2 Samuel 5:23 - MUKANDA USANDU WA ZAMBI 1975

²³ Muze David hahula Yehova, iye yamba ngwenyi, Kanda ukanduka. Jingila kunyima yo ukaawane hatalanganyi ni mitondo ya amora.

Mukanda Wa Zambi 1970

²³ Mwanangana yahula nawa Mwene Zambi, neye yamukumbulula ngwenyi: “Kanda washila jita sali lino, alioze ajingile kunyima ku mitondo balsame.

2 Samuel 5:23 Iomraidhean Croise

2 Samuel 2:1

Kulutwe lia yino yuma David yahula Yehova ngwenyi, Ngukanduke ku chimwe chihunda cha Yunda nyi? Yehova yamukumbulula ngwenyi, Kanduka. David yamba ngwenyi, Ku chihunda chika munguya? Iye ngwenyi, Ku Heprone.

2 Samuel 5:19

David yahula Yehova ngwenyi, Ngukanduke ngukase jita ni A-Filistea nyi? Muakunjika kuli yami, nyi? Yehova yamba kuli David ngwenyi, Kanduka, mumu pundu mungukunjika A-Filistea kuli yena.

1 Sango Ja Mianangana 14:14

David yahula Zambi cheka nawa, Zambi yamba ngwenyi, Kanda ukanduka kuli ayo. Tewuluka kuli ayo ukaawane hatalanganyi ni mitondo ya amora.

Yoshua 8:2

Munukalinga ku Ayi ni mwanangana wacho chizechene ngwe nuna-kalinga ku Yeriku ni mwanangana wacho, alioze upite wamo ni yimuna jamo munutambula yikapwe upite wenu. Sako akwa kujikinyina kwe kunyima lia chihunda.

Yoshua 8:7

Henaho yenu munukatuka kuze nunajikinyina, nukatambule che chihunda, mumu Yehova Zambi yenu makanwahacho mu kwoko lienu.

1 Samuel 22:15

Te musono nalianga kuhula kuli Zambi hali iye nyi? Hi chocho ko! Mwanangana, kanda nungwaha mutonga yami kavumbi kenu hanji kuli wano eswe akwa zuwo lia tata. Yami kavumbi kenu te Chanyingikine nichimwe cha yuma yino yeswe, chipwe chinene chipwe chikepe.

1 Samuel 23:2

Kashika David yahula Yehova ngwenyi, Nguye ngukase jita ni A-Filistea, nyi? Yehova yamba kuli David ngwenyi, Yako ukase jita ni A-Filistea ukalamwine A-Kela.