2 Samuel 4:1 - MUKANDA USANDU WA ZAMBI 1975

¹ Ha kwivwa ngwo, Abenere hafwa mu Heprone hamu lieswe lia Isheboshete mwana Saulu liamuhwa, ni A-Izalele eswe yalishimwoka.

Mukanda Wa Zambi 1970

¹ Muze mwanangana Ishboshete hevwa ngwo, Abnere haamushiha mu limbo lia Hebrone, yevwa lume ni mu moko kekee, ni Aisraele eswe yaalishimwoka.

2 Samuel 4:1 Iomraidhean Croise

2 Samuel 17:2

Mungumuwana shimbu ali ni yikatalo kanahongo, mungumukolesa woma. Atu aze eswe ali no machina, mba mungulamba mwanangana wika.

2 Samuel 2:8

Abenere, mwana wa Nere, kapitau ka tujita twa Saulu te handa Isheboshete mwana wa Saulu; yamutwala ku Mahaneme;

2 Samuel 3:27

Muze Abenere haheta ku Heprone, Joabe yamutwala ku lumbu mwe mu chikolo akahanjike nenyi ukawo. Kuze kwene yamutuwa mu jimo Chocho yafwa mumu ha manyinga a Asahele mwanakwo wa Joabe.

Ezra 4:4

Mba enya chifuchi ahongesele moko ja A-Yunda nikwahungumiona ha kutunga.

Nehemia 6:9

Mumu te kanafupu kutukolesa woma ngwo, Mutuhongesa moko jo ku milimo mba kechi kuyilinga. Alioze yena Zambi, ungukolese moko jami haliapwila.

Izaya 13:7

Kashika moko eswe makazeya, ni mbunge ya mutu mweswe muyisangunuka,

Izaya 35:3

Takamisenu moko a upekepeke, kolesenu makungunwa aze keshi tachi.

Jeremia 50:43

Mwanangana wa Babilonia wevwile lufuma wo mba moko jenyi ahongele ni upekepeke. Kulifwita chamukwachile; yikola ngwe ya pwo ha kufumbajala.

Jeremia 6:24

Hitwevwa lufuma wacho, mba moko jetu kanazeye ni upekepeke. Kupinda hichatukwata; yikola ngwe ya pwo ha kufumbajala.

Zefania 3:16

Ha tangwa lize makamba ku Yerusaleme ngwo, Ena Zaione, kanda wivwa woma; moko je kanda ahonga.