2 Samuel 24:17 - MUKANDA USANDU WA ZAMBI 1975

¹⁷ Ha kumona mungelo yoze unalambe atu David yamba kuli Yehova ngwenyi, Hingunavulumuna! Hingunalingi ni kupiya. Alioze wano mapanga yika alingile? Ngunalembe, kwoko lie likalimike ni yami ni munyachi wa tata.

Mukanda Wa Zambi 1970

¹⁷ Mwanangana yamona mwe kanganda yoze te unashihi atu, mba yambila Mwene Zambi ngwenyi: “Chivulumunyi yami. Yami mwe ngunakalinga chibi. Mba wano atu ja mbala chika alinga kama? Chinalite ungumwese yami lamba hamwe ni akwa jiko liami.”

2 Samuel 24:17 Iomraidhean Croise

Ubutukilo 18:23

Apalahama yakundama ngwenyi, Munongesa akwa ululi hamwe ni yingulungulu nyi?

Ubutukilo 44:33

Kashika, ngutayize kama, yami ngamba yenu, ngusalakane mwe mukweze mu undungo kuli mwata. Mwe mukweze akaye ni akwo.

2 Samuel 12:13

David yamba kuli Natane ngwenyi, Yehova hinamuvulumuna. Natane yamba kuli David ngwenyi, Yehova hakuchiza mutonga we. Kuchi kutwa.

2 Samuel 24:10

Alioze muze hanalula atu mbunge ya David yiyimuhisa. David yamba kuli Yehova ngwenyi, Hinavulumuna chikolo ha kulinga chuma chino, alioze haliapwila ngunalembe, Yehova, Chiza uhenge wa yami kavumbi ke, mumu nalinga ni uhepuke wunji.

2 Samuel 7:8

Kashika amba kuli kavumbi kami David ngwe, Yehova-wa-Tujita kanambe ngwenyi, Nakuchijile mu yambu kuze wakawile mapanga ukapwe mwanangana wa atu jami A-Izalele.

1 Yitanga Ya Mianangana 22:17

Mba yamba ngwenyi, Namwene A-Izalele anamwangana ha milundu ngwe mapanga keshi kafunga. Mba Yehova yamba ngwenyi, Wano keshi ni mwenyo, akahiluke mutu mweswe ku zuwo lienyi ni sambukila.

Jobe 42:6

kashika ngunalilelesa, ngunalikonyeka mu fufuta ni uto.

Jobe 7:20

Nyi ngunavulumuna, chipi chika ngunakulingi ena mukwa kutala atu? Kuchi te wakungukongakonga uta we? Kuchi te napwa ngwe chiteli kuli yena?

Miaso (Masamu) 32:5

Natayile shili yami kuli yena, uhenge wami chauswekele. Nambile ngwami, Mungushikisa uvulumunyi wami kuli Yehova mba yena wakonekenene uhenge wa shili yami.(Litulike.)

Miaso (Masamu) 44:11

Hiwatukunjika ngwe mapanga aze haatongola apwe yifwo; hiwatumwanga hakachi ka mavungu.

Miaso (Masamu) 74:1

Zambi, kuchi te watumbila ku miaka ya mutolo? Kuchi te utenu we unafwinji hali mapanga a kelo je?

Miaso (Masamu) 78:71

Wamuchijile kuze afungile mapanga aze akwamwisa ana, akalise A-Yakomba atu jenyi, A-Izalele chihinga chenyi.

Kutuhuka 10:16

Mba Falau yasanyika ni kapupushi Mose ni Arone, yamba ngwenyi, Hinavulumuna Yehova Zambi yenu. Hinavulumuna yenu nawa.

Izaya 6:5

Ami yingwamba ngwami, Lamba liami! Ngunatoko, mumu nguli mukwa mivumbo ya luchisa, natwama hakachi ka akwa mivumbo ya luchisa; mumu meso jami hamona Mwanangana, Yehova-wa-Tujita.

Yona 1:12

Iye yamba kuli ayo ngwenyi, Nungwande, nungumbile mu kalunga-lwiji. Chocho manuholela. Mumu ngunanyingika ngwami, Ha mukunda wa yami kangonga yono munene hanutula.

Zakaria 13:7

Yehova-wa-Tujita kanambe ngwenyi, Yena katana, laula kulimika ni kafunga kami, kulimika ni yoze walikunda ni yami. Lamba kafunga, mapanga amwangane; mungutalikisa kwoko liami kulimika ni ana akepe.

Kwalula 16:22

O yafulamana hashi, yamba ngwo, Zambi, mwe Zambi ya maspiritu a atu eswe, mutu umuwika mavulumuna mba mutenuka ni chikungulwila cheswe nyi?