2 Samuel 24:14 - MUKANDA USANDU WA ZAMBI 1975

¹⁴ David yamba kuli Ngate ngwenyi, Nguli wa kupalakenya. Hapwa tuholoke mu kwoko lia Yehova, mumu keke yenyi yinene. Kanda nguholoka mu kwoko lia atu.

Mukanda Wa Zambi 1970

¹⁴ Mwanangana ngwenyi: “Nguli ngwe wakukasa! Alioze Chazangile angumwese lamba kuli atu. Chinalite angumwese lamba kuli Mwene Zambi iye mwene, mumu kali mukwa keke.”

2 Samuel 24:14 Iomraidhean Croise

2 Samuel 9:8

Iye yawayila nawa. Yamba ngwenyi, Ami kavumbi kenu kuchi napwa, nutale kuli umwe wapwa ngwe kawa mufu?

1 MIANANGANA 6:15

Muze kavumbi ka mutu wa Zambi hahinduka chimene hatuhuka, kumanyi mbunga ya maswalale, ni tuvwalu, ni matemba haseleka chihunda. Kavumbi kenyi yamba kuli iye ngwenyi, Mama yami mwata! Kuchi mutulinga?

1 Sango Ja Mianangana 21:13

David yamba kuli Ngate ngwenyi, Ngunashachiwa chikolo. Mungulikunjika mu kwoko lia Yehova; mumu keke yenyi yinene. Kanda angukunjika ku moko ja atu.

Miaso (Masamu) 119:156

Yehova, keke ye yinene kuyapwa yinji. Unguhuzulule nikulita ni upatwilo we.

Miaso (Masamu) 130:4

Alioze ukonekeno ukwete, hanga akuvwile woma.

Miaso (Masamu) 130:7

Enu A-Izalele, talatalenu Yehova, mumu kuli Yehova kwatwama utu wa zango. Kuli iye kwatwama ukule wa kulumbama.

Miaso (Masamu) 145:9

Yehova iye mupema kuli eswe. Keke yenyi yinene yahiana yitanga yenyi yeswe.

Miaso (Masamu) 51:1

Zambi, nguvwile kama keke, nikulita ni utu wa zango lie. Jimuna kama milonga yami nikulita ni kulumbama cha vumbi lie.

Miaso (Masamu) 86:15

Alioze yena Mwene uli Zambi wa tò ni keke ni vumbi. Kushi kutenuka nikawashi; utu wa zango lie ni umwenemwene we kuyalumbama.

Miaso (Masamu) 86:5

Mumu yena Mwene uli mupema, uli mukwa kukonekena. Utu we wa zango kuwakulumbama kuli waze eswe masanyika kuli yena.

Yishima 12:10

Mukwa ululi kakunyonga mwono wa chimuna chenyi; alioze keke ya yingulungulu yapwa uswi.

Izaya 47:6

Natenukine ni atu jami, najilwile chihinga chami, naakunjikile mu kwoko lie, ni yena kwaavwilile keke. Chipwe hali tushinakaji walemesene kanga ye kuhiana.

Izaya 55:7

Chingulungulu akambile ndako jenyi, mukwa uhenge akambile manyonga jenyi. Eze kuli Yehova hanga amuvwile keke; eze kuli Zambi yetu mba mamwaha ukonekeno wa kulumbama.

Jeremia 39:17

Alioze Yehova kanambe ngwenyi, Mungukupulula ha tangwa lize; kechi kakukunjika kuli malunga waze wakwavwila woma.

Lungungu 3:22

Utu wa zango lia Yehova kuuchi kahwa; keke yenyi kuyichi kasula.

Daniel 9:9

Kuli Mwene Zambi yetu kwatwama keke ni ukonekeno, mumu yetu hitwamukatukila.

Yona 4:2

Yalemba kuli Yehova ngwenyi, Yehova, ngunalembe kuli yena, te chambile chino chene shimbu te nguchili mu chifuchi chami nyi? Kashika naliangile kuchinyina ku Tashi, mumu nanyingikine ngwami, Uli Zambi ya vumbi, wa tò ni keke, makoke kutenuka, mukwa kulumbamisa utu wa zango, kuwakulikonyeka ha chuma chikalu.

Mika 7:18

Iya mapwa Zambi ngwe yena, mukwa kukonekena uhenge, ni kuzomboka milonga ya masalia ja chihinga chenyi? Kechi kufunga utenu wenyi wa mutolo mumu kakuwahilila ni utu wa zango.

Mika 7:19

Kumakatuvwila keke cheka nawa; kumakaliata uhenge wetu ni molu jenyi. Kumukambila milonga yetu mu mashima ja kalunga-lwiji.

Zakaria 1:15

Ngunatenuka ni mavungu aze anatwama nikuhwima mumu natenukine hakehe wika alioze o awezele ku luyinda.

Yoano 12:27

Haliapwila mbunge yami yinalipikala, kuchi mungwamba? Tata, ngulamwine ku ola yino. Alioze ha chikuma chino hineza ku ola yino.

Filipu 1:23

Yino yeswe yiali yinangushinjika, se usona nguli nawo wa kukatuka, ngukaye kuli Kristu; mumu chize chipema chikolo chahiana.

1 Samuel 13:6

Muze malunga A-Izalele amwene ngwo, Twasakaminya (mumu atu alifwichile) mba aswamine mu yivwenge, ni mu usaki, ni mu yimawe, ni mu pembo, ni mu mena.