2 Samuel 4:5 - MUKANDA USANDU WA ZAMBI 1975

⁵ Acho Rekabe ni Bana, ana ja Rimone Ka-Mberote, yakatuka, yaya. Mba ha chivukuminya cha tangwa yeza ku zuwo lia Isheboshete shimbu machihwima, tangwa ha muchima.

Mukanda Wa Zambi 1970

⁵ Rekabe ni Bana yaakatukila, yaaya ku zuwo lia Ishboshete, yaaheta ko tangwa ha muchima, muze te anabombo ni kuhwima mu zuwo lienyi.

2 Samuel 4:5 Iomraidhean Croise

2 Samuel 11:2

Ha ngoloshi David yakatuka ha muhela wenyi, yaya nikwolola molu ha fulumba lia zuwo lia mwanangana. Ku fulumba yamona pwo umwe kanasane. Mwe pwo te mupema chikolo ku meso.

2 Samuel 2:8

Abenere, mwana wa Nere, kapitau ka tujita twa Saulu te handa Isheboshete mwana wa Saulu; yamutwala ku Mahaneme;

2 Samuel 4:2

Mwe mwana Saulu wapwile ni malunga aali, tupitau twa yizavu ya tujita. Jina lia mukwo Bana. Jina lia mukwo Rekabe. O te ana ja Rimone Ka-Mbenjamine wa ku Mberote (mumu kakwalula Mberote kuli A-Mbenjamine.

1 Yitanga Ya Mianangana 16:9

Mba kavumbi kenyi Zimiri kapitau ka chihanda cha ha muchima cha matemba jenyi a jita yamutwama punga. Wapwile mu Tiriza nikunwa ni kuzengewa mu zuwo lia Araza mukwa kuyula zuwo lia mwanangana mu Tiriza.

2 Sango Ja Mianangana 24:25

Muze o hamukatuka nikumuhichika ni mbandu jipi atu jenyi mwene yamutwama punga mumu ha manyinga ja ana ja sasendote Jehoiada. Yamushiha ha muhela wenyi, yafwa. Yamufunda mu chihunda cha David, alioze hi mu chifuka cha mianangana ko.

2 Sango Ja Mianangana 25:27

Chize ku mwaka uze Amazia walitwaminyine kukaula Yehova, yamutwama punga mu Yerusaleme. Aye yachinyina ku Lakishi, alioze yatuma kuli iye ku Lakishi, yamushihilako.

2 Sango Ja Mianangana 33:24

Tuvumbi twenyi yamutwama punga, yamushiha mu zuwo lienyi mwene.