2 Samuel 24:16 - MUKANDA USANDU WA ZAMBI 1975

¹⁶ Alioze muze mungelo wolwele kwoko lienyi ku Yerusaleme achonwone, Yehova walikonyekene ha chuma chino chikalu. Yamba kuli mungelo yoze te unonwona atu ngwenyi, Kunahu. Kokolola kwoko lie. Mungelo wa Yehova achili te ku chizungwilo cha Arauna wa ku Yepushe.

Mukanda Wa Zambi 1970

¹⁶ Muze kanganda ka Mwene Zambi hanyonga kwonona akwa Yerusaleme, Mwene Zambi yalumuna mbunge yenyi, yambila kanganda yoze te unashihi atu ngwenyi: “Litwamine! Hikwahwa!” Mwe kanganda te uchili ku chizungwilo cha Arauna, mukwa Jebuse.

2 Samuel 24:16 Iomraidhean Croise

Ubutukilo 10:16

ni A-Yepushe, ni A-Amore, ni A-Ngikashe,

Ubutukilo 6:6

Yehova yalikonyeka chize atangile atu hano hashi. Chamunehenene chinyengo mu mbunge yenyi.

2 Samuel 24:18

Tangwa lioliene Ngate yeza kuli David, yamba kuli iye ngwenyi, Yako ukatungile Yehova chilumbilo ha chizungwilo cha Arauna wa ku Yepushe.

2 Samuel 5:8

Ha tangwa lize David yamba ngwenyi, Mweswe malamba A-Yepushe akakandukile ku kapila wa meya akalambe yitonji ni afwameso waze David kaazangile ni mbunge yenyi. Kashika kakwamba ngwo, Afwameso ni yitonji kechi kunjila mu zuwo.

1 Yitanga Ya Mianangana 19:4

Alioze wayile wenyi wa tangwa lia muwundu mu puya. Yaheta ku chiputa chimwe, yeta kuli Zambi akafwe. Ngwenyi, Kunahu, Yehova, tambula kama mwono wami, mumu chapemene kuhiana atata.

1 MIANANGANA 19:35

Mba ha ufuku uze mungelo wa Yehova yatuhuka; yalamba mu chilombo cha A-Asuria kulakaji lia tununu ni makumi nake a tununu ni tununu atano. Muze akwo halaula chimenemene kumanyi eswe apwile afu.

1 Sango Ja Mianangana 1:14

ni A-Yepushe, ni A-Amore, ni A-Ngikashe,

2 Sango Ja Mianangana 3:1

Henaho Solomone yaputuka kutunga zuwo lia Yehova ku Yerusaleme ha mulundu wa Moria kuze Yehova wasolokele kuli tato David, ha chihela David halulika ha chizungwilo cha Ka-Yepushe Ornane.

2 Sango Ja Mianangana 32:21

Mba Yehova yatuma mungelo akapatule yitakame akwa hamu eswe, ni tusongo, ni tupitau mu chilombo cha mwanangana wa Asuria. Chocho yahiluka ni sonyi ku chifuchi chenyi. Mba ha kuheta ku zuwo lia zambi yenyi, waze asemukine ku mujimba wenyi mwene yamushihilako ni katana.

Miaso (Masamu) 135:14

Mumu Yehova mapatwila atu jenyi. Kumakalikonyeka ha kutwala kuli tuvumbi twenyi.

Miaso (Masamu) 35:6

Jila yo yikalé, yikasenunuke, mungelo wa Yehova akaahange.

Miaso (Masamu) 78:38

Alioze iye nikwivwa keke, waakonekenene uhenge wo, kaajimine. Ewa, kanji kanji watewulwile utenu wenyi; kasungile ufwatulo wenyi weswe.

Miaso (Masamu) 90:13

Hiluka kama Yehova! Ndo mwiji muka? Uchilikonyeke kama ha kutwala kuli tuvumbi twe.

Kutuhuka 12:13

Mumu e manyinga kumakapwa chilayi kuli yenu ku mazuwo kuze nuli. Muze mungukamona e manyinga mungukanuzomboka, mba kukuchi kapwa kuli yenu chilungo nichimwe cha kunwenyeka muze mungukalamba chifuchi cha Engitu.

