2 Samuel 24:3 - MUKANDA USANDU WA ZAMBI 1975

³ Joabe yamba kuli mwanangana ngwenyi, Cheswacho kwatala cha atu muchipwa Yehova Zambi yenu awezeko kulakaji lia yisuho kwe kumeso ja mwene wami mwanangana, alioze kuchi te chuma chino muchiwahila mwene wami mwanangana?

Mukanda Wa Zambi 1970

³ Alioze mwata Joabe yamukumbulula ngwenyi: “Vulie mwanangana! Mwene Zambi awezele kama hali Aisraele kwoka cha atu yisuho kulakaji, ni yenu mwanangana nuchimone kama ni meso jenu. Alioze kuchi mba, yenu mwanangana, nunazange kulinga Chuma chino?.”

2 Samuel 24:3 Iomraidhean Croise

2 Samuel 10:12

Tuhamukenu; tupwenu tuli malunga mumu hali atu jetu ni ha yihunda ya Zambi yetu. Yehova akalinge chize chamupemena.

2 Samuel 24:4

Chipwe chocho, liji lia mwanangana liakumbile Joabe ni tupitau twa tujita. Kashika Joabe ni tupitau twa tujita akatukile kumeso ja mwanangana akalule e atu.

Miaso (Masamu) 115:14

Yehova akanwokese nawa ni nawa, yenu ni ana jenu.

Yishima 14:28

Wunji wa atu wapwa uhenya wa mwanangana; alioze kuhona atu kuchakwonwona mwanangana.

Izaya 60:5

Munukamona, munukapanguluka. Mbunge jenu mujikawaha ni kulikwiza, mumu matalikisa kulumbama cheswe cha kalunga-lwiji kuli yenu, upite wa mavungu muukeza kuli yenu.

Shimbi 1:11

Yehova, Zambi ya tulamba twenu, akanwokese mutu ni mutu nukapwe tununu, akanuwahise, ngwe iye walakenyene.