endome yauneha kwimbo lia David ni kulikwiza chinji.

2 Samuel 6:16

Ha kuheta mushete wa Yehova kwimbo lia David Mikale mwana Saulu yatalila ku njanela, yamona mwanangana David kanatumbwoka ni kuhangana kumeso ja Yehova, kashika yamulelesa mu mbunge yenyi.

1 Yitanga Ya Mianangana 2:10

David yaya tulo, yaya kuli tulamba twenyi. Yamufunda mu limbo lia David.

1 Yitanga Ya Mianangana 3:1

Solomone yalikata ni Falau mwanangana wa Engitu. Yatambula mwana wa pwo wa Falau, yamuneha mu limbo lia David ndo hamana kutunga zuwo lienyi mwene ni zuwo lia Yehova ni chipanga cha Yerusaleme cha kujingilika.

1 Yitanga Ya Mianangana 8:1

Mba Solomone yakungulula makulwana eswe a Izalele, ni akwa lutwe a minyachi, ni alemu a mazuwo ja atato A-Izalele kuli mwanangana Solomone mu Yerusaleme akasake mushete wa usendo wa Yehova ku limbo lia David ngwami, Zaione.

1 Yitanga Ya Mianangana 9:24

Mba mwana wa Falau pwo lia Solomone yakatuka ku limbo lia David, yeza ku zuwo lienyi lize Solomone hanautungila. Henaho yatunga Milo.

1 Sango Ja Mianangana 11:7

David Watwamine mu chihunda chize cha kukolesa; kashika yachiluka ngwo, Limbo ha David.

2 Sango Ja Mianangana 24:16

Yamufunda mu chihunda cha David hakachi ka mianangana, mumu te halinga chipema mu Izalele kuli Zambi ni ku zuwo lienyi.

2 Sango Ja Mianangana 5:2

Mba Solomone yakungulula makulwana a Izalele, ni akwa lutwe eswe a minyachi, ni alemu a mazuwo ja atato a A-Izalele ku Yerusaleme, akasake mushete wa usendo wa Yehova ku limbo lia David, ngwami, Zaione.

Nehemia 3:15

Chikolo cha fuji lia meya yachilulika kuli Shalume mwana Kole-hoze, mukwa kuyula chifuchi cha Mizepa. Yachitunga ni kuchifuka ni kumika mapito jako, ni yikungo yako, ni njalo jako, ni chipanga-cha-mawe cha ku Chitende cha Shiloa hakamwihi ni munda wa mwanangana ndo ku ukandukilo uze wa kupalumukina ku chihunda cha David.

Miaso (Masamu) 132:13

Mumu Yehova hanatongola Zaione. Hanayizange yikapwe mahienyi, ngwenyi,

Miaso (Masamu) 2:6

Hindu yami hingunawayisa ni maji mwanangana wami ha Zaione, we mulundu wami lisandu.

Miaso (Masamu) 48:12

Endenu kweswe mu Zaione, nukajingemo, alulenu tuposhi twamo.

Miaso (Masamu) 48:3

Zambi hanalisolola mu mazuwo ja mwanangana ngwe iye uchinyino unene.

Miaso (Masamu) 51:18

Linga kanawa kuli Zaione nikulita ni upale we upema. Tunga yipanga ya Yerusaleme.

Miaso (Masamu) 87:2

Yehova kakuzanga yajilo ya Zaione kuhiana mazuwo eswe a Yakomba.

Miaso (Masamu) 9:11

Imbenu miaso ya kuhalisa Yehova yoze watwama mu Zaione. Ambululenu yilinga yenyi hakachi ka atu.

Izaya 12:6

Likwizenu, imbenu ni uwahililo, enu nwatwama mu Zaione, mumu mwe Musandu wa Izalele kalema hakachi kenu.

Izaya 59:20

Mukwa-Kukula meza ku Zaione, kuli A-Yakomba waze makatuka ku Utanguko. Chocho kanambe Yehova.

Jeremia 21:13

Yehova kanambe ngwenyi, Kunalimika ni yenu nwatwama mu chikulo; enu liwe lia ha chana. Enu nwakwamba ngwenu, Iya mapalumuka kulimika ni yetu? Iya manjila mu mazuwo jetu?

Mika 4:2

Mavungu anji meza nikwamba ngwo, Tatuyenu, tukandukenu ku mulundu wa Yehova, ku zuwo lia Zambi ya Yakomba; atulongese ndako jenyi, tukendele mu majila jenyi; mumu mu Zaione mukukatuhukila shimbi; liji lia Yehova mulikatuhulcila ku Yerusaleme.

A-ROMA 9:33

Ngwe chinasonewa ngwo, Talenu mungusa mu Zaione liwe lia kuhukanyisa, ni luliwe lwa kutalingisa; ni yoze mafuliela kuli iye kechi kevwa sonyi.

Hebreu 12:22

Alioze yenu hinuneza ku mulundu wa Zaione, ni ku limbo lia Zambi ya mwono, Yerusaleme ya mwilu; ni ku yizavu yinji ya angelo;

Usolwelo 14:1

Mba namwene mwe Mwana-panga, kanamana ha mulundu wa Zaione, ni hamwe nenyi kulakaji lia tununu ni makumi awana a tununu ni tununu awana, kali ni jina lienyi, ni jina lia Tato, linasonewa ha mahuma jo.