Kutuhuka 12:23

Mumu Yehova makapalika ndusu mukulamba A-Engitu. Muze makamona e manyinga ha chikuli ni ha yipamba yiali ya ku chikolo, Yehova kumakazomboka che chikolo. Iye kechi katayiza chonwonyi kunjila mu mazuwo jenu akanulambe.

Kutuhuka 32:14

Mba Yehova walikonyekene ha yipi yize ambile ngwenyi, Munguyilinga kuli atu jami.

Kutuhuka 9:28

Hikwahwa, liumbenu kuli Yehova. Kukulunguza cha ngolo ni chiwe chipatuke. Mungunwecha nuye. Kunuchi kashimbula nawa, ka.

Izaya 27:8

Ha kwachiza nikulita ni cheseko, walitachikile no; yaachiza ni kangonga kenyi musasu ha tangwa lia fuji ya ku Chivumbuko.

Izaya 57:16

Mumu chichi kalitachika miaka yeswe, chipwe kutenuka, chichi katenuka matangwa eswe. Kuli yami kwakatuka spiritu ni yami mwene natangile mwiku wa mwono.

Jeremia 26:19

Te Hezekia mwanangana wa Yunda ni atu ja A-Yunda yamushiha nyi? Kevwile woma wa Yehova nikulembelela kuli Yehova, mba Yehova yalikonyeka ha kutwala ku yuma yikalu yize hahanjika hali ayo? Alioze yetu tunambe kulikokela yuma yikalu chikolo.

Jeremia 42:10

Nyi munutwama mu chifuchi chino mba mungunutungisa, chichi kunupuzula; mungunutumba, chichi kunutukula, mumu ngunalikonyeka ha chuma chize chikalu nanulingile.

Amose 7:3

Mba Yehova yalikonyeka ha chuma chino. Yehova yamba ngwenyi, Kuchichi kupwa.

Amose 7:6

Mba Yehova yalikonyeka ha chuma chino. Mwene Yehova yamba ngwenyi, Chino nawa kuchichi kupwa.

Habakuke 3:2

Yehova, hinevwa lufuma we; ngunavwila woma chitanga che! Yehova, huzulula milimo ye hakachi ka miaka. Hakachi ka miaka uyisolole. Hakachi ka ufwatulo iwuluka keke.

Zakaria 9:7

Mungukachiza manyinga mu kanwa lienyi, mungukachiza chuma cha lwaji hakachi ka mazo jenyi, neye nawa makapwa ngwe atu a masalila kuli Zambi yetu; kumakalumuka ngwe umwe munyachi wa Yunda, ni A-Ekrone makapwa ngwe A-Yepushe.

Marku 14:41

Iye yeza chisuho chamuchitatu, yamba kuli ayo ngwenyi, Fungunukenu haliapwila, nuhwime: kunahu; ola hiyeza; talenu, makunjika mwe Mwana Mutu ku moko ja yivulumunyi.

Yilinga 12:23

Haze hene mungelo wa Mwene wamulambile, mumu kachichimiekene Zambi; iye wafwile, wa kuliwa ni mavuno.

1 Korintu 10:10

Chipwe kanda nulinyenyeta ngwe amwe a kuli ayo alinyenyetene, mba aonwene kuli chenyeke.

2 Korintu 2:6

Kunahu kuli umwe ngwe yono upatwilo uno amuhelewo kuli anji;

Yoshua 15:63

Alioze A-Yepushe waze atwamine mu Yerusaleme A-Yunda kahashile kwahuma. Kashika A-Yepushe anatwama ni A-Yunda mu Yerusaleme ndo musono.

Akwa Kuyula 1:21

Alioze A-Mbenjamine kahumine A-Yepushe waze atwama mu Yerusaleme. Kashika A-Yepushe atwama mu Yerusaleme hamuwika ni A-Mbenjamine ndo musono.

Akwa Kuyula 19:11

Muze haheta hakamwihi ni Yepushe tangwa hiliaya, mba mwe ngamba yamba kuli mwata wenyi ngwenyi, Tuye tujinge ku limbo lino lia A-Yepushe tupombeko.

1 Samuel 15:11

Hinalikonyeka ha kupwisa Saulu mwanangana, mumu hanalitwamina kungukaula. Kalingile chize namutumine. Samuel yatenuka. Yateta kuli Yehova Ufuku weswe.