2 Samuel 4:12 - MUKANDA USANDU WA ZAMBI 1975

¹² David yatuma akweze jenyi, yaashiha, yaateta moko ni molu, nikwasukika ku Chitende cha Heprone. Alioze yanda mutwe wa Isheboshete, yaufunda ku chifuka cha Abenere mu Heprone.

Mukanda Wa Zambi 1970

¹² Neye yambila tujita twenyi. No yaashiha Bana ni Rekabe, yaabatwola moko ni molu, yaayisukika hehi ni chitende cha Hebrone. Alioze yaanda mutwe wa mwanangana Ishboshete, yaaufunda mu fuka lia Abnere ku Hebrone.

2 Samuel 4:12 Iomraidhean Croise

2 Samuel 1:15

David yasanyika umwe hakachi ka akweze ngwenyi, Yako, umulambe. Yamulamba; chocho yafwa.

2 Samuel 16:8

Yehova hanakuhilwisa manyinga eswe a munyachi wa Saulu yoze unasalakana mu wanangana. Yehova hahana wanangana kuli mwané Absalome, ni yena hiwakwachika mu uhuka we, mumu uli lunga wa manyinga.

2 Samuel 2:8

Abenere, mwana wa Nere, kapitau ka tujita twa Saulu te handa Isheboshete mwana wa Saulu; yamutwala ku Mahaneme;

2 Samuel 21:9

Yaakunjika kuli A-Ngibeone, o yaasukika ha mulundu kumeso ja Yehova; yafwa eswe shimbiali hamuwika. Yaashiha ha matangwa a kucha, ha matangwa atangu ha kuputuka kucha sevada.

2 Samuel 3:32

Yafunda Abenere ku Heprone, mba mwe mwanangana wakololokele nikulila ku fuka lia Abenere, ni atu eswe alilile.

Miaso (Masamu) 55:23

Alioze yena Zambi kumukaalundumwina mu jondo ya kwonwona. Malunga a kumwanga manyinga ni kwonga kechi kuheta hakachi ka matangwa jo. Hindu yami mungukufuliela.

Mateu 7:2

Mumu upatwilo uze munupatula nawo akwenu, kumanupatwila: ni cheseko chize munweseka nacho, kumanwesekela.