2 Samuel 5:19 - MUKANDA USANDU WA ZAMBI 1975

¹⁹ David yahula Yehova ngwenyi, Ngukanduke ngukase jita ni A-Filistea nyi? Muakunjika kuli yami, nyi? Yehova yamba kuli David ngwenyi, Kanduka, mumu pundu mungukunjika A-Filistea kuli yena.

Mukanda Wa Zambi 1970

¹⁹ David yahula Mwene Zambi ngwenyi: “Ngwase jita ni Afilistia, nyi? Muungukwasa ni kwakumba, nyi?” Mwene Zambi ngwenyi: “Ewa, asa koko! Mungukukwasa kwakumba!” ha.

2 Samuel 5:19 Iomraidhean Croise

2 Samuel 2:1

Kulutwe lia yino yuma David yahula Yehova ngwenyi, Ngukanduke ku chimwe chihunda cha Yunda nyi? Yehova yamukumbulula ngwenyi, Kanduka. David yamba ngwenyi, Ku chihunda chika munguya? Iye ngwenyi, Ku Heprone.

2 Samuel 5:23

Muze David hahula Yehova, iye yamba ngwenyi, Kanda ukanduka. Jingila kunyima yo ukaawane hatalanganyi ni mitondo ya amora.

1 Yitanga Ya Mianangana 22:6

Chocho mwanangana wa Izalele yakungulula aprofeta hamuwika, ngwe kulakaji awana a malunga, yamba kuli ayo ngwenyi, Nguye mukwasa jita ni Ramote-Ngiliate nyi ka? O ngwo, Yénu, mumu Mwene machikunjika mu kwoko lia mwanangana.

Yishima 3:6

Ukamutayize mu yilinga ye yeswe mba iye makalulamisa majila je.

Tiangu (Jake) 4:15

Shinaho Chanutamba kwamba ngwenu, Kachi Mwene mapala, nyi kachi mutupwa ni mwono, kachi mutukalinga Chikachi ni Chinganji.

Akwa Kuyula 20:28

ni Finehase mwana wa Eleazare, mwana wa Arone wavumbikile kumeso jawo ha matangwa aze). Yahula Yehova ngwo, Tuye cheka nawa mukwasa jita ni akwetu A-Mbenjamine, nyi tulitwamine? Yehova yamba ngwenyi, Yénu, mumu hamene mungwakunjika mu moko jenu.

1 Samuel 22:15

Te musono nalianga kuhula kuli Zambi hali iye nyi? Hi chocho ko! Mwanangana, kanda nungwaha mutonga yami kavumbi kenu hanji kuli wano eswe akwa zuwo lia tata. Yami kavumbi kenu te Chanyingikine nichimwe cha yuma yino yeswe, chipwe chinene chipwe chikepe.

1 Samuel 23:2

Kashika David yahula Yehova ngwenyi, Nguye ngukase jita ni A-Filistea, nyi? Yehova yamba kuli David ngwenyi, Yako ukase jita ni A-Filistea ukalamwine A-Kela.

1 Samuel 23:4

David yahula Yehova cheka nawa mba Yehova yamukumbulula ngwenyi, Katuka, palumuka ku Kela mumu mungukunjika A-Filistea kuli yena.

1 Samuel 28:6

Alioze muze Saulu yahula kuli Yehova, Yehova kamukumbulwile chipwe ku yilota chipwe ku Urimi chipwe kuli aprofeta.