2 Samuel 3:31 - MUKANDA USANDU WA ZAMBI 1975

³¹ David yamba kuli Joabe ni kuli atu eswe hamwe nenyi ngwenyi, Sonyenu mazalo jenu nukazale yikeleyi, nukalishimwoke kumeso ja Abenere. Mwanangana David wakawile muhango.

Mukanda Wa Zambi 1970

³¹ Mba mwanangana David yambila mwata Joabe ni atu jenyi atanune mahina jo, azale mianji, hanga alile mwata Abnere. Muze te anayi ni kumufunda mwanangana David iye mwene yakaula kunyima lia muhango.

2 Samuel 3:31 Iomraidhean Croise

Ubutukilo 37:29

Rupene yaya nawa ku wina, kuwana José keshimo. Kashika yapula mazalo jenyi.

Ubutukilo 37:34

Yakomba yapula mazalo jenyi, yalijichika chikeleyi, walishimwokene matangwa anji hali mwanenyi.

2 Samuel 1:11

Henaho David yakwata mazalo jenyi, yaasonya, ni malunga eswe amanyine hamwe nenyi yalinga chimuwika.

2 Samuel 1:2

Ha tangwa liamuchitatu umwe lunga yakatuka ku chilombo cha Saulu, kali ni mazalo jenyi a kusonya ni mavu ha mutwe wenyi. Ha kuheta kuli David yafulamana hashi nikumuwayila.

1 Yitanga Ya Mianangana 20:31

Tuvumbi twenyi yamba kuli iye ngwo, Tunevu ngwo, Mianangana a ku munyachi wa Izalele akwa keke. Ngutayize kama kusa chikeleyi ha mijimba yetu ni mihipu ha mitwe tukatuhuke kuli mwanangana wa Izalele, hanji manulamwina mwono wenu.

1 Yitanga Ya Mianangana 21:27

Muze Ahabe wevwile maliji wano yasonya mazalo jenyi, yazala chikeleyi ha mujimba wenyi, yalitwamina kulia, yapomba mu chikeleyi ni kwenda ni vumbi.

1 MIANANGANA 19:1

Ha kuchivwa, mwanangana Hezekia yasonya mazalo jenyi, yalifuka ni chi keleyi, yanjila mu zuwo lia Yehova.

1 MIANANGANA 19:2

Mba yatuma Eliakimi mukwa kuyula zuwo, ni Shepena mukwa kusonyeka, ni makulwana ja asasendote, a kulifuka ni chikeleyi, kuli profeta Izaia mwana Amoze.

Luka 7:14

Iye wakundamine, wasele minwe ku muhango; ni akwa kumbata amanyine, iye wambile ngwenyi, Mukweze, ngwami, Hinduka.

Yoshua 7:6

Mba Yoshua yasonya mazalo jenyi, yafulamana hashi kumeso ja mushete wa Yehova ndo chingoloshi, ni iye ni makulwana a Izalele. Yasa nawa mavu ha mitwe yo.

Usolwelo 11:3

Mba mungukahana tachi kuli yela jami aali, o makaprofeteza kanunu ka matangwa, kulakaji aali a matangwa, ni makumi asambano a matangwa, kanazala yikeleyi.

Akwa Kuyula 11:35

Ha kumumona iye wapulile mazalo jenyi ngwenyi, Lwangu mwanami! Hiwangukoka mu mavu. Mumu ha mukunda wa yena hinapwa ni lamba linene. Mumu hinahanjika ni Yehova mba Chahashile kulishingulula ku chilakenyo chami.