2 Samuel 24:10 - MUKANDA USANDU WA ZAMBI 1975

¹⁰ Alioze muze hanalula atu mbunge ya David yiyimuhisa. David yamba kuli Yehova ngwenyi, Hinavulumuna chikolo ha kulinga chuma chino, alioze haliapwila ngunalembe, Yehova, Chiza uhenge wa yami kavumbi ke, mumu nalinga ni uhepuke wunji.

Mukanda Wa Zambi 1970

¹⁰ Muze mwanangana halula e atu, yabutuka kulibikala mu mbunge, yaliondela kuli Mwene Zambi ngwenyi: “Navulumuna mulonga unene Wahiana muze nalinga Chuma chino! Nalemba ngukonekene kama mwane. Nalinga uhepuke.”

2 Samuel 24:10 Iomraidhean Croise

2 Samuel 12:13

David yamba kuli Natane ngwenyi, Yehova hinamuvulumuna. Natane yamba kuli David ngwenyi, Yehova hakuchiza mutonga we. Kuchi kutwa.

2 Samuel 24:17

Ha kumona mungelo yoze unalambe atu David yamba kuli Yehova ngwenyi, Hingunavulumuna! Hingunalingi ni kupiya. Alioze wano mapanga yika alingile? Ngunalembe, kwoko lie likalimike ni yami ni munyachi wa tata.

1 Yitanga Ya Mianangana 8:35

Muze lilu Hapwa lia kuyika, kukushi vula mumu hakuvulumuna, nyi malemba nikutalikisa kuma kuno, nikutayiza jina lie nikuhichika mulonga wo muze mukaalamba,

1 Sango Ja Mianangana 21:7

Ni Zambi yevwa kupiha ni chuma chino kashika yalamba A-Izalele.

1 Sango Ja Mianangana 21:8

Mba David yamba kuli Zambi ngwenyi, Mulonga unene hinavulumuna ha kulinga chuma chino. Kashika ngunalembelela Uchize kama uhenge wa yami kavumbi ke mumu hinalinga uhepuke.

2 Sango Ja Mianangana 16:9

Mumu meso ja Yehova kakuzomboka ndusu hashi heswe akalisolole mukwa tachi kukwasa yoze uli ni mbunge yingunu kuli iye. Ha chuma chino hiwalinga ni uhepuke, mumu chize ku musono muopwa ni jita.

2 Sango Ja Mianangana 32:26

Alioze Hezekia yalikehesa mumu ha kulengumuka cha mbunge yenyi, iye ni akwa Yerusaleme hamwe, kashika ufwatulo wa Yehova kuwejile hali ayo ha matangwa a Hezekia.

Jobe 7:21

Kuchi te kuchi kukonekena mutonga wami, kuchi kuchiza uhenge wami? Mumu haliapwila mungupomba mu mavu; mukangufupa, ami chishiko.

Miaso (Masamu) 32:5

Natayile shili yami kuli yena, uhenge wami chauswekele. Nambile ngwami, Mungushikisa uvulumunyi wami kuli Yehova mba yena wakonekenene uhenge wa shili yami.(Litulike.)

Kutuhuka 10:16

Mba Falau yasanyika ni kapupushi Mose ni Arone, yamba ngwenyi, Hinavulumuna Yehova Zambi yenu. Hinavulumuna yenu nawa.

Yishima 28:13

Mweswe masweka uvulumunyi wenyi kechi kawaha; alioze mweswe maushikisa nikuumbila mawana keke.

Hosea 14:2

Twalenu maliji nukahiluke kuli Yehova nukambe kuli iye ngwenu, Chiza kama uhenge weswe; tambula kama chize chinapeme mba mutukwaha mihuko ya mivumbo yetu.

Joele 2:12

Hindu chipwe haliapwila Yehova kanambe ngwenyi, Tewulukilenu kuli yami ni mbunge jenu jeswe, ni kulitwamina kulia, ni kulila, ni kulishimwoka.

Kwalula 12:11

Arone yamba kuli Mose ngwenyi, Mwata wami, ngunakulembe, kanda utushata mutonga uno, mumu te twalinga ni uhepuke, mumu te hitwavulumuna.

Marku 7:22

ni kuzo, ni ungulungulu, ni kalimbalimba, ni ujila, ni liso lipi, ni kushililika, ni kulizelula, ni uzuzuke:

Yoano 1:29

Muze hikwacha yamona Yesu kaneza kuli iye, neye yamba ngwenyi, Talenu mwe Mwana-panga wa Zambi, yoze machiza shili ya akwa hashi!

Yoano 8:9

O muze achivwile atuhukile umwe ni umwe, nikuputuka kuli mukulwana ndo kuli yoze wa kusula; ahichikile Yesu ukawenyi, ni mwe pwo, muze apwile mukachi.

Shimbi 32:6

Chocho munukundulula kuli Yehova, enu atu a uhepuke ni lwelia? Te hi tatenu ko? Yoze wanutangile, wanuwumbile, wanukolesele?

Titu 3:3

Mumu yetwene nawa ha miaka ya kunyima twapwile yihepuke, yihulia, nikupianguka, nikulingila usolo weka ni weka ni kuwaha cheka ni cheka, nikwenda mu uhuka ni lufwachinda, akwa kole, nikulivwila kole umwe ni mukwo.

1 Yoano 1:9

Kachi mutushikisa milonga yetu, kachi iye wamwenemwene, iye mukwa ululi kutukonekena milonga yetu, ni kutupemesa ku uhenge weswe.

1 Samuel 13:13

Samuel yamba kuli Saulu ngwenyi, Hiwalinga uhepuke. Kwalingile nikulita ni shimbi ya Yehova Zambi ye yize akwambile. Nyi chocho walinga kachi Yehova wakolesele wanangana we kuli A-Izalele ku miaka ya mutolo.

1 Samuel 24:5

Alioze kulutwe David yalikonyeka mu mbunge mumu hateta lupula wa hina lia Saulu.

1 Samuel 24:6

Yamba kuli malunga jenyi ngwenyi, Yehova angukanjise kulinga chuma chino kuli mwata wami wa kuwayisa ni maji kuli Yehova, ngwolole kwoko liami kulimika nenyi, se Yehova hananuwayisa.

1 Samuel 26:21

Saulu yamba ngwenyi, Hinavulumuna mwanami David. Hiluka mumu chichi kukulinga nawa chipi, mumu mwono wami wapwanga ulemu kumeso je musono. Hinalinga uhepuke. Hinapiasuka chikolo kuhiana.