2 Samuel 5:21 - MUKANDA USANDU WA ZAMBI 1975

²¹ A-Filistea yahichikako mahamba jo, mba David ni malunga jenyi yaambata.

Mukanda Wa Zambi 1970

²¹ Muze Afilistia haachina, yaahichika mahamba jo. Mba David ni tujita twenyi yaambata.

2 Samuel 5:21 Iomraidhean Croise

Izaya 37:19

Hambila mazambi jo mu kahia, mumu o hi mazambi ko. O apwile a kutunga ni moko ja atu, a mitondo ni mawe, kashika haonwona.

Jeremia 43:12

Kumakawika kahia mu matembele ja mazambi ja Engitu; kumakaocha ni kwatwala ku ufunge. Kumakapemesa chifuchi cha Engitu ngwe kafunga ka yimuna kakupemesa yina ku mazalo jenyi; mba kumakakatukako ni sambukila.

Jeremia 48:7

Mumu ha kufuliela yitanga yenu ni upite wenu kashika ni yenu nawa manukwata, ni Chemoshe maya ku unjize hamwe hi asasendote jenyi ni alemu jenyi.

Daniel 11:8

Makambata mazambi jo, ni tuponya two a kuzuzulula, ni yuma yo yipema ya prata ni oru; makayitwala ku Engitu. Mba ha miaka yimwe mecha mwanangana wa ku Norte.

Shimbi 7:25

Nukoche ni kahia tuponya two twa kusonga, kanda nwivwa chipululu cha prata ni oru jiliho, kanda nulichijilajo kuchina manutelamo kambwila, mumu hijapwa chizelwokeso kuli Yehova Zambi yenu.

Shimbi 7:5

Alioze chocho munulinga no. Nukaapuzule yilumbilo yo, nukapuzwole yipinji manguji jo, nukapakule Ashera jo, nukoche ni kahia tuponya two twa kusonga.