2 Samuel 24:13 - MUKANDA USANDU WA ZAMBI 1975

¹³ Chocho Ngate yeza kuli David nikumwambulwila ngwenyi, Yize miaka shimbiali ya kapunga kuli yena mu chifuchi che? nyi Shinaho uchine tukweji atatu kumeso ja akwa kole je shimbu o makuhanga? nyi kupwe matangwa atatu a musongo wa chilungo mu chifuchi che? Zewula haliapwila, utongole chize mungukumbulula kuli yoze wangutumanga.

Mukanda Wa Zambi 1970

¹³ mwe Gade yaya maha mwanangana, yamulweza yize Mwene Zambi ambile, yamuhula ngwenyi: “Chika munuzanga? Miaka yitatu ya zala mu chifuchi chenu? Hanji kuchina akwa kole jenu tukweji atatu? Hanji matangwa atatu a chipuho chikalu mu chifuchi chenu? Haliabwila hinyongenu, nungulweze chize mungukumbulula kuli Mwene Zambi.”

2 Samuel 24:13 Iomraidhean Croise

2 Samuel 21:1

Kwapwile kapunga ha matangwa a David miaka yitatu mwaka ha mwaka. David wahulile kuli Yehova. Yehova yamba ngwenyi, Chino chuma chapwa mumu hali Saulu ni munyachi wenyi wa kumwanga manyinga, mumu washihile A-Ngibeone.

2 Samuel 24:12

Yako uhanjike ni David ngwe, Yehova kanambe ngwenyi, Ngunakwehe yuma yitatu. Litongwele chuma chimuwika ngukakulingecho.

1 MIANANGANA 8:1

Achi Elisha te hahanjika ni pwo yoze wahindwishile mwanenyi wa lunga nikumwaha mwono ngwenyi, Katuka uye ni akwa zuwo lie ukatwame kweswako mutwama, mumu Yehova hatambika kapunga, mba kumeza ha chifuchi miaka shimbiali.

1 Sango Ja Mianangana 21:12

shina miaka yitatu ya kapunga, shina tukweji atatu akanwonwone kuli akwa kole je shimbu tutana twa akwa kole je makuhanga; nyi shina matangwa atatu a katana ka Yehova, chilungo mu chifuchi ni mungelo wa Yehova kanonwona ndusu mu manjiza eswe a Izalele. Kashika nyonga kumbululo lize mungutwala kuli yoze wangutumanga.

Miaso (Masamu) 91:6

Chipwe ha chilungo chize cha kupalika mu milima, chipwe ha kwonwona chize cha kulalisa tangwa ha muchima.

Kutuhuka 7:25

Chize haze Yehova alambile mwe lwiji, matangwa shimbiali yahwa.

Ezekiel 14:13

Mwana mutu, muze chifuchi chimwe muchinguvulumuna ha kulinga ni mafwefwe, ni yami munguzoza kwoko liami kulimika nacho, nikumakuna mulumbu wacho wa mbolo nikutumako kapunga, nikusutulaho atu ni tushitu,

Alevi 26:20

Munuhwisa tachi jenu mokomoko mumu mavu kechi kuhana tachi jo, ni mitondo ya chifuchi kuyichi kuhana mihuko yayo.

Alevi 26:25

Mungutuma hali yenu katana wa kukala ha usendo. Munukunguluka mu yihunda yenu mba mungutuma misongo ya kulukumuka hakachi kenu akanukunjike kuli akwa kole jenu.

Luka 4:25

Alioze chamwenemwene ngwami, Mwapwile twamishi anji mu Izalele ha matangwa ja Eliya, muze ájilile lilu ha miaka yitatu ni tukweji asambano, chocho kapunga munene wejile mu chifuchi cheswe;

Shimbi 28:22

Yehova makanulamba ni musongo wa mukaka, ni kachiki, ni chivukuminya chá ku mujimba, ni kusasaminya cha kahia, ni katana, ni kukonyata, ni kuunda. Muyikanuhanga ndo munukakuwa.

Shimbi 28:25

Yehova makanulambisa kuli akwa kole jenu, munukatuhukila jila yimuwika kulimika no, alioze kumunukachina kumeso jo ku majila shimbiali, kumunukamwangana hakachi ka mawanangana eswe a hashi.

Shimbi 28:27

Yehova makanulamba ni yivunda ya Engitu, ni hute, ni katoma, ni mukule, kechi kahasa kunuwukayo.

Shimbi 28:35

Yehova makanulamba ha makungunwa, ni ha molu ni yivunda yipi, kechi kahasa kunuwukayo, chize ku yiliato yenu ndo ku mbanda-mitwe yenu.

Shimbi 28:52

Makanuseleka ku yihunda yenu yeswe, ndo yipanga yenu yisuku ya tachi muyikapuzuka, yize nwakuyifuliela, ndusu chifuchi chenu cheswe. Iye makanuseleka mu yihunda yenu yeswe ndusu chifuchi chenu cheswe, Yehova Zambi yenu hananwehecho.

1 Samuel 25:17

Kashika nyingika chuma chino unyonge chize mulinga, mumu kananyongo kulinga chuma chikalu kuli mwata wetu ni kuli akwa zuwo lienyi eswe se niumwe mahasa kuhanjika nenyi mumu ha kupiya chenyi.