2 Samuel 3:35 - MUKANDA USANDU WA ZAMBI 1975

³⁵ Atu eswe ejile kushinjila David akalie shimbu kuchili mwalwa. Alioze David yalishinga ngwenyi, Zambi chocho alinge kuli yami nikuwezaho nawa nyi mungulia mbolo hanji chimwe chuma chikwo ndo tangwa hilianjila.

Mukanda Wa Zambi 1970

³⁵ Tangwa heswe atu yeezaza ni kulembejeka mwanangana David hanga alie kama chimwe Chuma, alioze iye yalishinga ngwenyi: “Mwene Zambi angushihe nyi nalia chimwe Chuma shimbu tangwa kanda lichitoka!”

2 Samuel 3:35 Iomraidhean Croise

2 Samuel 1:12

Ndo chingoloshi alishimwokene, nikulila, nikulitwamina kulia, mumu hali Saulu ni mwanenyi Jonatas, ni hali atu a Yehova, ni ha vungu lia Izalele, mumu hanafu ni katana.

2 Samuel 12:17

Makulwana a zuwo lienyi yakundama kuli iye akamuhindwise, alioze katayile. Chipwe kulia, kalile no.

2 Samuel 3:34

Kakukashile moko; kasele molu je mu kúli. Wafwile chizechene ngwe mutu kakufwa kuli yingulungulu. Mba atu eswe amulilile nawa.

2 Samuel 3:36

Atu eswe yachimona; yichiawahila chizechene ngwe yitanga yeswe ya mwanangana yiyiwahila atu eswe.

2 Samuel 3:9

Zambi chocho alinge kuli yami Abenere nikuwezaho nawa, nyi chalingilile David chize Yehova hanalishingi nenyi,

1 Sango Ja Mianangana 10:12

malunga eswe akwa tachi yakatuka; yachiza mujimba wa Saulu ni mijimba ya anenyi a malunga, yayineha ku Njabeshe; yafunda yifwaha yo mushi lia carvalho mu Njabeshe; yalitwamina kulia matangwa shimbiali.

Jeremia 16:7

Niumwe mapalula mbolo ni yoze wafwisa, akamulembejeke mumu hali mufu. Niumwe mamwaha musenge wa kulembejeka akanwe mumu hali tato hanji naye.

Ezekiel 24:17

Twako mikuma, alioze liji ka. Kanda ulila mbimbi hali mufu. Kashila hina lia ku mutwe, zala haku je; kanda ufuka mivumbo, chipwe kulia mbolo ya akwa kulila.

Ezekiel 24:22

Ni yenu munulinga chizechene ngwe yami hinalinga. Kunuchi kafuka mivumbo yenu, chipwe kulia mbolo ya akwa kulila.

Akwa Kuyula 20:23

A-Izalele yakanduka, yalila kumeso ja Yehova ndo ngoloshi. Yahula Yehova ngwo, Tuye cheka nawa ku jita ni akwetu A-Mbenjamine nyi? Yehova yakumbulula ngwenyi, Yénu, nulimike no.

Akwa Kuyula 20:26

Mba A-Izalele eswe, e tujita eswe, yakanduka ku Mbetele mukulila. Yatwamako kumeso ja Yehova, ni kulia ka ndo ngoloshi. Yalambula milambu ya kulumba, ni milambu ya sambukila kumeso ja Yehova.

Rute 1:17

Kweswako mufwila yena, ni yami mungufwila ukangufunde kuze kwene. Yehova akangulambe nyi natayiza chipwe kufwa kutuhandununa yena ni yami.

1 Samuel 3:17

Eli ngwenyi, Chuma chize Yehova hakulweza, chika? Ngunaliumbu, kanda unguswekelacho. Nyi munguswekela chimwe cha yize yeswe Yehova hakulweza—Zambi akakulingecho nikuwezaho nawa.